ما هي نصيحتكم لي؟

[اسرار الضلام]

بسم الله الرحمن الرحيم

السلام عليكم ورحمة الله و بركاته

بصراحة أنا متردد اريد اشتري جهاز و اريد نصيحتكم

في ناس تمدح الـ PS3 و في ناس تمدح Xbox 360

و رأسي صار يوجعني من الحيرة الى أنا فيها و ارجو منكم تنصحوني

و في ناس تقول ان الـ PS3 يخترب بسرعة و في ناس تقول الـ Xbox 360

اذا لعبت اكثر من 8 ساعات الجهاز يخترب و الأيادي كل خمس ايام تستبدل بطارية

و غير ذالك مما يجعلني اصبح في حيرة و لا ادري ما هو القرار النهائي فالرجاء

توضيح ما يلي:
1- هل الكلام الي ذكرته صحيح؟
2- ما هو نصيحتك في جهاز الأكس بوكس؟
3- ما هو عيوب الجهاز ؟
4- ما هو سعر الجهاز في السعودية؟
5- ما هي مميزات الجهاز؟
6- ما هو رأيكم في جهاز PS3?

و سامحوني على كثرت الأسئلة لأنني متردد كثير

اخاف اخذ هذا تالي اندم و اخاف اخذ هذا و تالي اندم

فالرجاء من اخواني الأعضاء اعطائي بعض النصائح

و عدم الأنزعاج مني

و ارجو الرد

وشكراً

[FARES360]

الPS3 نسبة خرابه تقريبا 2% وغالبا من النسخ الأوليه والخراب يكون في bluray .. محد يشتكي من خرابات فيه ..
ال360 نسبة الخراب فيه 30% والخراب من cpu..وايضا الأغلبيه من النسخ القديمه ( البريميوم والكور ) .. فعساس تتجاوز هالمشكلة ..دور على xbox360 من نوع falcon او elite الأسود عالأقل..

سالفة 8 ساعات مو صحيحه .. سواء ال360 او البلاي3 ...
انا احيانا اخلي جهازي 12 ساعه شغال متواصل .. ومافيه الا العافيه " الحمدلله "

اسعارهم مادري xD .. اما عن المميزات كل جهاز له العاب تميزه عن الثاني .. وعلى حسب ذوقك ..
انا ميولي اكثر لألعاب ال360 .. , انا مو ندمان ابد عال360 بل مبسوط وفيه غيري نفس الكلام مع البلاي3 او ال360

في النهايه اراء الناس مراح تفيدك وايد ..انت راجع نفسك وشوف ميولك لأي جهاز صاير اشتره !

وبس

[اسرار الضلام]

و الله تسلم طال عمرك على المعلومات و اشكرك من اعماق قلبي و الله لا يهينك

بس المحافظة على الجهاز و الأعتناء به هو سبب في تجنب الخراب.

و سمعت ان اليدة خمس ايام و تستبدل بطارية مدري اشاعة او صدق؟

اما من ناحيتي أنا احب العاب السيارات و الحروب.

و اما بالمميزات اقصد مميزات 360 من ناحية الجرافيكس؟

فأنا رأيت في بعض المواقع ان الـ 360 متفوق على جهاز PS3

عندي بعض الأسئلة

هل استطيع تصفح الأنترنت في جهاز 360 و تحميل الألعاب؟؟

و هل صادفتك مشاكل مع الجهاز ؟

و هل تنصحني بجهاز xbox 360

و ارجو منك العذر و السموحة لكثرت الأسئلة

و شكراً

[FARES360]

اليدة على حسب ساعات اللعب .. , انا معدلي ساعتين كل يوم .. وابدل البطاريه كل اسبوع وشوي ..
بس مو مشكلة فيه يدات وصلة واير usb وشحن بنفس الوقت .. يعني تشحنه وتلعب من غير سالفة البطاريات
تحميل الألعبا موجود تقدر تحمل العاب لكن ديموز تجريبيه مو كامله بأحجام تتراوح بين 400 ميجا الى 1 جيجا
بالنسبه لي المشاكل الي صادفتني ..المراوح الخارجيه الي ركبتها ورا كانت بتخرب جهاز وكان يطفي وايد ! يوم شلت المراح ..رجع يشتغل تمام .. , لا ما تقدر تتصفح النت .. لكن فيه نشره اخباريه بخصوص ال360 والدعايه في الماركت بليز .. وهم عندك مسنجر لو حاب تسولف ..

