عرض للتضبيط في NFS Undercover

[ايوب الحسن]

السلام عليكم


طلع عرض يوضح التضبيط في نيدو وهو لابأس به الصراحة ...

بس في شي طلع خلال هالعرض ،، وهو خلال الشخص واهو قاعد يقرق طلعت هالشاشة ..




وهو يوضح انه الشخص اللي قاعد يتكلم كان يبي يشتري الصبغ للسيارة اللي كان مسويه حق سيارته ... وطبعا الخيارات هي :-

- كاااااااش .
- مايكروسوفت بوينت ؟؟
- الغاء العملية .


الى الحين مافي شي رسمي .. بس الفيديو واضح .. انك تقدر تشتري التضبيط عن طريق مايكروسوفت بوينت ... بدلا من الكاش ،، واحتمال بعد انه يصير تشتري سيارات عن طريق مايكروسوفت بوينت ...

[samoory]

مشكور اخوي ايوب لكن عندي استفسار بخصوص اللعبه . اللعبه free ride زي مدنايت ولا مضامير زي برو ستريت ؟

وشكرا.........

[ايوب الحسن]

^^

اعتقد والله اعلم انه مضامير ... لانه كل العروض اللي شفتهم تقول انه مضامير وليس تجوال حر ...

[samoory]

هذي مشكله كبيره اذا انه مضامير لانه مره مايطلع حلو بالمضامير يعني اللعب مايجي حماس

[King36o]

حلووووووو التعديل ! ذكرني في جزء Carbon لكن ما اضن انه فيه تعديلات داخل السيارة

[FARES360]

يا معود شأبي بتعديلات داخل السياره .. الهيكل الخارجي اهم !
ايوب لوول اللعبة تجوال حر , ما تصير مضامير لأنه السالفة فيها شرطة وفراره
اللعبة شبيه most wanted وتعتمد اولا واخيرا على الشرطة والمراغوه وهالسوالف
الحين بنزل العرض .. بالنسبه للبوينت اتوقع للي ماله خلق يخلص اللعبة .. يشتريهم جاهزين
والي يكمل يقدر يطلعهم

[ايوب الحسن]

ايوب لوول اللعبة تجوال حر , ما تصير مضامير لأنه السالفة فيها شرطة وفراره

انه نيدو من زمان مو لاعبه .. علشان جذي مادري عنه


اللي يبط الجبد انهم ليش مو حاطين اللومينا SS ؟ شويه تعديل عليها وتصير اسرع من الكورفت .. وتضحك عليهم بعد .....

[GHOST 360]

تضبيط بايخ جدا
الله يخلي مد نايت كلب

[ايوب الحسن]

الله يخلي مد نايت كلب

انزين ليش تسب اللعبة مادام تحبها

[King36o]

طمع ><" شراء قطع السيارات اضنه بيكون بالميكروسوفت بوينتس

[GHOST 360]

انزين ليش تسب اللعبة مادام تحبها

موقصدي كلب = dog
اقصد كلب = club
Midnight Club

[ايوب الحسن]

اقصد كلب = club

الـclub يعني مضرب الغولف مو جذي

[التيرس]

الجرافكس رائع بس اتوقع الجيم بلاي راح يكون عادي

الف شكر لك ايوب

[Crazy Nsx]

مشكور اخوي على العرض وان شاء الله تطلع عند حسن الظن

[Sparta Ghost]

تضبيط بايخ جدا
الله يخلي مد نايت كلب

مو بايخ بس ما في شئ جديد .
وانا ميدنايت جربتها رهيبه والله بس للحين ما لعبتها عدل زحمه العاب هالشهر .

اللي يبي مطاردات شرطه موجوده في ميدنايت كلوب و تعديل سيارات و اون لاين جامد .
و احسن شئ جرافيك جيل جديد !! مو جيل قديم .