ارسم المنتدى !!

[Ranma Saotome]

جاتني هالفكره لما قريت رد احد الاعضاء في المنتدى..

قلت ليش ماحط موضوع وانشالله يعجبكم..

لو كان المنتدى انسان.. بشر.. شلون بيكون تخيلكم لهاشخص؟؟
اتمنى اشوف كل واحد شلون راح يعبر عن المنتدى بتمثيله بانسان.. بنت او ولد مو مشكله..
المهم ان ترسمونه على هيئة انسان.. كيوت او حلو او معضّل او هادئ او كوول او اي شي تتخيلون المنتدى عليه..

فكره غريبه صح!!! صعب تنفيذها؟؟؟ مادري
انشالله تعجبكم

[هـداف]

أتوقع المنتدى على شكل لاعبي المفضل... خخخخخخخخخخخخخ



آسف لأنها مش رسمه لأني ماعرف أرسم ......:! ;-)

[CUTE NURIKO]

همممم... فكره عجيبه ... بجرب ارسم المنتدى اليوم...

ههه.. شاعر حلوه ان يكون المنتدى لاعب كرة قدم...

[BUBLE]

:واو: فكرة غريبة عجيبة فضيعة رهيبة مهيبة .....قمت اخرف

حلوة الفكرة بس انا مو قادرة اتخيل المنتدى على شكل انسان ..............ممممممممممممممممممممممممممممممممممم.......................ما اقدرررررررررر.......راسي تشوش

راح احاول ارسم بس يمكن بعد وقت طويل لان الحين كلش مو قادرة اتخيل?:

[alucardracula]

تصدّق رانما
لمّا خطر على بالي أسوّي شي عن المنتدى من زمان عبّرت عن المنتدى بقصة منتدى فينيا يعني المنتدى بالنسبة لي قصر و القصّة سوّيتها و أنت يا رانما أحد أبطالها ..احم العشا..
وين ديث جهّز ........;-)

[zamby2002]

حلوه الفكره بس أحس أنها بتوقف عند حد معين وتنقطع بس ليش مانتفائل بالأفضل على العموم بحاول أشارك وأنا خلاص ياتني الفكره لكن بفاجأكم بالنتيجه قريباً 00000000000 أتمنى ذلك

[jojo_1412]

واااااو نتخيل المنتدى:0)


فكرة عجيبة و حلوة وايد



بس بتكون نتايجها حلوة ان شاء الله


we are waiting for some sesults

[CUTE NURIKO]

المنتدى...

[wildkitty]

حلوه الفكره

رانما يتلك الفكر من رسمه من رسومات فطوم


انا بجرب ارسم شي

حلو رسمتش كيوت

[Ranma Saotome]

من زمان اقول برفع هالموضوع بكتب فيه شي لكن انسى..
رسمتج نوريكو حلوه بنت جميله ومرحه تعبر عن المنتدى..
بيني وبينج.. join بدون e

انا شلون تخيلت المنتدى؟؟؟

تخيلته مثل أب طيب جدا ومحبوب واحنا ابناءه وبناته اخوان واخوات متجمعين حلوه واللي متعلق برقبته واللي متعلق بيده وبكتفه وعلى ظهره واللي جالس في حضنه واللي جنبه واللي امامه.. واشكالنا مثل اليهال كيوت مثل رسوم تي ام..

[wildkitty]

انا اتخيل المنتدى عقيدي كيوت


لحد يسألني شنو عقيدي تعبت وانا اشرح :"

[java_sun]

هههههههههههه رسمتج عجيبه كيتي

[Neo Cid]

الرسالة الأصلية كتبت بواسطة wildkitty





انا اتخيل المنتدى عقيدي كيوت


لحد يسألني شنو عقيدي تعبت وانا اشرح :"

هههههههههههههه

روعة الرسمة خيتو كيتي .. والله تفكيرج نفس تفكيري .. فكرته أنه واحد عقيدي .. ( لأن السطانة فيه زايدة ) .. و بعد لأن ( وايد هادي إلا لمن يكون مع ربعة تزيد الضجة ) .. ولحد يسألني ليش شرحت المنتدى ..

إلى الأمام خيتو .. و انشاء الله نشوف منج كاركتيرات أكثر و أكثر ..

نيو سيد .. سلام

[Ranma Saotome]

كححححححح كححح كحح
كيتي من وييين طلعتي هالموضوع..
شلون تذكرتيه اصلا...
مشكوره ان عرضتي فكرتج
وحلللللوه حركتك نيوسيد ان عرضت الرسمه في التوقيع

[ODIN]

ممم الخيال جميل..

لكن انا صراحه ما اقدر اتخيله على انه انسان .. اتخيله على انه عالم كامل . او بالاحرى كوكب جديد .. فيه كل شيئ .. الزين والشين .. الصالح والطالح ..

كوكب .. فيه دوله فيها حروب عالميه ونزاعات ووضع غير مستقر ..

ودولة مجاورة له اخرى .. فيها كل العلم والكلام الطيب .. لكن لا تستقر كليا بسبب بعض المخربين ..

ودولة .. مصدر الذوق والاناقه في هذا الكوكب .. فيها شعب انيق يعرف الذوق والفن .. فيه شعب يتمتع بموهبة الرسم والدقة...

ودولة فيها ناس ما تحمد ربها! فيها ناس ما تعرف الا تتحلطم وتشتكي ! فيها ناس ما تعرف تشرك الله على النعمه!

ودولة فيها الخبال والهسترة ومضيعة الوقت .. نشوف الشعب اغلبه يحب الهذرة والسواليف والتسكع بالشوارع والتحرش ببنات خلق الله ...

ودولة فيها الوناسه واللعب والفيديو جيم ..

ودوله ودوله ودوله ودوله .....الخ...

محد بيفهم كلامي الا الي مطلع على وضع المنتدى صح!