.:::: 2008 وقت الجد و التحدي الحقيقي للأجهزه (توقعاتك) ::::.

[iNFaMY]

السلام عليكم ورحمة الله وبركاته
شلون حبايب قلبي اعضاء المنتدى
انشالله بخير ؟
(( بخير )) دوم انشالله

طبعا كلنا او ثلاث ارباع المنتدى يملك احد الاجهزه التاليه : PS3 , XBOX 360 , Wii

ولعبنا العاب ولا اروع في السنه الحاليه 2007 ودخلنا في جزء صغير جدا في تحدي اجهزه الجيل الجديد Next Gen

انا بتكلم بواقعيه وبدون عنصريه وبدون تعصب شباب خنكون كبار على هالسوالف

السنه هذي تشهد تفوق الاكس بوكس بشكل كبير على البلايستيشن 3
من حيث الاونلاين
ومن حيث الالعاب
ومن حيث التقاييم
ومن حيث المبيعات (( الا بالفتره بالاخيره ))
ومن حيث الحصريات
(( ياشعب البلايستيشن 3 لاتبحلقون عيونكم نطرو خل اكمل لحد يعصب نطرو لول ))

سبب تفوق الاكس بوكس هذي السنه ناتج عن اهتمام الشركه المبالغ فيه بالجهاز كالدعم الاعلامي القوي لبعض الالعاب مثل هالو 3 مايحتاي اتكلم عن دعايات هاللعبه
وهذي طبعا نقطه ايجابيه لصالح الاكس بوكس ..
لكن ابي اقولكم شغله ياشعب الاكس بوكس (( شعبي العزيز ))
تره هذا كله الي تشوفونه عباره عن 20 % من التحدي الحقيقي للجهازين ..

2008 راح تحكم بأعدام احد الاجهزه ...

البلايستيشن 3 ... ناوي نيته ...
خدمة الـ Home (( ياويلنا ويلاه ))
الالعاب الحصريه ...
ميتال جير 4 (( اهني انا اطق تحيه ))
استخدام قوه الجهاز بالكامل ...
خوفك يصير فينا مثل ماصار بالدريم كاست ..؟!

ياجماعه لانستهين بالبلايستيشن 3
تره قوته جبااااااااااره بمعنى الكلمه ...
يعني انا اقول لو نحكها معاهم ونستغل الفرصه ونشتري بلايستيشن 3 يكون احسن يعني ...

وفوق هذا الاكس بوكس 360 يعاني من عده مشاكل ممكن تخلي جهازنا يطيح
وهذي النقطه راح تستغلها سوني
1- ماعندنا بلو راي
2- ريد لايت
3- الجهاز لازم تدلعه احلى دلع علشان يتم معاك 5 شهور على الاقل
4- اكسسوارات الجهاز الغاليه ..

المهم من خلال هالموضوع
ابيك تتوقع (( قلت تتوقع مو تتهاوش ))
هل راح يقلب البلايستيشن 3 علينا الموازين ؟
(( وقتها بكون شاري البلايستيشن 3 طبعا ))
+
شنو اهم لعبه عندك في 2008 ؟؟
بالنسبه لي Resident Evil 5

المهم عطونا أرائكم

الله يستر
المهم مثل ماقلت ..
انا اقول لو نحكها معاهم يعني ولا شرايكم ؟
ميتل جير 4 بعد .. احم احم

[GHOST 360]

الله يستر ..
بتستوي حريقه من التحدي واخاف احنا نحترق ^^
انا متوقع من ps3 الكثير 360 الكثير ايضا من الاعاب ..
ننتضر ونشوف

[DeadLy_]

السنة الجاية بتكون قوية للps3

جران توريزمو 5 \ فاينل فانتسي \ ميتال جير... هالثلاث عناوين كفاية

[عاشق 360]

انفامي بخصوص مشاكل الجهاز انساها شيي من الماضي وانتهى وخصوصا الريد لايت

بخصوص كلامك صحيح انا اتوقع ان البلاي ستينش بيتحسن وضعه في 2008 اكثر من 2007

وخصوصا بوجود العاب قويه

لاكن لاتنسى الاكس بوكس نفس الشي باقي له العاب قويه

منها نينجا جايدن 2 وفيبل والن ويك والعاب رير وغيرها من الالعاب القويه

بس انسى ان الجهاز يصير مثل الدريم كاست

الاكس بوكس اعتقد انه تخطى حاجز ال 15 مليون جهاز

[FARES360]

انا اقول البلاي3 راح يرتفع بشكل لافت وراح يمسك حبل " التنافس " على عكس وضعه حاليا ..
بينما ال360 هم راح يصعد لكن بشكل متواضع وعالخفيف ..اعتمادا على الألعاب الي راح تنزل!؟
اما بخصوص المبيعات النهائيه اتوقع انها بتكون متساويه بين بعض بفرق كم الف وما الى ذلك ..
بالنسبه للألعاب المهمه لي في 2008 .. فيه وايد بس بذكر وحده وهي FABLE ||
اما نقاط الضعف الي ذكرتها.. شيل الرد لايت منها لأنه ما عاد احد يشتكي منها بالElite وانت صاعد " falcon قريبا "

شدعوه الwii ما تعترف فيه ؟ ما أشوفك مدحته بشي !

[RE Forever]

أنا أتوقع إنه 2008 راح يكون البداية الفعلية للـ PS 3 ، وإنه راح ينزل بقوة معوضاً ما فاته في 2007 ، مع الأخذ في الاعتبار عدم انخفاض مبيعات الـ 360 بشكل كبير ، يعني ما راح ينقرض مثل الدريم كاست ، والله أعلم.

