مساعدة خبير لتكون السيارة راسية في الخط

[القلوي222222]

السلام عليكم ورحمة الله
انا عندي سيارة كامري 2002xli يعني مو بشينة ولا حلوة (نص نص) المهم واحد من الشباب له في سوالف تعديل السيارات ولا امون عليه ولا شي اعرفه عن طريق ولد خالي المهم معاة نفس سيارتي بس مغيرها عالاخر اول ما شفتها تذكرت نيدفورسبيد المهم انا مالي بالهرحكات كثير وخرج جنوط ورسم وانوار لا لا ما احب الاشياء هذي افضل شي تكون سيارتي زي سيارات الخلق المهم ولا اطول عليكم مرة رحنا اناوولد خالي بسيارة الرجال وماشالله عليها راسية في الخط رساوة ما بعدها تحس السيارة ماسكة الخط صح ماشالله عليها انا صراحة سقتها ودعست فيها 120-140 والسيارة في اللفات زي الحلاوة رهيبة بكل ما تعنيه الكلمة (عمي معاه افالون 2008 وماشالله راسية في الخط) والكامري عشان ما ابالغ نفسها بالظبط اذا ما كان لصالح الكامري المهم ياشباب ايش اسوي في سيارتي ايش الي اغيره فيها هل المساعدات العكس السست عشان تكون بالرساوة هذي والله يقدركم على الخير ورحم الله والديكم اللهم امين
انشالله فهمتوني

[NITRoS PrO]

راجع منتدى السيارات العام


هذا للتعديل الرسومي عن طريق الفوتوشوب

[Mercedes-Benz]

الله يعطيك العافيه اخوي NITRoS PrO

اما بالنسبة اخوي القلوي

هناك اشياء تزيد من رساوه السياره

مثل إذا كانت الكفرات (الاطارات) عريضه وتختلف من كفر إلى كفر

يعني عندك الميشلان الفرنسي هذا يخلي السياره كأنها الماني لكن مشكلته ما يجلس سنه

أيضا إذا كانت المساعدات والمقصات جديده

بعض الجنوط تخلي السياره راسيه لكنها تلعب في الهوبات

لكن خذ قاعده عامه ما في احسن من الوكاله

حتى وإن قلت الرساوه نوعا ما

لانه بعض الكفرات والجنوط والمساعادت تؤثر سلبا على السياره

فاللعب بالسياره كثير يقصر من عمرها

وشكرا لك

* تم نقل الموضوع إلى منتدى الاستفسارات العامه للسيارات

[القلوي222222]

يعطيك العافية اخوي
Mercedes_Benz
بس ياخوك انا متاكد انو بدل اشياء اكثر من جنوط وكفر لان السيارة لما تلف تحس بحركة خفيفة من الخلف يعني لما الف يمين وانا مسرع السيارة من (الخلف) تروح يسار حاجة بسيطة وماتفجعك يعني ما تحذف السيارة يمين او يسار الحركة سراحة كانت احترافية هو صح مبدل جنوط وكفر عريض بس ما اعتقد انه هذا السبب عالعموم الله يعطيك العافية زناقصرت على ردك السريع
اخوي
NITRoS PrO
شكرا على التنبيه وانا كنت اظن التعديل عالسيارة بالكامل
واللي عنده خبرة بها الشي لايبخل علينا جعلنا واياه ومن يقرا في الجنة اللهم امين ومشكورين حبايبي

[Naeelove47]

أحب أن أضيف شيء مهم إلى كلام الأخوى
1.تأكد من نوعية اللإطارات أنها تكون جميعها نفس الماركة ونفس الرقم (عرض+أرتفاع+قطر)
2.تأكد من ضغط الهواء في الإطارات الأربعة يجب أن تكون موحدة
تحياتــــــــــــــــــــــــــــــــي