تعالوا نشوف من هو أنحس عضو ((ما أعتقد حد غيري))

[ez2dj]

هلو إيفري بودي بويز أند جيرلز ليدس آند جنغل مان <==طرزان وشلته :6


بما أن الشباب الحلوين قرروا مقاطعة الصرقعة قلت أنا معاكم يالربع

خلونا ننشط شوي هذا المنتدى



المهم ندخل في صلب الموضوع <==ياعيني

أنا أريد اكتشف منهو أنحس عضو فينا ....يعني مثلا من بين الشارع كامل

وأنته كاشخ مواعد أحد (لايروح فكركم بعيد) يجيك عصفور وهو طاير يفكر

بعمق ويجي يحلق فوقك ويفرلك صاروخ سكوود على راسك :6

يعني الشارع فاضي ومالقى يعملها إلا فوق راسه ((واحد نحيس ولي هو أنا ))




بس أنا يسموني المحظوظ المنحوس لأن حظي مثل حظ الهنود إلي في

مهرجان دبي إلي يربحوون مرسدس بودمعة وغيرها ....وتشوفهم يمشون

في نص الشارع تقول انهم شيوخ ولا من VIP

وتعض رجلك من الغيظ والقهر من هذا الموقف :غضب:


بس ليش محظوظ منحوس بالذات ?:

لأني تحصلي أشياء ولكن ماتكتمل فرحتي فيها لازم يصير شي معاكس له



شوفوا وحدة من قصص النحس الي عندي

{يوم من الأيام في أحد أيام الصيف الحارة ...كان يوما حارا ((وبعدين عطنا الزبدة وقلل من كلمة الأيام :6 )) كنا ناويين السفر إلى أحد الدول العربية وحجزنا التذاكر ....في أحد الأيام ((أوووه ردينا ياطير يلي <==مأعرف المثل :6 )) كنت جالس مع الوالد والأهل قعدة عائلية نتكلم وين بنروح في السفرة .....فجأة قطع علينا صوت رنين التليفون <== ماتركب ورد عليه أخوي الأصغر مني ...
لما تكلم شوي قال للمتصل لحظة أخوي موجوود ...
عمر وحدة تريدك في التليفون

أنا: وحدة يعني بنت ?:

أخوي :يعني ريال يا الغبي أمسك التليفون

الأهل كلهم يشوفوني يقولون هذا أكيد وحدة مغازلنها ":"

أنا: الو مرحبا وكيف الحال

المتصلة :مرحبا أنته السيد عمر بن فلان وعلان

أنا: نعم ((غربلها الله وين عرفت اسمي الكامل ورقم تليفوني :": ))

المتصلة :مبرووكيشن طلعت تذكرتك أنك رابح

أنا: معقوولة أني ربحت :! الله يباركليشن فيج
بس شو الجايزة

المتصلة :لا لازم أنته أتي وتشوف جايزتك

أنا : ويين أنتوا الحين

المتصلة :نحنا في دبي

أنا: لا دبي بعيدة ?: يعني أصك درب لين أهناك وآخر شي تطلع أن الجايزة عطر بوخمس دراهم :6 ((حصلت معاي وااااايد))

المتصلة :والله كيفك




يتبع

[شيطان و لكن ...]

و بعدين ؟؟؟

[ez2dj]

أنا: يعني مافي طريقة ثانية بس أريد أعرف الجايزة

المتصلة :أوكي بس أنته تشتغل ؟؟

أنا :لا أنا بعدي طالب بس أعجبج ":"

المتصلة :يعني بعدك ياهل عطني أبوك أكلمه :6

عاد في هذا الوقت أنصدمت وطاحت السماعة من إيدي :! والأهل مسوين دايرة علي يسمعون المحادثة فشلة :":

أنا : أمسك التليفون ورد عليها تريد تسألك ((يدور صرفة ))

الوالد:هلا
المتصلة : أهلين

بعدين استفسارات وأسئلة و الخ الخ الخ :6 ....بلا بلا بلا <===بالعنجزلي


المهم توصلنا أنا الجائزة هي ....


























يتبع ((لاتفكرونها زيادة مشاركات لكن الخشوش زيادة عن اللزوم والا الموضوع قصير :6 ))

[ez2dj]

قولوا لاإله إلا الله




































تذكرة سفر إلى أحد هذي الدول ....