أما عن أهم لعبة في 2008 هي MGS 4 ، لأن أكثر لعبة أنتظرها وأتوقع إني راح أشتري الـ PS 3 عشانها وهي Resident Evil 5 أغلب التوقعات إنها راح تنزل في 2009 وليس 2008 ، وشكراً لك أخي العزيز على الموضوع.

[joker_zambrotta]

مع خفض السعر 400 دولار
ووجود اغلب اوراق سوني باليد وعدم طرحها عل طاولة مثل
free online
خدمة home
mgs4
FF XII
littlebigplanet انا مراهن على هل لعبة
killzone
GT5
واقدر اقول devil 4 باليابان ناطرينها عل سوني3
يعني الالعاب اللي فاتت كلها تعتبر system sellers
ناهيك انه ارخص مشغل بلوري موجود حالياً
مع افلام مثل
die hard 1,2,3,4
pirates 1,2,3
spiderman 1,2,3
افلام دزني
و جم فلم انيمي مثل Paprika
ولو ينزلون افلام ميازكي شي جميل يصير

يعني مع هل قائمة من الايجابيات المفروض ترتفع مبيعات الجهاز احسن من هل سنة بوااااايد

وهم ال360 عنده العاب حده مو هينة
fable2
cry on
GOW2
ninja gaiden 2

[فوق المستحيل]

اعتقد انه عام البلايستيشن 3

والسبب منطقي

لان البلايستيشن 3 في هذا العام ماقدمت شي.

وكل العابه الحصريه والقويه راح تنزل العام المقبل...فااتوقع ان وضعها ماراح يكون اسوء من وضعها الحالي

[واوا أكس]

شباب صج مايكرسوفت عندها خدمه تشبه ال home وبيعلنون عنها في بداية السنه ؟

عموما المنافسه بتكون قويه واايد ووضع سوني بيكون أقوى وأحلى من اال2007 و مايكرسوفت تحت راسها شي

[فوق المستحيل]

من احد اقوى اسباب نجاح xbox360 هو التوقيت الممتاز الذي قامت به مايكروسوفت بطرح جهازها بالسوق.

[kllor]

أنا الأن أفكر إني أشتري ps3 لأن خوفك يصعدون السعر بعدين بعد ما تنزل mgs4 & FF

شكلها راح تصك السنه القادمه و الله يستر

[DeadLy_]

أنا الأن أفكر إني أشتري ps3 لأن خوفك يصعدون السعر بعدين بعد ما تنزل mgs4 & FF

شكلها راح تصك السنه القادمه و الله يستر

أما يغلون السعر؟ ما توقع المفروض أسعار الأجهزة تقل كلما زاد عمرها بس كل شي جايز!

[Dark_SS]

في نظري ان ال PS3 قآآآدم بقوة في 2008 لأنه هو وقت الي ينزل فيه الالعاب الحصرية ..
بس لاحظت انه بينزل اكثرها دفعة وحدة ((( شيء جيد للمستهلكين بس ليس جيد للشركة في نظري )))

وعن الاكس بوكس سيكون متحدي مع البلاي 3 بنسبة 40% الى 50% للبلاي3 في الربع الثالث مع 2008 ..

ونصيحتـــــــــي حق 2008 اجمعوا لكم كم قرش وخذوا بلاستيشن 3 لما يصير ينزل مع الDualshock Bundle..
وسلامتكم ^^

[Mr.X]

اتوقع الإهتمام بالـ PS3 بالمنطقة العربية عموماً راح يكون كبير خصوصاً ان سوني حالياً قاعده تبرمج الجهاز على ان يظيفون اللغه العربية له.. بالإضافه إلى
ان اللغه العربية هي من بين اللغات الأساسية بالهوم بالنسخه النهائية مو البيتا ..فأتوقع ان الشركات المطورة مثل ما قالت سوني راح تصير مهتمه بالمنطقه
العربية وإحتمال كبير انهم يظيفون اللغه العربية من بين اللغات الـ 5 الأساسية الموجوده بأغلب الألعاب

ثانياً سوني إلى الآن ما نزّلت اوراقها القوية من الألعاب و أولها MGS4 وفيه العاب كثيره مثل وايت نايت ستوري,ليتل بق بلانت , درايفر 5 , هيز ,UT3 وغيرها..
بالإضافة إلى انه فيه احد البودكاسات الخاصة بميتل جير جا سؤال بالبريد لراين بيتون يقول له ,, هل سوني خايفه من وضع المنافسه مع باقي الأجهزة خصوصاً
مع وضع سوني المتردي ؟؟ فجاوب : نحن لسنا خائفين منها وسنة 2008 هي سنتنا <<< كلامه يخوف اتوقع ان سوني مجهزة اشياء كبيرة بهالسنة إلى الآن
ما اعلنت عنها !!

[Modi]

الحمدالله انا مروق والجهازين موجودين عندي .. وانتظر اي لعبه تسوى .. اشيلها بدون تعصب ^_^
اللعبه الوحيده الي بهالسنه ممكن تكون الاقوى هي GTA4 "من حيث المبيعات مع اني اكره اللعبه كره"

هالسنه لي العاب كثيره حلوه على الجهازين
ميتل جير .. سبلنتر سيل .. لاست اودسي .. نينجا قايدن
ان شاءالله تتواجد توستد ميتل "حاسس انهم بيعلنوا عنها"