Mozilla Firefox - لقد اهتديت

[Arsene Lupin]

السلام عليكم و رحمة الله و بركاته...




للي أول مره يسمع فيه... هذا متصفح للانترنت مجاني...

أغلب مستخدمي الكمبيوتر في العالم يستخدمون Internet Explorer

طبعا لأنه يجي مجانا مع ويندوز... و مستمرين عليه على اعتقاد انه المفروض يكون أفضل الموجود بما أنه من مايكروسوفت

لكن واحد نصحني بفاير فوكس... لكن كنت دايم ارفض عشاني مرتاح مع الاكسبلولر...

لكن قبل يومين فقع مرارتي... صار بطيء مره... امتلى سباي وير...

و جربت موزيلا... و النتيجه... Explorer Siucks

هذا الموقع فيه صفحة تنزيل البرنامج (حجمه ما يتعدى 5 ميقا!!)

و تلقون فيها مزايا البرنامج...

Popup Blocking

هذي هي السبع طعش موقع و دعايه الي يطلعون اذا فتحت موقع.. طبعا المتصفح يمنعها كلها!!... لا و الزين انه يعلمك ان الموقع البائس هذا كان يفكر انه يفتح بوب أب ويندو لكن دا بعده يبرد القلب

Tabbed Browsing

ميزة خرافيه للي يفتحون سبعين نافذه... هذي تخليك تفتح نوافذ ثانيه في نفس النافذه... يعني ممكن ترص بالزر الايمن على نفس اللنك و تختار Open link in new tab و راح يفتحها في نفس النافذه لكن بطريقه حلوه... شوفوا الموقع و مشروح كيف تكون..

تصير كذا ممكن ترتب النوافذ الي تفتحها بشكل رائع جدا...

Privacy and Security

طبعا هذا أروع شي في فاير فوكس... آمن جدددددددددددددا...

جربته مع مواقع مجنونه... فعلا نتيجه خرافيه!!...

معروف أخبل ناس هم مواقع الكراكات... لو تجرب تتمشى فيهم فتره بالاكسبلولر خلاص لازم بكرا تفرمت الجهاز...

جربت فاير فوكس معهم... إبداع...

كأني أتمشى في المنتدى... ما فيه ولا موقع واحد استهبل... ما غير يقفط في البوب أب ويندوز ههههههه

و لا تاخذون الكلمه مني... نزلوه و جربوه



و طبعا أهم ميزة هي انه مشابه جددددددددددا في اسلوبه للاكسبلولر... اللهم المشاكل الغبيه الي في الاكسبلولر راحت...

و سهل و سريع جدا تنزيله... و تقدر اثناء التنزيل تخليه يسوي Import للخصائص الي كانت عندك في الاكسبلولر من المفضله و الهيستوري و غيره...

و عنده ميزه حلوه بعد و هي انك اذا فتحت موقع ممكن تسحب اسم الموقع و تحطه في المساحه الفاضيه الي تحته و خلاص يصير مثل ال fast favorite... عمليه جدددددددددددا... يعني تحط المواقع الي دايم تدخلها في هالمكان و تصير قدامك كل ما فتحت المتصفح... و طبعا فيه قائمة المفضله favorite للي عنده مواقع كثيره يضيفها...



و كل هالميزات على بعضها متكامله مع بعض بمتصفح سريييييييييييع جدا... من جد تحس كأنه Notepad او آله حاسبه مشغلها على الكمبيوتر...



في الاخير للي محتار... الميزة الوحيده للاكسبلولر انك تضمن ان كل المواقع راح تشتغل معك 100% لأنه أكثر متصفح انتشار... و كانت فعلا ذي مضايقتني اني ما اجرب غيره...

لكن فاير فوكس والله مسوي شغل خيالي... العيب الوحيد الي قابلته هو عند قراءة الايميل في الهوت ميل... الايميل العربي لازم تروح View و تغير الانكودينق الى العربي... و اذا رحت لرساله ثانيه ايضا لازم تعدله للعربي ثانيه...

جربت هالشي مع ياهو لكن ما صارت هالمشكله... عدلته مره وحده و انتهى الموضوع...

