هل تؤيد قياده المرأه السعوديه للسيارة؟

[الكونت دراكولا]

الى الاخت يوفي


هم ما منعوها لأن هدفها سامي ولا لو قالت انني سأذهب لأستنشق بعضا من الهواء ؟ كان تركوها تروح ؟ وكمان قلت لك لا تقارني خولة بنت الازور رضي الله عنها بشابات اليوم . . .

[Yuffie]

ykm عادي وش فيها شرطيه منقبه راح تكون معها هويتها و فيه بنات سعوديات كثيييييير ما يتغطون او اذا ما نفع يجيبون اجنبيات و يسوون مرور نسائي و يا اخ ykm الوضع اللي قلت عنه عن العائلات السعوديه هو الوضع المثالي و مو كل الناس ظروفها سوا
كونت دراكولا اني اركب سيارة اروح فيها مدرسة او جامعة او شغل مو هدف سامي ؟؟

[الكونت دراكولا]

كونك تسوقي غير كونك تكوني راكبة

[ykm]

يأخت يوفي مره ثانيه الحل الي طرحتيه ماهو مقنع (يجيبون اجنبيات و يسوون مرور نسائي ) وين صارت هاذي .

عطيني لو سمحتي حل مقنع .

وبعدين السعوديات الكثيرات الي تقولين عنهم مايتغطون (مع أني ماني شايف شئ) ماهن متدينات يعني فاسقات وهذولي ما يصلحن لشئ فما بالك انهن يكونن شرطيات ?: ?: .

_وبعدين فيه سؤال لكي شخصيا وهو :
-لو قلتلك تسوقين مقابل انك تشيلين النقاب هل توافقين ?: ?: .

[Yuffie]

كوني راكبه سيارة او كوني اسوقها نفس الشي و كوني انا اللي اسوقها افضل و المكان اللي انا رايحتله واحد بس الفرق اني معتمدة على نفسي و مو محتاجة احد يوديني و يجيبني
ykm الحل اللي قلتلك اياه هو حلي و انا مقتنعة فيه و مو كل الفاتشات فاسقات يعني وحدة متحجبه هذه فاسقة يا كثر المتحجبات اللي اخلاقهم احسن بكثير من الف وحدة متغطيه انا ما اقول الكل طبعا لكن فيه ناس و ناس
ليش تقول مقابل لو يسمحون بالسواقة ما اظن ان هذا بيصير احد القوانين.....

[K']

بسم الله الرحمن الرحيم
بعد التحية و السلام
أولآ أحب أشكرك يا أخ(ykm) لأنك عجبتني للمرة الثانية...
ثانيآ يا أخت (Yuffie) الله يهديكي و إذا كان ركوبكي للسيارة زي سواقتها فعذا لسبب واحد هو إنه مافي أحد ماسكي عدل و إلا ما كنت كتبتي هذا الكلام و أكيد إنه الأخ (ykm) و الإخوة الباقين عرفوا كذا و أخذوكي على قد عقلك يا (Yuffie) بلاش تخدعي نفسك ..... طيب إنتي قاعدة تركبي الكفر حقك فالنفرض إنك كنتي بتروحي لدرة العروس و إنتي على يمين الشارع بالله بأمآنة أمك ماراح يوقفولك الشباب و كل واحد فيهم بيسوي فيها إنه شهم و من عيلة نبيلة بالله عليكي ما راح تثيرينوا وتفتحي شهوته هذا إذا ماإنفتحت شهوتكي قبله و تبدأ القصة برقم ثم ميعاد ثم تعارف ثم عزيمة عشاء في الشقة ثم ............؟؟؟
هذا إذا ما خطفكي قبل ما يركبلك الكفر حقك ساعتها تعالي ودافعي وتندمي على اللي كتبتيه..
معليش ياشباب ما قدرت أمسك((أصابعي)) من القهره ومن هذا التخلف فنطلقت أصابعي لتكتب ما كتبته وإعذروني .....
ملاحظة للأخت (Yuffie) روحي وخلي اللأخت العزيزة(سيلفي) تعلمك بعضآ من الفطنة والقليل من الذكاء والصدق مع النفس .....
ومعليش ياشباب للمرة الثانية....
والسلام..