بالنسبة للنصيحه لول صراحه مادري شقولك .. انا حاب الجهاز ومستقر وياه وكل شي تمام
وراضي بخدمة اللايف والألعاب الي قدمته لي .. فأنا عن نفسي انصحك فيه لكن انت حاب الجهاز اساسا؟

بالنسبه للجرافكس .. فالجهازين متساوين في الجرافكس تقريبا لأنه اثنينهم من نفس الجيل
الي هو الجيل الثالث .. التفوق هذا عادي مو ذاك الفرق
الا لو كنت من النوعيه الي تدقق حيل بالشاشه ! , بس يقولك البلاي3 مبدئيا اقوى في الجرافكس
لأنه عنده قوة السيل المخفيه .. بس ما شفنا منها شي للحين لول .. المهم الجرافكس هم يعتمد على
الشركة والفريق الي يسون اللعبة ومدى استغلالهم من قوة الجهاز ..

[اسرار الضلام]

و الله مدري كيف اعبر عن شكري لك

بصراحة الجهاز روعة و دخل في راسي تدري بعد كلها كم يوم و تجي الأجازة

و الجهاز بصراحة يتنافس مع الـ PS3 مما ان الجهازين متساوين الى ان الـXbox ارخص و اوفر
و يتوفر له اشرطة كوبي و مميزات

و ما تسوى عليي اشتري ps3 لأن سعره الغالي 2500ريال
و هذا غير اشرطته لأن لا يتوفر له اشرطة كوبي اذا قلنا الـXbox بـ 1400 او قول 1700

يعني شوف الفرق كبير واجد يعني لو توفر 800 او 600 ريال تشتري اشرطة xbox كوبي
اكثر من 30 شريط و تحس نفس المتعة بعد او اكثر بعد لأن على حسب ما سمعت ان اشرطة الـXbox
كثيرة و هذا ما يدفعني إلى ان اميل لجهاز الـXbox اما الـ ps3 اشرطته 250 ريال يعني معناها ان
اذا شريت10 اشرطة تجيب سعر الجهاز و ليش انا ارمي روحي إلى التهلكة بنفسي.

و اذا في كلام اي اشكال قول الي
و هل كلامي صحيح الى قلته ؟؟ هذا الكلام مني شخصياً و لا اعتمدت على غيري
لأن انا من سيلعب و ليس غيري

مع خالص التقدير و الأحترام...

[FARES360]

Xd انا ما أساند الكوبي .. انا ضد الكوبي !
لأنه حرام الشركة تتعب وانت تروح تشتريها برخيص حط مكانك مكان الشركة ما ضن راح ترضى
لعبة خسرت عليها ملايين في البرمجة والتعب ..واخرتها يجيلك واحد يأخذ اللعبة بدنارين ..
أشتر لعبة وحده كل شهر كافي.. منها تساند الشركة على ما قدمته لك من متعه
ومنها تحلل اللعبة وتأخذ وقتك لأنه درزن الكوبي ماراح يعطيك طعم اللعبة الأصليه
اما بالكوبي راح تزيد العابك ولا لاعب فيها شي .. حلاته تشتري لعبة وتركز عليها ويفضل أصلي ..

[اسرار الضلام]

مشكوووور على الرد

طيب بكم اسعار الألعاب الأصلية بين كم و كم??

و كلامك صحيح اذا زادت الألعاب مسوى مجربنها

في الـps2 عندي اشرطة واجد مدري ويش العب

بس خلاص على العموم احين ماحد يستخدمه

و أنا حبيت اغير جو لعب واشتري الـXbox مما يعجبني في مميزاته الروعة

بس عندي شي

- ويش سالفة اللمبات الحمرة؟؟
- و ما هي اسعار الأشرطة الأصلية؟؟ يعني يتراوح سعرها بين كم و كم؟؟

و اشكرك مرة اخرى على هذه المساعدة

[FARES360]

اللمبات الحمر هي النسبة الي عطيتك فوق 30% من الأجهزه القديمه اي الكور والبريميوم..
وسببها هو ارتفاع الحراره الزايد للجهاز نتيجة ضيق التهويه للجهاز او وضعه في مكان مغلق ..
أسعار الألعاب تتراوح بين 20 دينار الى 26 دينار لليديد ؟( من الألعاب القوية فقط امثال gta iv )

[moonglade]

السلام عليكم

26 دينار حلو راح تحلل فلوسك

بس ما تدري علا جم الجهاز وشلون العب اون لاين :/?

