:: أخيرا لعبت GT4 الكااامل :: " الموضوع الرسمي للإنطباعات "

[DeLpIeRo_10]

هلا بالشباب ..

وش أخلي ووش أكتب ؟!

شي خيالي رسوووم قمه في الروعه أصوات طــــــــــرب بإختصار GT4

في البدايه شريت الشريط ووصلت ولد خالتي بيتهم بعد دقيقتين إلا داق وعلي

وهو شوي ويصيح

خييير يابو حميد ويش السالفه ؟

جهازي ماشغل اللعبه

قلت له خيرها بغيرها ..

رحت البيت وأنا أرتجف شغلت اللعبه ومن المحاوله الأولى اشتغلت

وأنا ألحين ماباقي شي وأخلص كل الرخص بس اللغه اليابانيه معذبتني

وعلى فكره كل رخصه تطلعها يعطوك سياره هديه وأنا الحين عندي سيارة نايك اللي موديل 2022

وأي سؤال حاضريين للطيبين

[عبيس]

طيب متى
تنزل في الكويت

علمني عشان بعض دشداشتي وبمسك نعالي وبحط رجل للمحل


وبشتريه قبل لا يخلص

تحياتي لك

[DeLpIeRo_10]

شوف عاد مدام نزلت عندنا بالشرقيه فإنشاءالله قريييب عندكم ..

[Deadly Spot]

مبرووك عليك اللعبة
انا كمان اشتريتها الصراحة
اللعبه هذي ادمان ماتقدر تتركها
لما تلعبها

[DeLpIeRo_10]

الله يبارك فيك اخوي

وأنا ألحين عندي Camaro SS وقرييب راح أركب عليه سوبر شارج , آويلاااااه

[نهر الكوثر]

مبروك اخي DeLpIeRo_10 ، وعقبالنا

ممكن تخبرنا جهازك كم موديلة وايش القطعة المركبة عليه.

واذا ما عليك تعب، ممكن لون اسطوانة GT4 مو ورا (فضي او ذهبي) واذا عندك DVD بالكمبيوتر، شوف لينا مساحة اللعبة.

وايضاً من وين شريت اللعبة (اذا ممكن اسم المحل ورقم التلفون)

بالنسبة لترجمة القوائم تجدها في الوصلة التالية

http://www.montada.com/showthread.php?t=335767

او

قم بتجميل الملف التالى وبه صور جميع القوائم تقريباً ومترجة للانجليزية.
حفظ من هنا
حجم الملف 9.25MB


نهر الكوثر

[msm]

مبروك عليك ..وعقبالنا ..

بس كيف عرض المقدمة .. لاتقولي انه محذوف ..

[DeLpIeRo_10]

نهر الكوثر
هلااا ,, ويبارك فيك ..

الشريط شاريه من مدينة الخيال بالقطيف ورقمه 8511112 ..

وبالنسبه لجهاز الموديل والقطعه و و و و و تبي الخلطه السريه روح محل العلقم - - > جهازنا شاريه و ملغمه هناك هه

وإنشاءالله مابيقصر معاك محمد ...

للأسف ماعندي DvD بالكمبيوتر , وبالنسبه للون السيدي فهو ذهبــــــــــــــــــــي

ومشكور على الترجمه ياحلو ..



msm
يبارك فيك مشرفنا ..

وبالنسبه لعرض المقدمه , مابي أحطمك أنا , خخخخخ

والله شقولك عرض عجبني عجبني عجبني عجبني وتتعب من كلمة إبدااااااااااااااع ..

ومع إغنيه بطريقة الأوبرا ..

فننننننننننننن ..

وأي سؤال ثاني حاظرين

وصدقني يانهر جهازك مايشغله روح عند العلقم وبيعطيك الحل الشافي ..

[DeLpIeRo_10]

على فكره ..

طور التصوير طور وااااسع وله خيارات عديده جدا جدا ..

مثلا ألوان الصوره بالأسود أو الأبيض أو تخلي الصوره من فوق أو أو ..

يعني راح تضيع فيه ..

وفيه شغله ثانيه , إنك مثلا شريت سياره من نيسان ..

لما تبي تلغمها (تزودها) تروح على نيسان نفسها وراح تلاقي محطوط لك شركات التلغيم HKS و Biltz و و و و

مو مثل GT3 تروح على طور التزويد وخلاااص أي سياره !

والياباني من أهم قطعه التوين توربو

بس الأمريكي ماراح تقدر تركب له توربوات فراح تحط له سوبير شارج

أدري هدره فاضيه بس أحاول أكتب لكم كل شي أشوفه

[ayna.com]

مشكور اخوي ويليت تكشف لنا عن شي جديد او حركات حلوه ولو تكتب عن الرخص يعني المستوى الاول لما تخلصه اي سياره

يعطونك والله يعطيك العافيه.

[ayna.com]

يا الله على عرض البدايه والله شي يطير العقل يليتني ما شفته لاني الحين لازم احصل اللعبه اليوم اول ما اشتغل على بالي في

دار اوبرا فجأه دخلت موسيقى مع بداية السباق شي في غاية الروعه واللي ماشاف عرض البدايه انصحه يشوفه لانه احتمال

يسافر اليابان لكي يشتري اللعبه واليوم بفر الكويت كلها علشان احصلي نسخه واذا مافيه القطيف ماهي بعيده حذفة عصى

[X Tupac X]

حجمه عندي

3 ونص غيغابايت
وهو ذهبي

[الهروب العظيم]

3 ونص غيغابايت

يعني اللعبة ما تكون كاملة فاللعبة أكبر من ذا الحجم

أشكر كاتب الموضوع على انطباعاته عن اللعبة
بس ممكن لا هنت يا أخوي تشوف جهازك من ورا كم موديله ؟


لو كانت تشتغل على جهازي بأستنى الأصلي أمريكي
والياباني الله يصبرني أشوفه ولا ألعب به

[G@ME ST@R]

متى تنزل النسخة الانجليزية؟

[solary_solary]

شباب ممكن وصلة تحميل عرض البداية؟؟؟؟؟؟