انطباعات الاخوة الأعضاء عن GTA: San Andreas هنا فقط ..

[ALcATRAZ]

يااخوان اللي لعب العبة
يقولنا رأيه فيها
هل فعلا تستاهل الدعاية الكبيرة اللي صارت؟

ياناس تراني متحمس لها
بروح اشتريها لكن اللي ازين البلاي ستيشن2 حقي

[Phantom x]

الله يا جماعة والله اللعبة خطيرة جدا حتى تراني مستعجل بكتب لكم الحين وبرجع اكمل اللعبة

اهم الميزات عندي انك تقدر تلعب بلاعبين بس لما تتقدم باللعبة شوي حيث انك تلعب بـ سي جي

و شخصية ثانية نسائية هههههههه وتقدر بعد تلعب كرة سلة وتقدر تسرق بيوت وتقدر تسحب السيارات

بسيارة السحب يعني لو اقعد اعد لكم لين بكرة ما راح اخلص بروح اكمل اللعبة وراجع لكم

ايه قبل لا انسى ترا الصور الي احطها من جوالي واتعب عليها و اصور لكم وتنحذف الصور ويروح تعبي

على الفاضي فما ادري وش المشكلة

[cacapa]

هلا

انا اللعبة GTA : SAN ANDREAS موجودة عندي من قبل يومين نزلت اللي موجودة بالانترنت واشتريت النسخة اللي بالاسواق ولقيت انه مافيه فرق بينهم .. ، بس الصراحة توقعت انها افضل من كذا ، الجرافكس تبع اللعبة سيئ جداً كأنه درايفر 3 ، ، يعني تصميم المدينة بصراحة اشوفه سيئ مرة ، بس اشوف ان تصميم الشخصيات افضل ، اللعبة جيدة جداً ، انا ماتعمقت فيها كثير بس الصراحة الجرافكس هو اللي مخرب اللعبة ، دائما العاب GTA ذات جرافكس سيئئ ومااتوقع ابدا ان اللعبة راح يتم تعديلها من ناحية الجرافكس .

[Phantom x]

cacapa تعمق باللعبة شوي ولا يهمك



اقول يا شباب كل ما العب اكتشف مليون شي يالله اقدر اقولك بعض الاشياء موب كلها

في شي رهيب نسيت اقوله لكم ترا تقدرون تحتلون المناطق وتسوون حروب عصابات

وكل ما سيطرت على مناطق اكثر تكسبون فلوس اكثر و هي تطلع قدام بيتكم ( هجدت البنفسجين كلهم ) هههه

يالله مع السلامة

[ALcATRAZ]

شريت اللعبة ولكن توني ماشغلتها... ادعوا لي انها تشتغل
تكفوووون ادعوا لي

[DEF_CODE_VOL]

أسوأ مافي اللعبه أن المباني تنبني قدامك يعني المباني موب البعيده مره ماتشوفها الين تقرب مره (حركات بلاي ستيشن 1) ولا اللعبه مافيها كلام خصوصا النادي الرياضي كل يوم وانا عندهم الين صارت عضلاته 10كيلو.

[X Tupac X]

بسم الله الرحمن الرحيم

بعد كثره الاشاعات في المنتدى الذي يقول ان هناك لاعبين او يقول هناك اعادت في الاوبشن


المهم بعد تجربتي للنسخه الكامله بعد فحصي لها على الكمبيوتر (معبى الديفيدي4.7 جيجابايت)

اتضح انه ليس هناك اي تعدد للاعبين و ليس هناك اعاده للعبه وللمهامات
والبعض يقول ان هناك قائمه قبل اللعب ليس هناك اي قائمه وانما مثل اجزائه القديمه على المهمات

القصه غامضه قليلا

في البدايه يتضع ان CJ في المطار وعائد الى وطنه وهو يتذكر من يقول له(SHE IS DEAD CARL YOUR MOTHER IS DEAD) وعندما يوصل لوطنه سان اندرياس ويركب التكسي تاتي بعد قليل الشرطه ويقولون له انزل ويداك مرفوعه ثم ياخذون ماله ويدخلون في زقاق او ممر بين احيياء وحذفون كارل من الدوريه

فتبداء الان باللعب ويطلب من الذهاب للبيت ويذهب للبيت وياتي العرض وكارل يمسك براسه متذكرا امه
وصورتها التي ملقيه على الارض فيبداء باتامل الا ان ياتي واحد اعتقد انه اخوه او زميل له ليظن انه عدو فيحاول ظربه ولكنه سرعان ما عرف كارل وبداء بالاحتظان ويبداء الان ليعود لاصدقاءه القدامى
ويبداء معهم فيبداء ليلاقي زميله او اخوه SWEET والفتاه KANDEL