[ykm]

مشكور يا أخ K' على الكلام الجميل .
وبعدين ياأخت يوفي القضيه هاذي طرحت لنقاش والنظر للحلول الموجوده يعني الي مقتنع يحاول يقنع الي ماأقتنع والعكس صحيح
ماهو مسأله انك مفتنعه خلاص حاولي تقنعين الطرف الاخر (وأظن هذا ماراح يصير بسبب ردودك الضعيفه) .

وبعدين بالنسبه لنقاب والسواقه مستحيل يجتمعن لان اذا أجتمعن
وش يثبت هويه السائقة مثلا نقول أن فيه واحد سرق ولا قتل لاسمح الله وهرب يمكن يستخدم لبس أمرأه ونقاب ويهج وشلون يمسكونه (أنفتح علينا باب سهل للهرب من الجريمه) معقوله الشرطة يوقفون كل أمرأه ويكشفون عن وجهها عشان يشوفون هي أمرأه ولا رجال.

ما قلتلك أن المسأله راح تفتح علينا أبواب أحنا في غنا عنها.

الله يخليكي يايوفي أبي رد مقنع ماهو زي المرات السابقه .?: ?:

[سيلفي2065]

الاخ K

اول شي ترى ماله داعي تقول انه يوفي محد ماسكها عدل....كلمه قويه وبصراحه انا ماارضى على يوفي...
ومااضن انها لما كتبت انها تبي تسوق معناتها محد ماسكها..اصلا كل البنات يبون يسوقون ومنهم انا...نعتبرهم مو متربيات؟ او محد ماسكهم؟
بس الفرق ان يوفي يمكن مااقتنعت بمخاطر سواقه المرأه....

وانا اعرف يوفي وادرى بها...بنت اخلاق وادب ماشالله عليها عسل...بس ماش راسها شوي يابس وانشالله بتقتنع....لاني كنت قبلها كذا الا ابي اسوق...بس الحين اقتنعت

[كلير3000]

على العموم شكراً يا الكونت دراكولا على كلامك ............ وهذا من ذوقك العالي ماشالله عليييييييييك هههههههههههههههههههههههههههه أوكي آسفه على ان النقاش معي نقاش عقيييم......... ويالييييت قبل كذا ماتغلط وتكون أنسان محترم وأنا ماراح أجبرك علي النقاش معي أو الرد على اي كلام لي

وشكراً الى كل الردود الرائعه والشباب المتفهم والخلوق موو الي يتهجم على بنات الناس ويقول محد ماسكهم وووووووو.............إلخ


اتمنى للكل الأستعداد الجيد للأمتحانات ويقدمون شي يرفع الراس ولا يشغلون نفسهم بمواضيع ماراح تنفعهم........?: ?:
ههههههههههه لازم أعلم نفسي أولا ههههههه

وشكراً للجميع...................

[K']

بسم الله الرحمن الرحيم
بعد التحية و السلام
أولآ أنا أعتذر على اللي قلته بس كنت أحب أعلق على الأخت يوفي يوم قالت (إنه مافي فرق إذا كانت هيا اللي راكبة السيارة وإلا سايقتها) وأنا أعتذر للمرة الثانية للأخت يوفي وكمان لكي إنت ياأخت سيلفي بس أنا قلت إني ماأقدر أمسك ((أصابعي)) وترى هذا كله (((((واللللللللللللله ثم والله))))) من غيرتي وخوفي وحرصي على بنات بلدي وأعتذر للمرة الثالثة لكن إن كنت قد جرحت شعوركن وأنا آسف و أعتذر للمرة الرابعة...
والسلام............