1- أمريكا
2- جزر هاواي
3-جزر القمر
4-سويسرا <==الي كنت مصمم أختارها
5- ماليزيا

وفي أكثر من دولة بس ما أذكر الصراحة ?:

ولا أزيدكم من الشعر House ...

إقامة لمدة إسبوع في أفخم الفنادق الخمس نجووم (*****) :0)

وعدد الأشخاص المصاحبين للرحلة مش شخصين بس

العائلة كلها ...يعني عائلتك فيها 30 شخص يسفرونكم كلكم وفي فندق فخم ;-)


المهم أنا مستانس وأضحك عليهم كلهم .....وأنا خلاص مقرر سويسرا سويسرا السفرة سويسرا


الوالد : أهاا يعني بس هذي المدن

المتصلة :وش تبا بعد أكثر

الوالد :يعني مافي ***** ((هذي الدولة العربية الي كنا بنسافرلها:! ))

المتصلة : أنته شو تريد في هذي الدولة عندك سويسرا جوها أحلى (حتى هي مستغربة من الوالد الله يهداه :! ))

الوالد:لا ما أريدها لوتعطيني مليون ما أسافر لسويسرا ((هاها مايعرف جوها ))

المتصلة :أنته عم تتكلم جد

الوالد :هي نعم ...والجائزة خذيها لج ما أريدها ومع السلامة

المتصلة : ألو ألو ....................................طووووط طوووووط طووووط





الأهل كلهم :ليش سكرت الله يسامحك :"

أنا: شو هذا الحظ الردي :" سويسرا سويسرا راحت :"


وقعدت أغني :"

حظي تردى يا ليت الحظ يتبدل ***وأبيع حظي لغيري وأشتري غيره

مالي بحظ قطعني من حسين الدل***بقيت بين الرجا والياس والحيلة

صابر وباصبر ولو مال القضية حل *** الأمر كايد وعند الله تدبيره












وبعدها بيوم أنتشر الخبر كافة إلى أرجاء بوظبي وضواحيها ((الله يخلي الوالدة ولا حتى قناة CNN تقدر تنافسها في نشر الأخبار :6 ))


وكنت كل ما أمشي أشوف الصغار يجيبولي بيبسي يقولون أفتح يمكن تربح شي منه ........مصدقين :6





وهذي إحدى قصصي المأساوية ":" والي عنده حد قصة خله يقولنا ونشوف منو أنحس واحد في المنتدى

[شيطان و لكن ...]

اوف :! ... ابوك يقارن سوريا بسويسرا ؟!! لكن تصدق معاه حق ... لو رحتوا هناك كان شفتوا البلاوي على الطبيعة ... يعني حظك حلو مو ردي ...

[ez2dj]

الرسالة الأصلية كتبت بواسطة شيطان و لكن ...
اوف :! ... ابوك يقارن سوريا بسويسرا ؟!! لكن تصدق معاه حق ... لو رحتوا هناك كان شفتوا البلاوي على الطبيعة ... يعني حظك حلو مو ردي ...

مشكوووريشن على ردك

بس أنا متى قلت أنها سوريا :! .....وبعدين أنا أروح مش حق البلاوي الي فيها أنا أروح أغير الجو وفي أشياء حلوة في سويسرا ":"





وين محد رد غيرك الظاهر أني النحيس الوحيد الي في المنتدى :6

[ash2001]

يا حراااااااااااااااااام......:غضب: :غضب: :غضب: :غضب: :غضب:







اكيد كنت بتييب لي ساعة من سويسرا ؟؟صح!!<----( )

[RPG_master]

اما ابوك ذا معقد بشكل?:


انا المره الوحيده الي فزت":"


جابلي عمي ظرف مكتوب عليه مبروك الجائزه يا فهد محمد فلان الفلاني

انا:

افتحها وانا متشقق...

بالأخير مبروك تخفيض 70% بمحل فلان الفلاني للأدوات الخربوطيه حتى ما اذكر وشو المحل:" :"


بعدها تحطمت :"

[FSM]

:" :" :" :" :" :" :" :" والله أنا توني مطلع سيارة جديد من قبل فترة ...




### خذوا القصة ..

أشترينا السيارة وخلصنا الاجرائات وكل حاجه .. ما بقى الا أن نطلع السيارة من كراج الوكاله ...

