كيف أضع توقيعي في المنتدى ( مساعدة )

**المحلل** · 07-08-2002, 02:55 AM

أهلا شباب كيف حالكم أنا منزمان ودي أحط توقيع ولا أعرف كيف أنا إي عرفة أسوية إني أضع صورة بس لكن إني أنا إلي أشتغل على الصورة بعدين أحطها ما عرفت فياريت واحدمن الخبراء في الفوتشوب يعطيني اشوي من الخبرة إلي عندة

أخوكم// المحـــلل

**Gladieator** · 07-08-2002, 05:48 AM

هلا أخوي المحلل ...

المشكلة مو من الفوتوشوب وانا اخوك , المشكلة من الصورة نفسها أو من السيرفر اللي أنت تستخدمه لتنزيل ملفاتك وصورك على النت ....

أنا ماأعرف المشكلة بالتفصيل , لكن راح أعطيك الطريقة الأكيدة لوضع الصورة في التوقيع ....

بسم الله الرحمن الرحيـــــم ...

1- أول شي لازم تكون مسجل بأحد المواقع اللي توفر لك مساحة على النت تنزل فيها ملفاتك .

2- أنا بصراحه أنصحك بموقع freeserver.com هو حلو وعملي , لكنهة باللغة الإنجليزية , إذا تبي بالعربي عندك موقع جيران , حلو وسهل للغاية , وهذا عنوانه www.jeeran.com

3- بعد ماتنزل توقيعك على النت , إفتح الصفحة اللي فيها التوقيع , وإضغط بالزر الأيمن على التوقيع ( على الصورة نفسها ) .

4- بعد ماتضغط إختار آخر أمر موجود بالقائمة وهو أمر خصائص أو Properties .

5- روح لعند ثالث سطر , وهو العنوان الخاص بالصورة , وإنسخة , سوي له Copy .

6- طيب , الحين روح للمنتدى , وروح وكأنك بتكتب موضوع جديد .

7- في الصفحة الخاصة بكتابة الموضوع , إضغط على الزر IMG , موجود مع الأزرار اللي فوق .

8- بعد ماتضغط عليه ألصق عنوان الصورة اللي نسخته في المكان الخاص بالكتابة , وبعدها إضغط موافق أو OK .

9- بعد ماتضغط موافق راح تلاحظ إن العنوان صار موجود في صندوق الكتابة على هيئة كود مسبوق ومنهي بالرمز IMG .

10- إنسخ الكود هذا وروح لعند ملفك الشخصي .

11- من قائمة الملف الشخصي إختار الأمر (( تعديل الهوية )) أو تعديل الملف الشخصي .

12- الحين راح تلاحظ وجود مكان أو صندوق صغير لكتابة التوقيع الخاص فيك , ألصق الكود اللي نسخته قبل شوي داخل هالصندوق الصغير .

13- إضغط على حفظ التغييرات .

14- مبروك

... الحين صار توقيعك جاهز بإذن الله تعالى .

.................

أتمنى إني أفدتك أخوي ..... وأي إستفسار لايردك إلا لسانك ....لاتستحي

تحياتي ....

.......

**المحلل** · 08-08-2002, 12:01 AM

مشكور وما قصرت ومقدر جهودك لكن للأسف انا عارف كل هاذي الشلات والصورة مو راضية تطلع وأنا دخلت الصور على النت بواسطتة ومقع أين عندي إيميل هناك ولو تلاحظ تشوف الصورة موجدة في توقيعي لكن ما تطلع موضوع عليها X بالأحمر مو بس انا في أعضاء غيري أشوف تواقيعهم محطوط عليهم إكس مثلي فما أدري على الخلل في التوقيع ام في الكمبيوتر ؟؟؟ ام المنتدى ؟؟؟؟ وانا بصراحة ما أبغى موقع www.arab3.com لأنة يخرب التوقيع يحط شريطة لموقعة ( دعاية ) وأنا رحت للموقع وبغيت أنزل الورة ولا قدرت حتى من هذا الموقع قالي الصورة كبيرة جدا ؟؟؟؟

أرجوكم عطوني الحل مليت مليت

ليش التوقيع ما يطلع ليش ليش ليش :" :" :" :"