من مميزات هذه السلسله:
1- وجود طاقات للقوه والحترام من قبل العصابه والمتن والعضلات والقياده و الذكاء
2- توفر الدراجات الهوائيه
3-وجود محلات الوشوم
4-محل الملابس
5- وجود محل عظيم لزاويد السيارت مثل الدقن والجنوط والسماعات نظام الباس اي نظام الصدى والنظام العظيم الذي يركب على جميع السيارات وهو نظام الهدريوليك ونظام الالوان المدمج مثل النار وهكذا ونظام النيترو بالضغط على دائره والاكس
6-سهوله قياده الدبابات (SPR 400) في الترفيع
----------------------------------------------------
بالنسبه للجرافيكس لم يتغير كثيرا ولكن تحسن تحسن طفيف جدا
وهناك ايضا اداه جديده وهي بخاخ الجدران الذين يستخذومنها النيجر في الحواري وعليك كل ما تلقاه في جدر للعصابه المضاده لك ان تاخذ هذا البخاء وتكتب عليه اسمكم
---------------------------------------------------
هناك ايظا تحسن في السرقه السياره فيضربه قبل ان ينزله
وهناك بعض النيجر عندما تصدم سيارته يتوقف وينزل من سيارته متجها نحوك (ناوي شر انزله وشتستنى انت قوم المحمره)
:chairshot )
--------------------------------------------------
--------------------------------------------------

بعض السلبيات:-
1- سرعه السياره والذي يظن البعض انها ممتعه لا ففي المهمات لن تنفعك فهي مضره جدا
2- عندما تسرع في السياره لا يمكن التوقف بسرعه
هذه الى الان ما اتذكره

للموضوع تحديثات و انا جاهز لاي استفسارات

[(The Shark)]

مشكور و ماتقصر

[Phantom x]

عفوا اخوي اللعب على اثنين هذي حقيقة بس انت كمل شويت مهام لين يطلع لك

هذي صورة مصورها من جوال لاحظ مستويين للطاقة في اعلى يمين الشاشة

والاثنين الي جنب عبض هذولين الي تلعب فيهم تقدر تلعب فيهم ومعليش على رداءة الصورة

بعدين ترا وش مصلحتي اني انصب عليك و انت كمل اللعبة اشوي وبتجيك مهمة انك تحرق بيت عصابة

ولما تحرقه فيه بنت جوا يبون منك تنقذها وتروح انت تدخل البيت بالطفاية وتنقذها وتوصلها للبيت

وبعدين بيتها كل ما تجيه تقدر تلعب منه على اثنين ولا تروح تطلع معها تكلون ولا تروحون في اي داهية

المهم هذي الصورة

[moshal_77]

cacapa تعمق باللعبة شوي ولا يهمك



اقول يا شباب كل ما العب اكتشف مليون شي يالله اقدر اقولك بعض الاشياء موب كلها

في شي رهيب نسيت اقوله لكم ترا تقدرون تحتلون المناطق وتسوون حروب عصابات

وكل ما سيطرت على مناطق اكثر تكسبون فلوس اكثر و هي تطلع قدام بيتكم ( هجدت البنفسجين كلهم ) هههه

يالله مع السلامة

وشلون تحتل المناطق ( مهمات يعني)؟؟؟؟؟؟؟؟؟؟؟؟

[Pepsi Kun]

انا شــريت اللعــبة وهي رائــعــة اســجــل اعجــابي باللعبة وســأنزّل خلال هذا الاســبوع الحــل الكــامل ان شاء الله انتظــروني ..

[Phantom x]

moshal_77 : اخوي ترا كل ما تسوي مهمات اكثر كل ما تطلع لك اشياء
اكثر اما المناطق الي تحتلها مهيب مهمات تقدر تسويها باي وقت والمناطق ترا
تبان بالخريطة حسب لون العصابة مثلا عصابتنا لونهم اخضر ومن البداية منطقتهم اصغر شي
ولما تروح منطقة عصابة ثانية وتموت العصابات الي فيها بيجيك افراد من نفس العصابة فزعة من المناطق
الي جنبها اقضي عليهم وخلاص تحتل المنطقة وترا يبدا ها الشي لما يطلع لك محل الاسلحة


ايه احب اضيف شي لمعوماتكم ترا تقدر تاخذ عصابتك يحتلون المناطق معك بس لما تسوي مهمة يعلمونك
كيف تتحكم بعصابتك ( مثل المهمة الي يعلمونك كيف تطلق على حق البنزين الي بالسيارة وتنفجر )

هذي صورتي وانا مجمع معي العصابة وجاهز للهجوم

[Phantom x]

وهذي صورة سيارتين مضبطهم تضبيط غير طبيعي

[Phantom x]

وهذي صورة قومة كل سيارة شوفو كيف النترو بس

[Phantom x]

وآخر شي اعرفكم على الدب حقي ما تركت ولا قرش معي الا اكلته فيه كان يشبه راكيشي بس يوم زدت العضلات والثانية الستامينا صار كذا

والصورة الثانية حقت المهارات حقته ترا تعبت فيها تعب غير طبيعي