[K']

بسم الله الرحمن الرحيم
بعد التحية و السلام
للمرة الخامسة أنا أعتذر على اللي قلته وهو طلع زي ما قلت قبل كذا من غيرتي عليكم......
وبعدين أيتها الأخت العزيزة سيلفي رجاء ركزي على كلامي أنا قلت هذا لأن الأخت العزيزة يوفي ((((( المتربية واللي ماشاء الله تنقط عسل وأدب )))))
تكلمت عن الشرطة النسائية بكل برود وزي ما قال الأخ ytk إن ردها ما كان مقنع أبدآ على العموم (الإختلاف في الرأي لا يفسد للود قضية)
وأنا وأمام كل زوار هذا المنتدى أعتذر ((بكل ما تعنيه الكلمة )) للأخت ((يوفي)) وأنا آسف للمرة مدري كم للأخت يوفي و علشان كذا أنا كتبت في ردي و كررت كلمة معليش لأني عارف إني ما أقدر أمسك نفسي بس حكاية الشرطة النسائية وسواقة الحريم عصبتني و للمرة مدري كم مرة ثانية أعتذر يا أخت يوفي و إنشاء الله أكون في النقاشات التالية عنصر إيجابي مو متهجم زي ما قالت الأخت (كلير3000 ) و ترى أنا ما أقدر على زعلكم يالبنات والله إني ما أكذب ..
(( رجاء رودي علي ترى أنا ذحين قاعد أنحرق لأني حاس إني زعلت غيري و أبغى الرد أو حتى قبول هذا الإعتذا المتواضع مني , أبغى الأخت يوفي ترد عليه أو حتى تقبل إعتذاري زي ما ذكرت سابقا ))
والسلام....
?: ?: ?: ?: ?:

[Yuffie]

تسلمين والله يا سيلفي
اخ K انا داخلين منتدى نتناقش و نعبر عن ارائنا انك تقول الكلام اللي قلته عني تكون اهنتني من ناحيه شخصية و بنفس الوقت اهنت اهلي و طلعت عن الموضوع اللي كان يتكلم عن رايك بقيادة المرأة يااخ اكتب رايك مو لازم تقعد تسب بنات الناس انت تعرفني عشان تقولي ان ما عندي فطنه عمرك كلمتني تدري مين انا والا وش شخصيتي عشان تقول الكلام اللي قلته عني تقول ان ما عندي ذكاء والله صعب انك تبدي رايك بشخص انت حتى ما تعرفه لكن بما انك اعتذرت خلاص والله يسامحك.....

محد راضي يقتنع براي الثاني بهذا الموضوع كل له وجهه نظره و انا احترمها....

[الكونت دراكولا]

اخوي K'
كويس انك اعتذرت لأنه والله انا شفت كلامك فور لي دمي وقبل ما تفلت اسابعك اول شي فلتر ونقي الكلام اللي تقول له بالله هذا كلام ينقال على العموم ما ابغى اكبر المسألة انت اعتذرت وانتهينا على العموم كلامك فيه مسحة من الصحة



ykm
ما شاء الله عليك افكار خاصة ذي حقت المجرمين شكلك من معادي سواقة المرأة رقم 1 مثلي



سيلفي2065
الله يخلي تفكير كل البنات زيك ويبطلوا مسألة السواقة



كلير3000
والله مدري كلامك الحين هو تريقة ولا ايش




K'
احسن شي انك اعتذرت



Yuffie
بس اهم شي يا يوفي انك مو زعلانة الحين لأنك زي ما قلتي انه الود يخرب القضية او يخرب حاجة المهم فيه شي يخرب شي ويلا عشاني اتمنى ما تشيلي هم بقلبك وامسحيها بوجهي واذا لسة زعلانة فيصير لي مع بعض الشباب تصرف اخر بس اهم شي نكمل الموضوع بدون خلافات

[Yuffie]

لا وش دعوة ازعل بس اني انقهرت لانه طلع برا الموضوع و قعد يسب فيني عشان طريقة تفكيري بس مادامه اعتذر خلاص عادي ازعل و ارضى

[سيلفي2065]