Xbox Live and the Middle East

[Dukefleed]

السلام عليكم ورحمة الله وبركاته.

شحالكم شباب؟

والله في بالي نقطة معينة بغيت اسأل عنها هني لأني مب متأكد بس. الحين مع وصول أجهزة هالجيل لأسواقنا بشكل رسمي (وأظن هالشي لقى نجاح عندنا) للحين اتم عندنا مشكلة وحدة: ليش ما حطولنا دولنا من ضمن الدول الموجودة في الPAL؟ لأنه بصراحة مب حلوة يعني.. الجهاز وصل بشكل رسمي بس ما عندنا دعم للايف، وكل ما بغينا ننزل شي يعطونا المسج مالهم "This item is currently not available for your region" بسبب انه معظمنا حاطين عنوانا في امريكا ونلعب من الخليج.

فيه حد حاول يسأل أو يستفسر عن عدم وجود الخدمة عندنا أو على الأقل متى بيعطونا ويه وبيحطون دولنا ويسوولنا ماركت بليس؟ لانه بصراحة شي يضايق انك تشتري الجهاز وتضطر تحط بلاد غير بلادك عشان تقدر تلعب.. وانت دافع للخدمة مثل غيرك يعني.. وما تقدر تنزل كل شي عارضينه في الماركت بليس. وماظن هالشي صعب الإضافة وهو موجود في البي اس 3 من نزلوها عندنا في الخليج فمب فاهم ليش مايكروسوفت ما سوولنا نفس الشي في جهازهم.

على العموم انتظر ردوكم عشان اشوف لو في حد جرب وحاول يسأل عن هالشي سواء مع الوكيل أو مايكروسوفت بالإيميل.

[Mr.Xbox]

هلا Duke ، من زمان ماشفناك هني بالمنتدى (:

بالنسبه لخدمه الاكس بوكس لايف ، فعلاً شي يطفش -_-" كثير اشياء تروح علي بسبب مشكله المناطق هذي >_<".
بس اتذكر قبل قالوا ان الخدمه بتنزل هني في الشرق الاوسط ، بس بعدها ماصار شي ، ياليت لو واحد من السعوديه او الامارات يتصل على الوكيل ويستفسر منهم.

[Dukefleed]

هلا Duke ، من زمان ماشفناك هني بالمنتدى (:

بالنسبه لخدمه الاكس بوكس لايف ، فعلاً شي يطفش -_-" كثير اشياء تروح علي بسبب مشكله المناطق هذي >_<".
بس اتذكر قبل قالوا ان الخدمه بتنزل هني في الشرق الاوسط ، بس بعدها ماصار شي ، ياليت لو واحد من السعوديه او الامارات يتصل على الوكيل ويستفسر منهم.

هلا فيك.. موجود والله دوم اقرا المواضيع بس ما أرد هههه.

توقعت حد بيقولي انه مجربين تكلمون مايكروسوفت لين عيزتوا وما صار شي لكن طلع العكس . وما أتوقع المفروض نسأل الوكيل.. في رايي لو نرسل ايميلات لـ مايكروسوفت نراويهم انه احنا صدق مهتمين في الخدمة ولكن مب موجودة عندنا يكون أحسن من فقط استفسارات من الوكيل.

أنا ارسلت ايميل لمايكروسوفت قبل ما أحط الموضوع، ولو ياني رد منهم بحطه هني لانه أظن يهم الكل. وأتمنى الباقين يرسلون بعد يستفسرون أو يتصلون في الوكيل.. عشان يعرفون مدى اهتمامنا في الخليج بخدمتهم.

[Mr.Xbox]

اممم , في موقع كان يسوي تواقيع للأشياء ، كنت مفكر اننا نسوي في هذاك الموقع جمع تواقيع للحصول على خدمه XboxLive في الشرق والاوسط ، وننشر هالشي في المنتديات علشان نحصل على تواقيع ويمكن ينتبهون لنا وكميه الناس اللي يبون الخدمه هني.

على العموم ياليت اذا ردوا عليك تكتب لنا ردهم هني ، ابي اعرف اذا هم مهتمين فينا هني ولا لأ ، مع اني اتذكر من تصاريح مايكروسوفت العرب انهم فرحانين بالنجاح في الخليج والشرق الاوسط.

[Dukefleed]

أنا بعد سمعت انه حققوا نجاح في الشرق الاوسط.. ولكن ما سمعنا اي شي عن اللايف.

بصراحة انا توقعت اقبال اكبر على الموضوع ومتأكد كنت انه بييني رد يقول انه مايكروسوفت مب مخططين ينزلون اللايف بشكل رسمي.. ولكن ظهرلي العكس. واضح انه محد فينا تحرك وسأل وتكلم وممكن هالشي الي مخلي مايكروسوفت يظنون انه الخدمة غير مطلوبة عندنا. فأنا أقول المفروض نحاول (كلنا مو بس شخص واحد وخلاص) نكلم مايكروسوفت بالإيميل وعن طريق الوكيل الخ. يمكن نوصل لنتيجة !


ما أتوقع له داعي نسوي اي شي في موقع جمع التواقيع في الوقت الحالي، على الأقل لين نحصل رد من مايكروسوفت.

