تبى اسرار ؟شفرات؟على PS1 PS2 DC صور العاب مانزلت العاب قيد التطوير؟؟ اللي تباه

[Uncharted]

مرحبا وسهلا والله..
والله يطول عمرك بخصوص لعبة SMACK DOWEN3 انعرضت في معرض E3 تحت اسم WWF SmackDown! "Just Bring It" بتاريخ 10/5/2001 .
وتاريخ الاصدار بيكون في 7/7/2001 .
ويمكن قبل هذا التاريخ.
واللعبة لاربع لعيبة وتستخدم الانالوج ، وابشرك ان الشركة اللي سوت سماك داون1 و 2 هي نفسها بتسوي سماك داون3

وبخصوص الجيم شارك يامن سرتني حياته:
فيه نوعين ، النوع القديم ..
والنوع الجديد.
وأنصحك بالجديد لانه أقوى وأحسن .
وطريقة استخدامه الله يسلمك.
حط ديسك الشفرات (ديسك الجيم شارك)
واختار من القائمة الشفرات المخزنة للعبة اللي عندك(امريكي)
واختار الشفرات واظهر بعدين اختار اللعب مع الشفرات
.. اللحين في قائمة ابدء اللعبة ،، طلع الديسك وحط اللعبة اللي اخترت شفراتها... والله معاك...
واذا تبى الاستزاده حاااااااضر في أي وقت وفالك طيب ..
واسمحلي على القصور لاني ميت من النعاس
والسمووووووحة

[لارا بنت سعود]

كيف حالك؟؟؟
ابى صور ديفل ماكراي لو سمحت وكيف بتكون الابعاد؟؟ وطريقة اللعب؟؟
واسمحلي على الاطالة.

[Uncharted]

الابعاد 3 دي
والتحكم نفسه ماتغير يعني بالسيف والمسدسين في نفس الوقت.
نفس تحكم انيموشا ؟ وسلسلة ريزيدنت ايفل
اللعبة قمة في الروعة .
تاريخ الاصدار 15/نوفمبر/2001 وهذه صور عنها.

[Inter-Melin]

تسلم وما قصرت والله

[shadaa]

ابغى منك الله يخليك اسرار او شفرات للعبة براسيت ايف 2 النسخة اليابانية على ps1
وشكراً

[Uncharted]

العفو العفو انتر ميلان حق وواجب
وتفظل ياشدى الاسرار:
النسخة اليابانية:
براسايت ايف2 :
أقصى قوة طاقة(خاصة):
8007488C 03E7
8007488E 03E7


طاقة لانهائية:
8007488803E7
8007488A03E7

للحصول على 999 نقطة من معركة واحدة: (القوى الخاصة)
8011569803E7
80114E7803E7

وفيه شفرات اكثر والسموحة على الكمية القليلة وارجو ان تفي بالغرض في الوقت الحاضر..
وشكرا

[shadaa]

ممكن أخي تعبتك معاي لكن أريد الطريقة اللي نكتب فيها هذي الأرقام هل هي جهاز غير البلاي ستيشن الأول وإلا في نفس الجهاز ?: ?: ?: ?: ?: ?: ?:
ومشكور أخوي +)

[Uncharted]

اهلا وسهلا بلعكس عمري ماتعبت ولابتعب ان شاء الله ولاتاخذ هم ..
الطريقة الله يسلمك ويسلم غاليك:
اذا كان عندك جيم شارك موصل بـ البلاي ستيشن من ورى(يعني نوع البلاي ستيشن 7000 أو 5000 (البلاي ستيشن اللي يركب جيم شارك بفتحه من الخلف)
هذا طريقة تشغيل الشفرات عليه بسيطة جدا..
شغل السوني.
اختر نيو شييت(شفرة جديدة)
ادخل الشفرات اللي تريدها..
مثلا شفرات برسايت ايف 2 ..
في قائمة نيو تشييت نستخدم نيو شييت وليس ماستر كود
اول مربع نكتب اسم اللعبة
ثاني مربع اسم الشفرة .. مثال حياة لانهائية..
ثالث شي في مربع الارقام نكتب الشفرات بالترتيب :
نكتب...
8007488C 03E7
8007488E 03E7
وبعدين نخزن الشفرات قبل الخروج
وعند القائمة الرئيسية .. نختار ستارت جيم ويذ تشييت

اما اذا كان عندك بلاي ستيشن الصغيرة(PS1) :
عند القائمة الرئيسية نختار قائمة ادد شيت أو ادخال الاسرار الجديدة..
وندخل الشفرات بنفس الطريقة السابقة..

المهم اذا تبى الاستزاده في أي وقت لايردك الا لسانك
وسلمت..

[لارا بنت سعود]

وااااااااو حتى الياباني؟؟؟؟؟؟
زين ابى معلومات او صور عن لعبة سول كاليبور2 ؟؟؟
ممكن؟؟؟

[Uncharted]

هذه صور سول كاليبور 2 على الدريم كاست وليس اسوني 2 وذلك بسبب نزول اللعبة على الدريم كاست اولا :
من شركة نامكو العريقة..والتقدير عالي جدا...






والشركة حتى الان لم تنشر صور للسوني2 .
وسلام

[khaled magdy]

ممكن يا أخوي أسأل إن كانت الألعاب الحديثةمثل wwf smack down3 وغيرها ستنزل على البلايستيشن 1 أم أنه توقف إنتاجها على هذا الجهاز ؟
ولك جزيل الشكر على مساعدتك .

[Uncharted]

العفو العفو من الجميع...
وبمناسبة SMACK DOWEN3 مابتنزل على السوني 1 لان اللعبة بقوة 128 ومثل ماتعرف السوني 32 والجهاز مايستحمل قوة اللعبة
لذلك سوف تصدر على السوني 2
.. صيف 2001 لذلك اللعبة مخصصة للسوني 2 بس ابشرك ان الشركة اللي برمجت سماك داوون باجزائها برمجت سماك داوون3 وهي شركة يوكز التابعة لـ THQ .
والرسوم قمة في الروعة والتحكم والخلفيات والجمهور لدرجة كانك تشوف مصارعة صدقية.
والاخبار متابعها اول باول واي خبر فاااالك طيب.
وتسلم..
بس فيه ملحوظة:
ارقد وامن البلاي ستيشن 1 اعصار ومابيوقف..
وان شاء الله بنشر آخر التطورات قريب .

[لارا بنت سعود]

مشكوووووووووووووووووووووووور على الصور مرررررررررررررره حلوووووووووووووه .
بس انا عندي مشكلة في جيريلانس انا واصله في الغرفة الي فيهااربع قواعد وعندي اربع احجار ، القرد والثعبان والذيب والنسر كيف اركب الاحجار ؟؟ ماعرف الترتيب؟؟؟؟
وآسفه على تعبك معاااااااااي آآآسفه مررررررررررره

[Uncharted]

مرحبا لارا بعدين انتي دووم مختفيه ليش؟؟؟
على العموم تفضلي:
روحي عند مكان الاحجار وابدأي الترتيب من اليسار :
ثعبان نسر ذيب سبال(قرد)
وسلااام

[لارا بنت سعود]

وينك ياUncharted ؟؟؟
الفزعة انا واصلة وصلت عند البليارد ويش اسوي؟؟؟
وعندي الكرة رقم 3؟؟؟؟
الفزعة والله توهقت