المهم .. الساعه حينها <== كانت ( تقريبا 10 ليلاً ..)

يعني ظلام دامس ..

الرجال ( شغال بالوكاله) يقول لي يا فواز .. يله هذا المفتاح وبالبركة ...... ويعطيك خيرها ويكفيك شرها .. وما أدري ايش ..

عموماً .. قلت له صراحه مو سايق السيارة .. <== يقول لي ليه .؟؟؟ مو سيارتك.. قلت له الا بس خل الوالد يوصلها البيت عني ..

عاد أبوي ما صدق خبر على طول ركبها .. هو مع أخوي الصغر <== الثرثر ?:

رجّع السيارة الى الخلف

وكان يكلم أخوي ,, ويرجع ويرجع .. وأنا جالس أطالعه .. متى راح يوقف .. :#

شوي الا أشوف انه وصل مرحله الخطر .. وأرخ وأقول له .. وقققققققققف

ترى وراك سيارة <=== طبعا السيارة كان فيه عزل للصوت ..<== ما سمع حاجه ..

ثانيه وحده الا الحادثه تصير .. ( صدم بالسيارة الي كانت وراه )

عاد انا أجيك طاير على 240 :6

خير خير ...

الوالد : يشوف السيارة من الخلف والسيارة الي صدمها ,,

ويقول الحمد لله ما صار شي ..

قلت له ترى صار في السيارتين خدوش ..

قال قلت لك ما صار شي ..:غضب:

قلت له طيب.. خلاص .. انا الي راح أوصلها للبيت .. أخاف تصدم فيها مرة ثانيه .. وتكون العواقب شينه ..

( بس والله الوالد معذور كانت المرايا مو مضبظطه .. والسيارة الي ورى كان لونها أسود .. وكان أخوي يثرثر عليه وقتها )
رحنا البيت .. الا وأقول له تعال شوف السيارة عدل تحت الأضواء ..

جا يشوفها .. وشاف البلاوي...

السيارة تهشمت من ورى ..

أجل ايش صار للسيارى الي ورانا .. <== انا أقول له ..

قال شكلها قديمه ما عليك منها ...

قلت له لأ يا بوي .. السيارة الي ورانا صحيح سودا ..

بس كانت أخر موديل وأفخم سيارة عند الوكاله ..:":

المهم ..

كلم الوكاله اليوم الثاني وقال لهم السالفه ...

قالوا ... ( ولوووو ) يا أبو فواز .. تكرم عيونك خلها علينا ..

أبوي أتاح وريح ضميرة ....

بس الى يومك ..آثار الجريمه موجوده بالسيارة ;-)

[HArb200]

ههههه .. ياخي النحس داء ليس له دواء ..

اما الجوائز .. فحدث ولا حرج :#

انا ماجتني جوائز بس دورتها .. ومنها مسابقة رمضان حقت العيدي ياجعله اللي منيب قايل ..

على فكره احد يذكر جايزة مناديل كلينكس .. اللي يقولون دور فيها وتلقى فلوس .. هذي تحفة التحف .. واللي مايشتري يتفرج ..

طلعت عليها نكت :0) .. ولاحقت صابون تايد اللي تلقى قطعة ذهب خخخخخخخ ..

عندنا نصابين .. والمشكله حنا نصدق على طول :":

[Kasser]

انا من اشبك الكل يطلع من الماسينجر تقول داخل وحش

[العمدا]

انا والنحس نمشى فى طريق متوازى >>> =========

:" :" :" :"

اذكر انى كنت مشارك فى مسابقه الشرق الاوسط من ثلاث سنين ..

كنت اسال اهلى وادور فى بعض الكتب ودى افووز ..

واخرتها كل مره يجحدونى ..

بس على فكره مره بالغلط فزت بمسجل موب راضي يشتغل ليومك هذا ?:

[wildkitty]

الله يعافي حياتكم
وانا كنت اعتقد اني المنحوسه ":"

[silverpaco_101]

الله يعينك من جد راحت عليك فرصه ما تتعوض
عموما خيرها بغيرها اما عن النحس معى فهو قليل يعني مهوب مثل حالتك

[Jin Kazama]

الله يعينك

بس الوالد معاه حق

بالنسبه للنحس




انا النحس بعيونه ":" :"


لازم قصه والا ما يحتاج :0)