فيعني واضح انها حركه وصخه من بيل قيتس

عموما هالشي ما يمنع انك تستخدم فاير فوكس... حاليا أستخدم فاير فوكس داااااااااااائما... اللهم اذا جيت افتح ايميل... اروح استخدم الاكسبلولر اذا الايميل عربي... (مع انه اظن ان كل شوي اعدله للعربي أسرع من الاكسبلولر على ما يفتح )



في الأخير... الحمدلله اهتديت

و أدعو الله لاخواني في المنتدى بالهدايه ... النتيجه هي نفس الانترنت... لكن تصفح بأسلوب أرقى

تحياتي للجميع

[Angel whisper]

جربته ومادري ليش ما ارتحتله .. مع انه مميزاته حلوه .. خاصة الـtabbed browsing ..
يقولك من شب على الاكسبلورر شاب عليه -__-

وممنوع الدعايات
*تستخف دمها*

[darkitp]

في لها مشكلة للآن ما عرفت حلها , و هو نظام الرد , حيث انه لا يظهر بشكلة : الواجهة المتطورة المرئية مثال عليها ...

ولكن تظهر بشكلة المحرر العادي

.. وهو يصعب التنسيق كثيرا ...

لكنه اقوى و افضل لتصفح سريع جدا

[DreaM]

اهتديت ؟؟؟

أجل مايكروسوف عصر الضلال و الظلام

سوحقن لبيل غيرتز :vereymad:

بس اقول للاخ darkitp

انا استخدم المتصفح , و ما فيها اي مشكلة ..

بالنسبة لي تظهر لي الواجهة المتطورة المرئية

جرب التحديث للبرنامح و إضافة الpluges و رح يكون فيها كل التحديثات اللي فاتت

[The Genius]

والله حمستني له
نزلته شكله روووووعه تسلم على الموضوع وعلى الهداية

[aoks]

ممكن وصلة انزله منها ^^؟

[DreaM]

ممكن وصلة انزله منها ^^؟

Free Download

for Windows, English (4.7MB)

[Master ArNab]

كلام جميل ... تشكر عليه

ولا تنسى الbugs الموجوده بكثره على الإكسبلورار ...

وكمثال .. لسوء الحمايه للإكسبلورير ...

الأن ممكن أي موقع تتصفحه يجمع معلومات عن جهازك أو يبحث عن ملفات تنفيذيه معينه تحت الsystem32 folder من دون أن تشعر حتى لو إن شاء الله مركب أقوى فاير وول

الخدعة تكمن في إستخدام بروتوكول مثل بروتوكول الhttp و الftp وهو : sysimage

يقوم بالشغله المذكوره في الأعلى ... ومثالاً على ذلك .. جرب هالنك
كل ما سأفعله هو البحث على برنامج النوت باد تحت السيستيم فولد وإخبارك بوجوده أم لا وقس على هذا غيره من الملفات التي قد تساعد في جمع معلومات قد تؤدي الى إختراق جهازك

bug.html



وهذه التاجز

<html>
<img src="sysimage://C:\windows\Notepad.exe,666"
onLoad="document.write('<b>Cannot Find File!</b>');"
onError="document.write('<b>File Exists!</b>');">
</html>

وما خفي أعظم من الثغرات التي لم يصرح بها والمكتشفه من فتره طويله ولو طاحت بأيدي أطفال السكربتات ستكون الكارثه لأصحاب الإكسبلورير ( مؤقتاً الى أن تنزل مايكروسوفت الرقعات اللازمة )

================================
وتقبلو هالهديه لأصحاب الفاير فوكس

Handy Proxy Tool


http://jgillick.nettripper.com/switchproxy/

اللحين محد عنده عذر ما يستخدم الفاير فوكس ... ( على الأقل جربوه )

وفي النهايه . فد تواجه مشاكل مع المتصفح ولكن مع القراءه والإطلاع على أخر التحديثات والإعدادات وزيارة المنتديات المختصه تستطيع أن تروض الثعلب المكار "فاير فوكس"

[aoks]

ووااااوو

نزلته .. صراحة خطير ... وينك ما كتبت هالموضوع من زمان -____-

[Master ArNab]

ما شاء الله .. كويس إنه عجبك

--- بخصوص الثغره --- أسف ما ضبطت معي #_#

بس هنا ديمو لعمل الثغره
http://crapware.lx.ro/junkcode/secur...-existence.htm

anyway

نتمى يجي اليوم اللي يحولون الناس من وندوز الى لنيكس ..

