اول جالري لي في عالم النت

:) · 20-07-2002, 04:46 AM

الله الله .. شو هالفن ؟؟؟.... تسلم ايدك يالرايق

بس لو تعدل الثوب مال الياهل و تزيد فيه التفاصيل .. لأنه منتفخ مثل المخدة ... و لو تكبر يد الياهل شوي لأنها صغيرة وايد عن الحجم المطلوب

و سلامتك

**الرايق 2000** · 20-07-2002, 04:56 AM

مشكور سمايلي

و تسلم لي اخوي

و نخدمك في الجالريات

**Master Cid** · 20-07-2002, 05:38 AM

مبروك اخوي الرايق على الجاليري ..

يعذب ..

و توني أدري أنك فنان طائرات ... لأني أعشقها من كنت صغير .. !

تابع شغلط .. وحسن عملك !

**orange road** · 20-07-2002, 01:28 PM

حلوة رسمة مقاتل الكونغ فو يالرايق..
لكن للحين محتاج للتدريب...

احس ان مقاييس الجسم للحين يبيلها..
وطريقة قعدته مب مرتاحة.. يعني للحين (عاد اللي يسمع الحين يقول هاذي فلتة في الرسم... :6 )

بس الطيارات اوكي رسمها..

مثل ما قالوا الاخوة...
للحين يبي لك تدريب..

ارسم وارسم وارسم...
زانقل من الطبيعة..

ترى النقل من الصور الفوتوغرافية يساعدك اكثر على الرسم...
وحتى من الطبيعة..

عندنا في الجامعة في مقرر الرسم بالرصاص
كانت في طالبة تبي ترسم شجر..
والدكتورة ما ترضى ننقل من صور
يا من عندنا او من شي جدامنا (ليش؟؟؟ ?: ما ادري)

المهم.. هالطالبة قضت شهر كامل تحت الشير عندنا في الجامعة ةهي ترسم فيهم (بمعدل 7 ساعات في الاسبوع) حتى كنا خايفين اخر الشهر تتحول لطرزان...

ادري طلعت من الموضوع لكن بتحصل على نتيجة احسن

**الرايق 2000** · 20-07-2002, 04:57 PM

مشكوره خلود لكن ما قلتي رأيك في اللي بعدها :":

هلا و الله ماستر سيد ما ادري احس اني اشم واحد موقوف مشترك بإسم ثاني بس شكلها تهيأت

يا هلا بك مشكور و إذا على الطائرات لو تبرى اي صوره طب على google.com و روح لقسم الصور و اكتب اسم الطياره تلاقيه طلع لك بالهبل

**الرايق 2000** · 03-08-2002, 05:53 PM

هيهيهيهيهيه

الصوره منقوله طبعا الكثير منكم عرفها هي فعلا

لعبه warcraft 3

اول ما تحط السيدي تلاقي هذا الشكل نط في وجهك
هيهيهي

**الرايق 2000** · 06-08-2002, 12:15 AM

شباب هذي نقل من صوره نمر

**ديابلوس** · 06-08-2002, 04:03 PM

ماشالله عليك يا الرايق.. احس ان رسمك صار احسن عن قبل ..

بس لو تعدل راس النمر بتكمل الرسمة و لا هو ما عليه كلام

ويعطيك الف عافية

**lady death** · 06-08-2002, 05:37 PM

اول شي ءالسلام عليكم اخوي...ثاني شيء انا نفسك مبتدئة يعني مو عيب الواحد يكون جي وانا عجبني اسلوبك في الكلام لانك صحيح ودك تكون الاحسن وناوي تتقبل النصايح لانه في ناس يعتقدون انه النقد عيب او يزعلون ..... مشاء الله عليك في تحسن بالتتدريج.. بس نفس ماقال الاخ النمر لازم يتعدل الراس...وانا بالنسبه لي البورش تينن بس التواير ممسوحه نفس ماقالو.. ولازم تحدد الرنجات ههههههههههه ((اشفيهاااااا)) المهم احلا رسمه هي رسمة الجمجمه ولا تخاف لانك شايفها جدامك مو معناها انك ماتعرف ترسم ترا انا بعد ماعرف ارسم كل شيء من خيالي لازم اشوف صوره حق هالشيء عشان يطلع متقن ميه الميه....للامام واكيد انا انطر اشوف رسموك عقب كمن شهر شلووون بصيرون احلاا واحلاااااااااا..اااخ تعبت يدي يالله سلاااااااااام :":

**الرايق 2000** · 07-08-2002, 12:48 AM

مشكور ديابلوس المشكله اني ما راح اقدر اعدلها بس منتبه ان الأنف باين كأنه كلب سلق و لا نمر صغير مراهق على عكس الصوره الاصليه لكن لسه لقينا لها حل إن شاء الله في الرسمه الجديده

و اممممم انا ما احب اكتب الأسامي الإنجليزي بالعربي إلا اشياء معينه زي ديابلوس

خلينا نطلع لك إسم

lady death = اوكي سيده الموت طوووويل

في حل اسمك هو

يا اختي هلا بيكي و تسلمي لكلامك المشجع

و إن شاء الله تشوفي اثاره

**الرايق 2000** · 08-08-2002, 01:00 AM

اممم شباب رأيكم و الأغلاط اللي فيها ماني عارفها الله لو تقولوها لي

عارف ان اليدين مو على سوا واحد

و اعرف اني مهتم باليد اليمين اكثر من اليسار

المهم ترى الرسمه منقوله و الأصل احاول احطه مع انه كبير

**ديابلوس** · 08-08-2002, 09:39 AM

ممتاز يا الرايق ممتاز ..... كل مرة رسمك يتحسن....

الرسمة ما عليها كلام .. بس لو تصغر الاكتاف ... بتكون الرسمة احسن

و الى الامام

**Ralph Jones** · 08-08-2002, 02:34 PM

رسمك حلو و مستواه ممتاز جدا ...

و أتمنى لك التوفيق ...

تحياتي
رالـــــــــــــف":"

**الرايق 2000** · 08-08-2002, 03:08 PM

الرسالة الأصلية كتبت بواسطة ديابلوس
ممتاز يا الرايق ممتاز ..... كل مرة رسمك يتحسن....

الرسمة ما عليها كلام .. بس لو تصغر الاكتاف ... بتكون الرسمة احسن

و الى الامام

مشكووور يا

رفيق الطريق (قاعد اسمع عبد الحليم )

و رالف تسلم حبيبي إن شاء الله تشوف اللي يعجبك اكثر المره الجايه إن شاء الله

**الرايق 2000** · 09-08-2002, 04:47 AM

انت و اياه (صدقت نفسي )

الرسمه الجديده اخواني

الموضوع: اول جالري لي في عالم النت

أدوات الموضوع

ياسلااام

Re: ياسلااام

ضوابط المشاركة