بطولة gears of war " تحدي فردي " (( مبروك SOS 360 ))

[FARES360]

انتهت البطوله بفوز sos 360 بفارق نقطة واحده
.."الفائز ببطوله GOW للعب الفردي "

النتيجة :


الحقائق ..
المبارات كانت من اصعب المباريات في الدوري حسب قول sos بأني منافسه الساحق
اول شي بدأنا بمبارات وديه استعدادا للنهائي.. حيث كانت النتيجة
fare360 9 kills - 4 downs
sos360 15 kill - 16 down
مع شكر خاص للزائر في المبارات الوديه الأخ shba6t

طبعا ما كان ويانا في النهائي ..
من الأحداث الطريفة التي حدثت
- قتل فارس الزائر من غير عمد لأنه دخل في المعركه
- المنافسين اوقعوا انفسهم down وكانو يعدون الثواني لمن يبقى حيا في النهايه
- انتحار فارس بالboomshot
من مميزات وعيوبهم
sos 360
- حاد في استعمال الsniper
- لا يجيد تصويب البوم جيدا
- خبير في وضع أستراتيجيات بسلاح القنابل
- لا يحب استخدام الturkbow
- يواجه ضعف بسيط في إصطياد المراوغين

fares360
- مصوب ساحق في استخدام الboom shot ! بتصويبات تامه من مسافات بعيده
- ضعيف جدا في استخدام الsniper
- محترف شيطاني في المراوغه والتخفي المفاجأ !

ملاحظات حول استخدام ألأسلحه
sos360
يستخدم غالبا الsniper والقنابل
بينا fares360 يسخدم الboomshot والرشاش

ياله ..الي حاب يبارك حق sos360 يتفضل

[FARES360]

مبروووك

[MadlucK]

والله انك متهور يا sos 360 :P بس شكلها المباراه كانت عنيفه !!

وزين تسوي وتاخذ ثاري من فارس لانه فاز علي لوووووول

مبروك الفوز فواز وهاردلك فارس

[Homoud]

ألف مبرووووك أخوي SOS ولا عــزاء لفارس

مــادلك .. يا الصقعه فجرت وجهك اليوم بجيرز ولك ويه تدش بطولات
أوف ذا ريكورد: دق علي الحين

هــــاردلك فارس

[(Ntada)]

مبروووووووووووووك sos360
ماشاءالله
عقبلنا في الدورة الجاية
مشكور

[Mr.Xbox]

مبرووك SOS 360 .. تستاهل الصراحه

شكل المباراه كانت حماسيه ^^"

وان شاء الله فارس ينظم لنا مباريات ثانيه

[SoS 360]

االله يبارك فيكم اخواني وبصراحه المبارة كانت حماسيه جدا وكانت المبارة الاولى مبارة وديه للاستعداد للمبارة النهائيه وانا كنت الهوست فيها وكان معانا صديقي العزيز شباط بو ناصر و كان قاعد يشوف المبارة طبعا المبارة الاولى كان هناك تنافس شديد على السنايبر والقنابل لكن فارس كان يفضل البوم شوت وانا كنت احاول انه ما يتقرب مني مهما يكون عشان لا يقضي علي وطبعا كل عضو حاول يطلع افضل ما عنده من استراتيجيات و مرواغه والقوي جدا كان انه فارس يقدر يصوب عليك بالبوم شوت من اول المرحله وانت بعيد ويحوشك الله يخلي الرانكد يا فارس طبعا اللعب كان في مرحلة gridlock

وبالنسبه للمبارة النهائيه كان فارس هو الهوست ولعبنا في مرحلة القطار troy station وطبعا اول ما بدينا راح فارس وخذا الاسهم وصار روبن هود وانا ما حبيت اخذ الاسهم لانه راح تطول السالفه جذي ف رحت وخذيت القنابل و حاولت اني اخليه يفرغ جميع الاسهم اللي عنده عشان اقدر اضربه على راحتي وطبعا بعدها فارس عرف الخطة اللي كنت مسويها و صار ما يخليني اقرب يم القنابل ابدا وصارنا نتقاتل بالرشاش والمنشار والشوزن .... وكل واحد كان عنده استراتجيات مراوغه وقام فارس بخداعي يرمي السموك من جدام وبعدين يروح يجي من الجنب او من الخلف كانت بالفعل مبارة حلوه وصعبه بنفس الوقت لكن الحمدالله قدرت انتصر اخيرا ولصقت القنبله عليه وفجررت فارس .....

واحلى موقف صار معاي لما فارس كان يستخدم الاسهم وانا كنت احاول اقرب يمه وكان يحاول يضربني لكن بعد ما حاول يسوي active reload علق معاه جان اروح له والصق القنبله عليه وكان اهو في وضع لا يحسد عليه لانه السلاح معلق معاه وما يقدر يضرب B

تحياتي لكم

[هنتر فور ايفر]

مبرووووووووووووووووووووك اخوي SoS 360


تحياتي هنتر

[Gentleman]

مبروك فواز والنتيحة كانت جدا قريبة بينك وبين فارس وهذا يدل انها كانت مبارات كبيرة ..

وشكرا ..

[SoS 360]

الله يبارك فيكم اخواني وماقصرتوا

[النسر الأسود]

مبروك فواز والله إنك تستاهل أكثر بعد