بطولة وينينج اليفن6

[صحن قلابه]

السلام عليكم


شباب بس بغيت اشوف اذا فيه احد مشارك في بطولة وينينج اليفن 6 في مقهى كوكب الرياضه ؟؟

تحياتي

[المتنبي بن حطبه]

ودي اعرف تكفون وشلون اقدر اشارك ومتى يبدى البطولة لاني احس انها قوية وانا ودي اتحدى اللي فيها علموني تكفوت

[عشوق]

أنا أبغى أشارك علموني تكفون متى؟؟؟؟؟؟؟؟؟؟؟؟؟؟؟؟؟؟؟؟

[kloze]

المسابقه راح تكون في مقهى كوكب الرياضه با لعليا
الشروط
1 دفع مبلغ 50 ريال

2 الدوري راح يكون با لا نديه

3 خرج المغلوب


4 ما تقدر تلعب بانديه الماستر الى في الممري كارد

المسابقه بتكونفي 3/6/1423

الجائزه الا ولى (1500+ps2)

الجائزه الثانيه(750)

[الخرابيط]

الدمام مافيها بطولات

[صحن قلابه]

انا البارح كنت عندهم وأشتركت

ونظام البطلوة زي كأس العالم , يعني مجموعات بعدين دور ال16 بعدين دور ال 8 وهكذا .

وممنوع تلعب بأي نادي او فريق سري ( نجوم العالم ) فقط منتخبات , والي يتأخر 10 دقايق يعتبر منسحب .

أما الجوائز فهي جوالات .

والبطولة تبدأ يوم الثلاثاء القادم بعد صلاة العشاء

وكلامي متأكد منه ( أخذته من المسؤول عن المسابقه في المقهى)

[عشوق]

متى التسجيل في البطوله من فترة كم الى فترة كم
ارجو الرد بسرعه

[صحن قلابه]

عفوا شباب اجلو البطولة ليوم الخميس , يقولون ان يوم الثلاثاء فيه مباراه بين يوفنتوس ومدري مين اظن روما , على كاس السوبر حقهم .

والي يبي يسجل يسجل متى ما يبي بس قبل لا تبدا البطولة

[أفلاطون]

يا أخ صحن قلابه انتم طلعتو من الموضوع الاساسي


لكن انا برجعكم له واحب أقولك اني انا مشترك في البطوله


وأتمنى ان نتقابل هناك;-) ;-) ;-)

[عشوق]

بما أنك مشترك ابغى منك نبذه مختصره عن البطوله يا أفلاطون

[أفلاطون]

والله يا أخ عشوق الأخ صحن قلابه ما قصر وقال كل شي:-)

والبطوله زي ما قال راح تكون بالمتخبات وما فيه مانع اكثر من لاعب يختار نفس المنتخب;-)

وراح تكون البطوله بنفس طريقة كأس العالم أول شي مجموعات بعدين يبدا دوري ال16

ونفس ما قال الاخ صحن قلابه اللي يتأخر عشر دقايق يعتبر منسحب من المباراة

وأحب اضيف نقطه على اللي قاله الأخ صحن قلابه وهي أن الاعب ما يحق له توقيف اللعب أثناء المباراة الا ثلاث مرات فقط

وقيمة الاشتراك 50 ريال

وأعتقد اذا العدد المطلوب أكتمل راح يوقفون التسجيل في البطوله هذي


واتمنى أني أشوفك هناك;-)




















والعفو على الرد السريع

[عشوق]

افا
أنا بعيد عن الرياض حاليا وابروح الرياض الثلاثاء
وأتوقع ان العالم سجلت وانتهى التسجيل
أحد يقدر يدبر لي رقم جوال واحد من اللي هناك عشان اتفاهم معه
:" :" :" :" :" :" :" :" :" :" :" :" :" :" :" :"

[صحن قلابه]

مشكور على التوضيح اخوي افلاطون , لكن توني ادري ان ممنوع اكثر من ثلاث توقيفات , انا كل دقيقه لي خطه

وأتمنا اباريك هناك

-----------

اخوي العشوق

لا لا تخاف هم ماهم حريصين على العدد , يعني لو تعدو ال32 ممكن تشارك عادي , اصلا هم الحين وصلو تقريبيا 25 وحتى لو ما اكتمل العدد راح يبدون يوم الخميس .

وسألتهم عن اخر موعد للتسجيل قالولي لو تجي يوم الخميس ممكن تشارك بس اهم شي معك الخمسين ريال

تحياتي

[عشوق]

يسلمووووووووووووووو
أخوي صحن قلابه على الرد
وأيضا مشكور يا أخ أفلاطون على النبذه المختصره

أقول صحن قلابه كل المشتركين بيلعبون يوم الخميس

<<<<<<<عنده مناسبة زواج يوم الخميس

أخوي اذا ماعليك كلافه تكتب لي توصيف محلكم ذا حق كوكب الرياضه

[صحن قلابه]

لالا البطولة تستمر تقريبا اسبوع يمكن بس يوم الخميس يوزعون المشتركين على مجموعات ويسوون الجدول وزي كذا .

الوصف .. انا سيء في الوصف لكن ابحاول

ونت في طريق الملك فهد رايح شمال بتجيك على يدك اليمين ملاهي ماادري وش اسمها , المهم خذ الخدمه وبعدين لف مع اول ملف يمين انت عاد أرفع راسك بتلقا محل كبير ومكتوب فوق كوكب الرياضه وترا جنبه مسجد على يسار المحل .

واذا انت جاي مع طريق العليا رايح جنوب تعد أشاره تقاطع العليا مع التحليه , أول ملف يمين خذه , ابتل وبتلقا مسجد , خل السجد على يسارك ولف يسار بتلقا المحل على يسارك .


تحياتي