الرجاء المساعدة...سوني 2 ماتشتغل فما الحل؟؟؟

[abd700]

بسم الله الرحمن الرحيم اما بعد
انا عندي سوني 2 بال الرقم 3004 يقول شخص مال راعي المحل يوم وديته له انها قديمة وحساسة جدا:" :" فأنا اليوم طورتها تطويرت الجيم شارك(اكشن ريبلي) عند راعي المحل اشتغلت جربها لي بس لمه وديتها البيت وشغلتها ماادري شفيها ماتشتغل فعندما احط شريط الأكشن ريبلي يقول مافي شريط الرجاء ادخال الشريط.... حاولت وعدت الشريط بعدين اشتغلت بعدين تعلق مرة ثانية .. وديتها عند راعي المحل وطلع انها ماتشتغل مو علشنا السيدي خربان طلع السيدي زين بس طلعت سوني2 ثقيلة(عليها ثقل) لدرجة انها فيها كل البراغي راكبة وماتشتغل اله اذا شلت البراغي نصهم تقريبا علشان تصير خفيفه ... فهل في طريقة علشان اشغل سوني2 والبراغي كلهم راكبين؟؟؟؟ تشتغل زين، ومايصير عليها ثقل؟؟؟ انا ماتوقعت انها لهدرجة صار عليها ثقل !!! للعلم انا عندي دسك ديمو حطيته واشتغل تمام مافيه اي مشاكل ، فيعني مو معقولة عليها ثقل من شريط الجيم شارك!!! الرجاء المساعدة ...



وجزاكم الله خيرا

[abd700]

تكفون ردوا علي

[الحلم الذهبي]

والله ياخوي خوفتني انا عندي نفس جهازك بال 3004R بس الى الحين

ماجربت الجيم شارك عليه وانت لم تطورتها ايش سويت يعني ؟؟؟؟

بس هل انت عندك أي قطع يعني ميشا او ماسايا او من هذه القطع

ولاكيف‍‍‍‍‍‍؟؟؟

[ريــفــالــدو]

اخوي انا اقول انه تركيب المحل للقطعه نفسه دماااار والا انه نوع جهازك

دمااار وبس !!!

[abd700]

لاياجماعة اكتشفت شيء...
انه السوني 2 لما اريد ان اشغل شريط الجيم شارك مولازم اشيل كل البراغي طلع عادي حتى ولو كل البراغي مركبين بس طلع ماتشتغل السوني2 اذا هي واقفة او نايمة لازم اذا ابي اشغل شريط الجيم شارك اقلب الجهاز لمه يشتغل بعدين ارجعه.... لأنه اذا ماقلبته يطلعلي الرجاء وضع السيدي والسيدي موجود للعلم انني جربت العب شريط الديمو (اصلي) يشتغل والجهاواقف او نايم كل الحالات يشتغل.... فما الحل رجاءا اريد طريقة اقدر اشغل جهازي وهو واقف او نايم.... لأنهم يقوقون اذا قلبته مو زين...

الرجاء المساعدة وبسرعة

وهل نوع الجهاز 3004 r قديم وهل هو حساس؟؟؟؟

[abd700]

وينكم تكفون ردوا علي..:" :" ترى على فكرة نسيت اقولكم انها موكلة(مو دايما) تشتغل عندما اقلبها ساعات تشتغل..

[العراقي17]

abd700

للأسف معظمنا نعاني من هالمشكلة وهاذي من عيوب البلي ستيشن2 التقنية فهو كثير من المرات ما يقرئ اقراص السيدي بطريقة سليمة.

اما الديمو فيكون dvd وقرائة الديفيدي ممتازة

والحل الوحيد انك تشغل الجهاز ومن ثم تحط السيدي(يعني تحطه بعد ما تطلع شاشة الخيارات).

[abd700]

يعني شلون؟؟؟؟ ممكن تفهمني الطريقة عدل؟؟ وهل انته تعاني من هذه المشكلة؟؟؟ وشلون حليتها اذا كنت تعاني؟؟؟؟

وجزاك الله خيرا

[العراقي17]

abd700

شوف ...


شغل الجهاز(بدون دسك)

ولما تطلعلك الشاشة الرئيسية الي فيها التاريخ والوقت.

حط الدسك وراح يشتغل(نسبة النجاح90%)

[abd700]

شوف انا لمه احط السوني2 واشغلها بدون سيدي يطلع لي الشاشة الي فيها كلمة browse و ماادري شنو .. هل هذه هي الشاشة الي تقول عنها؟؟؟ اذا هذه انا حطيتها بعدين ماضغطت ريسيت دخلت السيدي ونطرته يطلعلي نفس الشيء... واذا ابي اشغله لازم اقلب الجهاز واشغل الجهاز بعدين يشتغل(احيانا) ...

هل النوع مالي قديم؟؟؟ النوع 3004 R بال .... هل اقدر اوديه عند الوكالة الآسيوية ويصلحه؟؟؟ لأني مطوره ترى ، بكم تتوقع يأخذ؟؟؟

وجزاك الله خيرا

[snoke]

انا عندي نفس الموديل حقك وهو شغال تمام التمام شاريه من اجازه الصيف الماضي وما خرب ولا شي وقبل ثلاثة ايام ركبت عليها الميشيا وصار يشتغل احسن من الأول لأنه في شرايط ما كنت راضيه تشتغل الحين صارت تشتغل وبسهوله

انا برايي انك توديه للوكاله

[الحلم الذهبي]

شوف انا اقول لك من ناحية انه الجهاز قديم فهو مو قديم مره

لان اخر موديل نزل في هونغ كونغ هو 3006 يعني نوعا ما كويس

بس انت هل مركب على جهازك قطعة الميشا ولا لا !!!!!

وكيف بقية الالعاب هل تواجه فيها مشاكل ؟؟؟؟