أسباب إخفاق ليفربول (أتمنى المشاركه)

[ياقاهرهم ياسامي]

السلام عليكم ورحمة الله وبركاته

أرحب بجميع اخواني في المنتدى وأبارك لعشاق مانشستر يونايتد واليوفينتوس الفريقين العريقين بطولتي البريمر ليق والأسكوديتو
والله يستاهلونها بكل جداره .

كتبت هذا الموضوع لحبي لفريق ليفربول صحيح انه فريق فاشل هالسنة

لكن مهما يصير الكبير كبير ويقولون إذا شجعت فريق صعبه تتركه أتمنى

منكم تكتبون أسباب ضعف فريق ليفربول هالسنة والإخفاق اللي صار أتمنى من الجميع المشاركة.

طلب : اللي يعرف الإنتقالات اللي بتصير في فريق ليفربول السنة الجايه من بيستقدمون الله لايهينكم. وشكرا

[D0WN~T0WN]

انا الحقيقة من مشجعي ليفربول وأظن المشكلة في بعض اللاعبين اللي ماعد صارو ينفعون الفريق ولا بشي
والمعروف ان ليفربول من اغنى فرق اوربا فأظن يجب ان يستغل موارده باستقدام لاعبين على مستوى عال بدل مايجيب لاعبين حواري مثل غلطة (الحاجي ضيوف) اللي يظن اللين الحين ان مستوى لاعبين الدوري الانجليزي مثل الفرنسي

وسمعنا انهم بيتعاقدون مع 4 لاعبين او3
والحقيقة يعاني ليفربول من عدم وجود صانع العاب متمكن وايضا مهاجم مساند لاوين

وشوكرن

[bofahaid]

انا من مشجعي ليفربول في الاساس
واعتقد بصراحة ان اهم اسباب فشل ليفربول انه يعتمد بشكل اساسي على اوين يعني اذا بدع اوين فاز الفريق واذا ما قدم مستوى خسر الفريق
وبعدين المدرب غريب في بعض الاحيان
يعني الاخ D0WN~T0WN قال ان ضيوف كان غلطة وانا اقول ان كان يسمحلي ان كلامه غلط لان ضيوف اساسا يلعب هجوم او خلف المهاجمين الجميع اشاد بمستواه بكاس العالم وقال انه افضل لاعبي منتخبه والمدرب يلعبه مره ظهير ايمن ومرة وسط ايمن
وقس على ذلك كثير
هيسكي اساسا قلب هجوم - راس حربة - وتكوينة الجسماني والعقلي ما يسمحله انه يلعب جناح ايسر مثل المكان الي ملعبه فيه المدرب
والمدرب اشترى لاعبين مالهم لازمه بملايين لهم لازمة امثال هيجيم وشيرو بيسكان
وبعدين الفريق ناقصه صانع لعب ممتاز غير جيرارد او مورفي فبعد بيرجر وانخفض مستواه فقد الفريق لاعب الوسط الممتاز وصانع اللعب

وشكرا

[ياقاهرهم ياسامي]

كلامكم صحيح لكن ترى ليفربول ماعنده ميزانيه تسمح له انه يشترى

لعيبه على مستوى عالي أنا سمعت إن ليفربول راح يجيبون

هاري كيويل لاعب ليدز و قابرييل سيسي لاعب أوكسير ويمكن

دايمون دووف لاعب بلاكبيرن لكن أتمنى أحد يشوف هل ناوين صدق ولا لأ.

وشكرا على الردود