[Mr.Xbox]

^
اوكي فكره حلوه ، بس يبيلنا رساله مكتوبه بشكل ممتاز علشان نرسلها ، وعلى الاقل نبي 2 او 3 رسائل مختلفه علشان كل مجموعه ترسل رساله وما تتشابه كل الرسائل ، فاللي عنده لغه انجليزيه ممتازه ياليت يكتب لنا رساله.

[Mr.X]

اتذكر اني كتبت خبر زمان عن هالشي ان مايكروسوفت تجهز مفاجئه خاصة للشرق الأوسط ويتعلق هالشي في خدمة
الأون لاين للشرق الأون لأن الجهاز نزل رسمياً عندنا لكن ناقصة الأون لاين وانهم لاحظو هالشي ولاحظو ان كل
المشتركين باللايف يدخلون بأكاونتات مختلفة ..

على العموم ماذكر اسم الموضوع لكن اللي بيشوف في قائمة مواضيعي بيلقها ,, وانا اشوف الأخ ramizak
هو انسب شخص ممكن انه يساعدنا في انه يراسل مايكروسوفت بما ان منصبه يساعدة بهالشي ويساعدنا اكثر ..

[Dukefleed]

اممم مادري لو هذا بيكون له دخل ولا لأ.. بس توني الاحظ انه ما في ايميل متخصص للشرق الأوسط غير للHardware Assistance.. الرسالة الي ارسلتها انا كانت للXbox-US فما أدري لو بيردون علي.

ننتظر ونشوف. ولو الأخ ramizak عنده اي فكرة عن الموضوع يا ريت يخبرنا

[العضو الخارق]

فعلا هذا شئ مطللووب بما ان الجهاز موجود رسمى بالشرق الاوسط
فى فى الامارات وكيل رسمى بدبى ليش ما حد جرب يرسل لهم فاكس ؟؟ بخصوص هذا الشئ
وانا اعتقد ان الفاكس سيكون اهم من الايميل ؟؟ لان الفاكس معنا كلام جدي صح ولا انا غلطان
والى يعرف رقم الفاكس انا ممكن ارسل لهم رسالة ما عندى اى مانع
ولكن بعد نريد صيغة رسالة جيدة حتى يبدوا اهتمامهم

[Dukefleed]

حاطين رقمهم في الموقع الرسمي للإكس بوكس لكن ما شي رقم فاكس، يمكن أفضل لو نتصل

Phone
United Arab Emirates:
Assistance by phone:

800 0 441 1942

Hours of operation:
Monday-Sunday: 10:00-18:00
Saudi Arabia:
Assistance by phone:

800 8 443 784

Hours of operation:
Monday-Sunday: 10:00-18:00

[العضو الخارق]

والله الاتصال بيكون افضل يا غالى
بس المشكلة لما نتصل مين هل راح يهتموا ولا بس تضيع وقت ؟؟؟
انا اتوقع انهم يبدوا اهتمام بهذا الامر لو طلبنا منهم هذا الشئ
وخصوصا ان فى اكثر من وكيل بالشرق الاوسط

[Dukefleed]

ردوا علي .. وللأسف مافي شي يديد.

Hi, Abdulla!

Thank you for writing Xbox Customer Support!

I apologize for the inconvenience. I understand that you want to know when the Xbox Live service will be available in your country. Please click on this link: http://www.xbox.com/en-US/live/countries.htm to view the countries that have Live service.

If your country is not on the list, please check back with us soon—we expand our services frequently and may be coming to your country in the near future.

Currently, the Xbox Live service is available in 24 countries around the world. We are committed to providing the best experience to the millions of current Xbox Live customers. Our mission is to make sure that we can provide the same premier level of service to customers regardless of where they live.

Therefore, we will continue to evaluate opportunities to offer the Xbox Live service in other countries like United Arab Emirates as soon as we can.

If you need to reply to this e-mail, please reply 'with history' (include any previous e-mail) so we can expedite our service to you.

You may also call Xbox Phone Support at 1-800-4MYXBOX (1-800-469-9269) at your earliest convenience, and we’ll be happy to help you. We are open everyday from 6am to 10pm PST.

To expedite service, please provide Service Request Number 1069489055 when you call.

Thank you for visiting Xbox.com. If you should have future questions on Xbox products or services, please be sure to revisit our Web site as we are continually adding information to enhance our service.

Sincerely,

Shawn
Xbox Customer Care Team

[العضو الخارق]

If your country is not on the list, please check back with us soon—we expand our services frequently and may be coming to your country in the near future.

للاسف رد محزن

[Mr.Xbox]

مافي شي جديد -_-" كله في المستقبل القريب وماعطونا موعد محدد.

اللي بالامارات يجرب يتصل عليهم نشوف شنو يقولون.

[xVx REAPER Q8]

لو الonline مو حلو شان بعت الجهاز من زمان .

المهم يعني بتسون online petition نوقعها طلبا لonline support عندنا ولا بس بترسلون رسالة لان لو حصلنا وايد تواقيع يمكن يفكرون اما رسالة من واحد ما تنفع.