معدلات البوندز ليغا خطيرة جدا تعالوا واقرواها يا محبي الأانجليز والأسبان والطليان

[بو راشـد]

* البوندز ليغا

دوري جميل وقوي ومعروف
وهوه من أفضل ال4 دوريات بالعالم بجانب الأنجليزي والإيطالي والأسباني
وصحيح أن متابعين وعشاق البوندزليغا مقارنه بالدوريات الثانيه شويه
وخصوصا بوطنا العربي لاكنه دوري جميل ويشد الأنتباه
ودايم فيه المنافسه مشتعله لأكثر من نادي ومافيه أندية معينه دايم تنافس
بستثناء بعض المواسم العارضه إلي يكون فيها الدوري ضعيف

* على العموم هالموسم الحالي 2004-2005 يشهد معدلات مدهشه
ومتفوقه على باقي الدوريات بشكل مدهش.

1/ من بدء الدوري للحين واصلين القسم الثاني الجوله الثانيه
تصورو مافي فريق أنفرد بالصداره لأكثر من 3 أسابيع وأكثر من 5 نقاط

2/ بايرن ميونخ + فولفسبورغ + شتوتغارت + شالكه + بريمن + ليفركوزن
من بدء الدوري للحين كل هالفرق أحتلت المركز الأول ومازالت تنافس.

3/ كل الفرق الكبيره خسرت بأرضها وخارج أرضها عادي
وحتى من الفرق الصغيره خسرت بعد.

4/ بالبوندز ليغا...
الفرق بين الأول بايرن ميونخ وشالكه حاليا نقطه وحده بس.
* بالبرمر شيب...
الفرق بين الأول تشلسي والأرسنال 10 نقاط
* بالكالتشيو ...
الفرق بين الأول اليوفينتوس وميلان 8 نقاط
* بالليغا ....
الفرق بين الأول برشلونه وريال مدريد 7 نقاط

5/ شوفو بعد موبس بالمركز الأول شوفو باقي المراكز....

* البايرن الأول وشتوتغارت الثالث الفرق بينهم 4 نقاط
أحسن من الفرق بين الأول والثاني بالأسباني والأنجليزي والإيطالي
* البايرن الأول وليفركوزن الرابع الفرق بينهم 6 نقاط
هم بعد أحسن من باقي الدوريات بين الأول والثاني
* البايرن الأول وبريمن وهانوفر ال5 وال6 بنفس النقاط الفرق بينهم بس 7 نقاط
يعني نفس الفرق بالأول والثاني بالأسباني
* البايرن الأول وهرتا برلين وفولفسبورغ بال7 وال8 بنفس النقاط الفرق بينهم 8 نقاط
يعني نفس الفرق بين الأول والثاني بالكالتشيو

*** تعالو شوفو القويه هذي
الفرق بين البايرن الأول وهامبورغ التاسع 10 نقاط
نفس الفرق بين الأول والثاني تشلسي والأرسنال بالبرمير شيب

*** وشوفو هذي قويه بعد
الأول البايرن والثالث شتوتغارت بينهم 4 نقاط
تدرون بين الأول اليوفي والأنتر الثالث جم: 15 نقطه واااااااو

* تدرون أن الفرق بين البايرن الأول والمركز 12 أرمينيا بيليفيد هو 14 نقطه
يعني أحسن من الفرق بين الأول والثالث بإيطاليا

*** ياناس ياعالم الدوري واصل القسم الثاني والجوله الثانيه
والمنافسه تصورو حتى صاحب المركز الخامس له أمل
شنو هالمنافسه الغير طبيعيه أسمحولي بدون تعصب بعد ماشفتو هالأحصائيات
بعيد عن أي شي ثاني هالمنافسه فقط بالبوندزليغا
وهو الأفضل هالموسم قياسا بالمنافسه وهو الأفضل بفرق النقاط بين الأنديه

صحيح أني من عشاق الليغا وأعتبره الأفضل بالعالم
بس هالموسم أقول للدوريات الأخرى هادرلك
شوفو البوندزليغا أشلون مولعه ناااااااااااااااااااار
ممكن الدوريات الثانيه أفضل من حيث النجوم والشهره
بس من حيث المنافسه للأمانه في أحسن من جذيه ما أعتقد.

====================

هذا من ضواحي هي ألي كاتبة هالموضوع ومتعوب من احد المواقع الرياضة
والله عجيب وصحيح انه متأخر حيل
بس شكله في اثاره في الدوري
بس يا جماعه من اتابع ما اشوف شي أحسه عادي لعبهم

[ShaDoWFurY]

تسلم ايديك اخيرا انصاف للبوندس ليغا انا متابع قديم للدوري الالماني وعارف هنا المهتمين بالمانيا والدوري يتعدوا علي الاصابع والله ومعظم العالم متعرفش في المانيا غير البايرن ودايما منافس مع ليفركوزن وشتوتجارت الفريق اللي احبه جدا بعد البايرن مع شالكه و فيردر بريمن كمان ....مع انه بروسيا دروتمند هو اللي اخد الدوري اللي مضي .. ....
وزي مانت قلت المهتمين قليلين لانه دوري مش بيضم وفره من النجوم مثل اي دوري تاني ...مع انه بيجذب كتير من لاعبين امريكا الجنوبيه مثل زي روبرتو ولوسيو والصاعد جيريرو في بايرن ...



وتسلم ايديك مره ثانيه...................

[the smile man]

الفرق بين الأول اليوفينتوس وميلان 8 نقاط

الفرق نقطتين

فاعرف ان الكالشيو لا يقل حماسة عن البنديزليجا

[alobaid00]

من زمان الفن والمتعه وليس المنافسه موجوده بوفره بالدوري الالماني والهولندي زادت المنافسه السنه الحاليه بالالماني وان شاء الله تزيد بالهولندي بعد
الاخ ShaDoWFurY الالمان مو محتاجين انصاف من احد لان البوندسليجا فارض نفسه من زمان
والاخ بو راشـد الموضوع كتبته امس يعني اكيد عندك خبر انه الفرق بين الاول والثاني بالكالشيو 2( نقطتان )
وشكرا على الموضوع الحلو

[mr.smith]

حبيبي الدوري الالماني مافيه نجوم صح تقدر تستمتع مثل الاسباني والايطالي والانجليزي

بعدين الاسباني الفارق بين برشلونة والريال 4 نقاط بس

والايطالي الفارق بين الميلان واليوفي نقطتين بس

مشكور

[بو راشـد]

يا جماعه هالموضوع صاحبها كاتبه من مدة وانا كل ما اكتبه انساه
يعني يوم كانو النقاط والفارق كبير يالربع
وانا ذكرت هالشي بالأخير

[Nistelrooy]

لكن يبقى الدوري الأضعف لان الفرق إلي فيه ما هي قويه

حتى البايرن ليس ذلك الفريق القوي

[the smile man]

لكن يبقى الدوري الأضعف لان الفرق إلي فيه ما هي قويه

حتى البايرن ليس ذلك الفريق القوي

الباير ماهو قوي

بالعكس البايرن انا اشوفه قوي جدا

[Rytamu]

قلت القص واللصق ممنووووع