السلام عليكم ورحمة الله وبركاته
كيفكم يا اعضاء ان شاء الله طيبين
طبعا بتشوفون اني عضو جديد فيمكن محد يعطي موضوعي وجه لكن ان شاء الله تتفاعلون مع الموضوع ونتشارك في الاراء.
الموضوع واضح من عنوانه وهي شخصية سوليد سنيك. انا اشوف ان فيه فرق كبير في شخصية سنيك في الاجزاء الثلاثه واحلى شخصية هي شخصيته في الجزء الاول حيث كان في هذا الجزء :
1- قوي. 2- واثق من نفسه. 3- ذكي. 4- يقوم بالسؤال والتوجيه ومعرفة الحقائق. 5- والاهم بالنسبه لي هو صوته.
وطبعا لما نقول صوت فنقصد بطبيعة الحال ديفيد هيتر صوته كان جميل في الجزء الاول كان هادئ وقوي وله شخصيه وهيبه وحتى كلامه واضح وبشويش وينفهم افهم عليه عكس الاجزاء الاخرى اللي صوته صاير فيها سيئ بالنسبه لي وصار كأنه بالع ضفدع وما ادري وش الاسباب.
اللي مو ملاحظ هذي النقطه معي يروح يسمع صوت سنيك في الجزء الاول ويقارن بينه وبين صوته بالاجزاء الاخرى... ولا تسمعون الجزء الاول حق تون سنيك ...لا... اسمعو صوته بالجزء الاول الاصدار الاول الاصلي.
نرجع لشخصية سنيك في الجزء الثاني قريبه من الجزء الاول ولكن ليس بنفس قوته وذكائه في الاول.
اما في الرابع فحدث ولا حرج: 1- ضعيف. 2- تعبان. 3- ماهو ذكي. 4- ماله كلمه. 5- ماصار يسأل ولا يوجه احد. 6- ماهو واثق من نفسه. 7) يتصفق كثير.
طبعا يمكن له عذر انه كبير ومريض بسبب الفايروس اللي فيه... لكن هو مايسوي شي.. بس ينفذ الطلبات والمهمات.. قالول رح يمين راح قالوله رح يسار راح.. احس ماله راي ولا شخصيه في هالجزء الرابع.
حتى المساعدات له كثيره من رايدن وميرل والدكتور اوتاكون اللي انا اعتبره هو يسوي كل شي ويخطط و يوجه وسنيك ينفذ.. عكس الجزء الاول كان سنيك هو اللي يخطط تقريبا ويوجه اوتاكون.
اما الجزء الثالث فهي شخصية البق بوس وليس سوليد سنيك اللي نتكلم عنه.. وكان البق بوس عادي جدا عكس سنيك.
وقبل لا اختم موضوعي بسوي مقارنه بسيطه بين الاجزاء الاربعه.
الترتيب من الافضل : 1- الجزء الاول بدون منازع من ناحية القصه والحب الحلو اللي فيه والموسيقى الرومنسيه والمحزنه اثناء اللعب واثناء القصه موسيقى رائعه جدا عكس الاجزاء الاخرى.. ومافيه خيال ابدا لا بالاحداث ولا بالشخصيات كلهم ناس طبيعين ماعدا الننجا طبعا له ظروفه وشخصية مانتس بس اللي انا اعتبره اعطى شوية رعب للشريط اما اذا زادت الشخصيات الغريبه فبيصير الوضع عادي كما في الاجزاء التاليه.
2- الجزء الرابع ولكن اللي طيح من اسهم هالجزء وبشكل كبير هو الخيال المبالغ فيه والزعماء السيئين... حيث ان الزعماء في هذا الجزء ليس لهم اي علاقه في القصه وفوق هذا شخصيات خياليه بزياده.
3- الجزء الثالث مافيه اي عيب الا شخصية البق بوس المفروض انها تكون اقوى واذكى من كذا.
4- الجزء الثاني وهو الاسوأ على الاطلاق.
انا لما حطيت الترتيب حطيته على القصه والشخصيات والقيم بلاي والموسيقى.. والحقيقه انا محتار مين احط في المركز الثاني احط الجزء الرابع ولا الثالث.
ادري طولت عليكم اخيرا انتهى موضوعي اتمنى تعليقاتكم ومشاركة ارائي على كل النقط اللي ذكرتها والى اللقاء.
.
أكيد المشكلة فيني .