ويعطيكم العافيه علا المعلومات

[اسرار الضلام]

اللمبات الحمر هي النسبة الي عطيتك فوق 30% من الأجهزه القديمه اي الكور والبريميوم..
وسببها هو ارتفاع الحراره الزايد للجهاز نتيجة ضيق التهويه للجهاز او وضعه في مكان مغلق ..
أسعار الألعاب تتراوح بين 20 دينار الى 26 دينار لليديد ؟( من الألعاب القوية فقط امثال gta iv )

يعني الـ Elite ما عليه مخاوف اشتريه وأنا مطمئن؟؟

على حسب ما سمعت ان الـ Elite لحد الآن اللمبات ما تظهر لأنه يتحمل الحرارة الزائدة

بصراحة لعبة gta iv عاجبتني واجد و من الأسباب الى تخليني اميل الى الـ xbox

و بصراحة سوف اشتري الألعاب الرائعة حتى لو كان ثمن العبة مكلفة

انت نصحتني وأنا مقتنع بنصايحك

و اشكرك جزيل الشكر على النصائح و المعلومات و المساعدة

تحياتي

[اسرار الضلام]

السلام عليكم

26 دينار حلو راح تحلل فلوسك

بس ما تدري علا جم الجهاز وشلون العب اون لاين :/?

ويعطيكم العافيه علا المعلومات

و عليكم السلام

هي بتتحلل بتتحلل بس على العاب تسوه الواحد يشتريها مثل gta iv

و الله منتدى الأكس بوكس ما يقصرو معاك اخوي هم حاضرين بالشوفه

تحياتي

[FARES360]

صح .. العاب تسوه تقط عليها بعدين اهو 20 غالبا.. 26 اول ما ينزل انطر عليه اسبوع يصير ب20 بعدها تعرف سوالفهم المحلات يستغلون الزبون المستعيل وماله صبر ههه , ألألعاب القوية بتنزل كل شهر ومو شرط تعجبك راجع المواقع وفيه ديمو نزله وطرق وايد تجرب اللعبة قبل ما تشتريها , العاب مثل crash وهالطقه .. ماله داعي تشتريه من الأساس .. عموما اذا ظروفك ما تسمحلك تقدر تبدل العاب بين ربعك الأصليه او تبيع ( جيك منتدى بعي وشراء )
بالنسبه للجهاز .. اي ينصح الElite وافضل بعد falcon .. بس البريميوم والكور خصوصا وخر عنهم
ما اعرف الأسعار اخوي. . لأنه شاريه من اول ما نزل بعدها ما قد سألت عن سعر الجهاز .. اتوقع الحين سعره 180 يمكن مو أكيد وعلى حسب النسخة .. ,
اما عن الأون لاين شلون تشبك منه :P عادي وصل واير الأيثرنت في الراوتر عندك ويشبك عادي .. بعدين تظطر تسويلك بروفايل وتعبي بياناتك .. سهله
بالنسبه للي ما شرو الجهاز للحين .. اخذ gears of war او gta iv .. مع اللعبة الي بتوقيعي ما تتفوت بتنزل بعد أسبوع وشوي !

[اسرار الضلام]

بصراحة رحت اليوم محل اسأل يقول شريط الـ gta iv بـ 400 ريال

و الكوبي بـ 20 ريال.

مدري والله هل هو نصاب او سعره كذا؟؟

او ابدل مع احد اصحابي مثل ما قال اخوي FARES360

و سألت عن الجهاز ما عنده الى الأبيض هذا الى يجي معاه سماعة و يدة و هاردسك 20

مع الوايرات مع اشتراك شهر و بيعطيني معاه خمس اشرطة كوبي و سعره بـ 1090 ريال

و يقول من ناحية الحرارة انه لا تخاف أنا اشغله من اول ما افتح المحل لين اسكره و هذا على
حسب كلامه

و يقول يشغل الكوبي و الأصلي كذا لك .

و اذا شفت الجهاز المطلوب بشتريه من غير تردد و بأخذ معاه gears of war و gta iv

هههه كأنك تعرف ويش احب من العاب حروب وسيارات

اما النينجا هو روعة بس ما اميل إلى هذي الألعاب

و ويش رأيك في الجهاز يسوه لو ما يسوه ؟؟؟

بصراحة يوم قلت الى اصحابي عن الجهاز و مميزاته اندهشو و قالو خلاص نشتريه مما اعجبهم اكثر
خدمة اللايف.
واشكرك اخوي على اهتمامك

[fall out boy]

لا تنسى انك اذا لعبت بالكوبي اونلاين بيعطونك باند

على ما اعتقد يقفون اكاونتك لانه سمعت جذي

انا عندي ال PS3

[FARES360]

لا تنسى انك اذا لعبت بالكوبي اونلاين بيعطونك باند

على ما اعتقد يقفون اكاونتك لانه سمعت جذي

انا عندي ال PS3

yep.. اذا كنت تلعب اون لاين .. الip راح تصيده الشركة ويقفلون عليك الLive
وقتها لا تنزل ديمو ولا تلعب اون لاين خير شر .. ! , راح تضل بس تلعب single بالكوبي :P