Mozilla Firefox - لقد اهتديت

[ODIN]

والله من ناحية رهيب فهو فظيع مو بس رهيب


صارلي شهرين استعمله ولا اقدر استغني عنه


بس مشكلته شغله وحده الي هي تحرير النصوص فيه جدا سيئ ويرفع الضغط خاصه بالمنتدى لما اكتب رد وفيه مشكله مثل الي ذكرها دارك ..


انا اكثر شي عاجبني فيه وتقريبا الشي الوحيد الي استخدمه عشانه هو سرعته


اسرع من الاكسبلورر بكثيير خاصه لعيال الدايل اب مثلي

[مصرقع اس اس]

يلعن ام الفله ياخي تحس انه سريع من قلب

فليسقط بيل جيتس

[Perfect Chaos]

Firefox wa bass

أستعمله من يوم ما كان اسمه phoenix ثم firebird

[rushin_911]

نظام الويندوز نفسه... أبل ماكنتوش أفضل منه بمراااااااحل... لكن الناس شبوا و شابوا على الويندوز

لا حرام عليك الويندوز، حتى و لو تصميم الماكنتوش أحلى منه، يعد أفضل و عملي أكثر بمراحل عديدة برأيي <------------مجبر إن أشتغل مع ماكنتوش في المدرسة للأسف

[Angel whisper]

لا حرام عليك الويندوز، حتى و لو تصميم الماكنتوش أحلى منه، يعد أفضل و عملي أكثر بمراحل عديدة برأيي <------------مجبر إن أشتغل مع ماكنتوش في المدرسة للأسف

I second that ..
هو تصميم الماك حلو .. وفيه حركات حلوه .. بس بشكل عام احسه ما يناسب الا اللي يدرسون الـGraphix design او الاشيا المتعلقه فيه ..
جربت الماك وبعدني احس الويندوز احسن .. مع انه الوان الماك كشخه XD

[Yamato]

انا نزلت المتصفح المذكور اعلاه لكنه بطيء لدرجة انه ما يظهر لي اي شي... (يعني بالفصيح.. مب شغال ابدا عندي)

[darkitp]

لا صراحة , بعد ما نزلت الاصدار الجديد - كان عندي اصدار قديم -
صار عندي البرنامج يشتغل الواجهة المتطورة .. وكل شي تمام

[KJF]

لكن قبل يومين فقع مرارتي... صار بطيء مره... امتلى سباي وير...

و جربت موزيلا... و النتيجه... Explorer Siucks

Siucks؟ بخخخخخخ

عندي نسخة الفاير فوكس القديمة.. خليتها بالجهاز لوقت الحاجة
بس تراني مو قادر ارتاح عليه! اشعر اني معاق معه
على العموم مشكور على الوصلة الى نسيت تحطها بجرب النسخة الجديدة

[Snake Eyes]

انا نزلته و الان بشتغل عليه .....
بس مو سريع مرة بس احلى شي حق الصفحة داخل الصفحة و البوب اب بلوكر

وشكرا على الوصلة

[!ctrl!]

هل له تعريب؟

[Yamato]

بالله عليكم حد يخبرني كيف هالمتصفح يشتغل عندكم وما يشتغل عندي...

[rushin_911]

حطيت خرابيط البروكسي؟

[The Genius]

انا عندي مشكله واحده فقط

وهي عرض الصفحات الفاير فوكس عندي ما يعرض الصفحه كامله عكس الاكسبلورر

صوره للاكسبلورر
http://67.19.93.12/0zz0.com/5/460025901.gif

صوره للفاير فوكس
http://67.19.93.12/0zz0.com/5/963449385.gif

طبعا ليس كل الاحيان

[Arsene Lupin]

و الله جتني مشاكل شوي معه مثل ما قالوا بعض الشباب... انه ما يجي سكرول بار يحرك افقي عشان تشوف باقي الكلام...

و الثانيه للي تعودوا على الكتابه في المنتديات بالاكسبلولر... يضايق شوي اذا بغيت تعدل في الي كتبته.

But I'll stick with it no matter what

انشالله ارسل لهم هالنقاط و يعدلونها...




و لقيت ميزه روعه... اذا قريت كلمه و تبي تبحث عنها في قوقل... ظللها و رص بالزر الايمن و اختر Search the web

على طول يفتح لك قوقل في تاب جديد و يكون باحث عن الكلمه الي ظللتها




ياماتو... جربت تنزله من نفس الموقع؟

نزله و سو انستول و خلاص المفروض يكون موجود في البرامج و يشتغل تمام. اذا ما نفع عطنا معلومات زياده او اسأل في منتديات البرمجه لعل و عسى تلقى خبير

[Kubaj]

الطغمائية سيطرت علينا، نحن مع الإكسبلورر إلين يصير الفايرفوكس من العادات والتقاليد .