فيه شغلات حلوه مثل الفيدورا كور 3 وأوبن أوفس http://www.openoffice.org/ طبق الأصل لويندوز اوفيس ولكنه بالمجان ^_^

[rushin_911]

صح لسانك أخوي البرنامج رهيب و هو من زمان عندي، المشكلة بس إن مع بعض المواقع ممكن تواجه مشاكل أثناء التصفّح X_X صارت لي شخصيّاً مع أحد المنتديات للأسف

[مصرقع اس اس]

مشكووووووور اخوي

قاعد احمله اذا خلص ابجربه واردلك خبر

[Musou]

عرصين يا موجرم
توك تتكلم عن فاير فوكس
يبغالك عملية بدون بنج
عقابا لك و ردعا لأمثالك من الصامتين

قليسقط بيل جيتس



مشكور على البرنامج

[Arsene Lupin]

شباب غالبا أي برنامج من مايكروسوفت يكون فيه برنامج أفضل منه أداء... لكن فقط الناس تعودوا عليه و لا يبون يغيرونه مثل الي جالس يصير مع انجل ويسبر

نظام الويندوز نفسه... أبل ماكنتوش أفضل منه بمراااااااحل... لكن الناس شبوا و شابوا على الويندوز



داركتيب: غريبه والله... أنا مثل دريم تطلع لي الواجهه المتطوره... جرب تحذف الي عندك و تنزل الي موجود في الموقع... الي نسيت أحطه من الحماس

http://www.mozilla.org/products/firefox/

الوصله تلقاها في الأعلى على اليمين



دريم: ايه فعلا ضلال ... حتى أحد دكاترتنا دايم يستلم مايكروسوفت تهزيء... تكلم مره عن ال Outlook... هذا مملكة الثغرات...

يقول ان هم مايكروسوفت انه تخلي البرنامج سهل للجميع... من الطفل الى العجوز... يعني وحده عجوز مخذرفه ما راح تفكر في ثغرات و مدري ايش... كل الي تبيه تدخل و تشوف ايميلات... عشان كذا مايكروسوفت تخلي الأشياء اوتوماتيكيه قدر الامكان... و هذا الي يخليهم يفتحون ثغرات كثيره قد يحتاجونها في آلية البرنامج.



زينون & اوكس: العفووووووو و الله يثبتكم عليه



ماستر اراب: من ناحية ال bugs فقل ولا حرج

مصيبة الاكسبلولر انه عرق أساسي في الويندوز!!... حتى تشوف و انت تبحث في ملفاتك... اكتب اسم موقع في المساحه الخاصه فيه... بتشوف المتصفح انقلب للاكسبلولر!!... لأنه فعلا من الاساس هو الاكسبلولر الي تتصفح فيه ملفات جهازك... لكن مغيرين شكله الخارجي فقط.

يعني مو معقوله شي يرتبط بالانترنت يكون أيضا مرتبط بملفات نظام التشغيل!... اي مصيبه تصير لك بسهوله بتروح لملفات النظام.

كأنك تخلي عالم من برا يدخلون عندك في الصالة في البيت!!... ليش تسوي هالشي و عندك الملحق برا؟ اي مصيبه بتصير في الملحق... اسهل لي اصلح الملحق من اني اصلح أساس البيت كله.

و هذا الي صاير مع فاير فوكس... لو تضايقت منه احذفه و نزله من جديد... كلها 5 ميقا

لكن هذاك مصيبه.. هو شريان الويندوز ما ينحذف..


رشن: ايه فعلا... لكن أظنهم ندره نادره... لي فتره أجربه الى الحين و مسوي شغل خيالي...

و طبعا مثل ما قلت... لو جتك اي مشكله فيه... انسخ العنوان و افتح الاكسبلولر و الصقه فيه... thats it



مصرقع: العفووووو و الله يثبتك عليه

[Arsene Lupin]

عرصين يا موجرم
توك تتكلم عن فاير فوكس
يبغالك عملية بدون بنج
عقابا لك و ردعا لأمثالك من الصامتين

قليسقط بيل جيتس



مشكور على البرنامج

للأسف كنت تائه

الحمد لله الذي هداني و ما كنت لأهتدي لولا ان هداني الله

صراحه ياخي حتى شعاره احلى بكثير من الاكسبلولر