**C.Falcon** · 08-08-2002, 12:40 AM

اضغط هنا

**المحلل** · 08-08-2002, 04:00 AM

أنا قريت موضوعك قبل يومين لكن ما فاد شي الطريقة الأولى أعرفها من زمان والثانية مادري من يون انت اتجيب الخيارات انت تقول روح لـ ماي كمبيوتر بعدين روح فيو مادري بعدين روح لأبشن فولدر أنا هذا الإختيار أبوشن فولدر ما حصلتة وين مافي أصلا أرجوك وضح أكثر وإن شاء الله يستوي توقيعي

**المحلل** · 08-08-2002, 04:42 AM

عرفت الغلط إلي انت خطأتة وهو انت من المفروض إنك تقول في البداية أول شي روح ماي كمبيوتر بعدين مو نروح فيو المفروض نروح توولز بعدين فولدر أبوشن هذا أهو الغلط إلي طحت فيه انت

لكن أنا سويت هاذي

الطريقة وما في فايدة شوفة عينك التوقيع بعدة أنا طريقتك لزين آخر فقرة وهي إن أشيل علامة الصح لهنا أنا سويت اما الباقي أنا ما عرفتة يعني إلي ما عرفتة هو كيف أروح للصورة وأشيل gif (( ما أعرف )) لكن تغيير الاسم أعرفة أصلا أنا امسوي الصورة بالفوتوشب يعني كتبت اسمي بهذا البرنامج لكن من بعد ما حفظتها كأنها ليست صورة أنا مشترك في موقع أين ونزلت الصورة ضغط عليها ما تطلع ما أدري ليش لكن انا ما يأست

خذيت الليلنك إلي تبع الصورة إلي مكتوب في مكان المواقع ( السطر الأبيض ) ووديتة في هذا المنتدى والطريقة إلي سوتيها صحيحة ومتأكد منها لكن مرة ثانية أقولك أنا ما أعرف كيف أحذف امتداد الصورة على فكرة أنا إذا رحت للصورة ما تفتح الصورة يعني ما تظهر لي إهي بس يطلع لي البرنامج بكبرة ( فوتوشب ) وشاكر لك على هذا الاهتمام

أخوكم المتورط // المحــــ?: ـــــلل

أنا راح أحط الصورة ( برفقها )
____________________________________________________________________________________________________ ____هذا إلي كنت مجهزة قبل لا أعرف الطريقة لكن قبل لا أرسل هذا الرد غيرت اسم الصورة وصار إلي قلت لي عليه بالحرف لكن إلي ما ضبط معاي أهو لما نقلت الصور على النت يعني في الصفحة الشخصية ( أين ) ضغط على الصورة جاب لي نافذة صغيرة يقولي تبغى تسيف ولا تفتح بس المهم انا قلت أفتح ما طلع شي على العموم أرجع وأقول مرة ثانية ( برفق الصورة )مع الرد

**C.Falcon** · 08-08-2002, 04:05 PM

يا ابن الحلال
انت عندك غلط في التصميم
انت ما حفظت نسخة من التصميم
save copy as..
لا زم تحفظه على هيئة
gif أو jpg
الحين حمل الملف اللي أرفقته لك
و روح حطه في صفحتك الشخصية
وانسخ العنوان و شوف النتيجة ...

**C.Falcon** · 08-08-2002, 04:06 PM

هذا هو الملف

**المحلل** · 09-08-2002, 12:18 AM

يا ابن الحلال

هدي أعضابك اشفيك زين زين كليتني بثيابي

لا زم تحفظه على هيئة

كيف ما أعرف

على العموم مشكور وما قصرت وإن شاء الله هاذي المساعدة تكتب من ضمن أعمالك الحسنة يارب

وإن شاء الله تشوف توقيعي الليلة

**C.Falcon** · 09-08-2002, 12:53 AM

لااااا انا ما عصبت

بالنسبة للحفظ ... افتح الفوتوشوب
افتح التصميم و من قائمة
FILE>SAVE COPY AS ..
اختار jpg ..........
وبس ............
انا حفظت لك التصميم
على هيئة jpg و أرفقته
فوق ................

أنا في إتظارك

**المحلل** · 09-08-2002, 02:28 AM

مشكور أخوي على مساعدتك السريعة لي بس ياريت لو تقولي الطريقة بالعربي لأن الفوتشوب إلي عندي عربي والظاهر انا لازم أغير هذا التوقيع لأن الشباب يقولون خليع

زين أخوي إذا سويت إلي قلت عليه إني أحفظ نسخة على هيئة gif من بعد ما أسوي كذا لازم أسوي الطريقة إلي انت كاتبها بعد ولا ما يتحاج لأن بيطلع علطول ودائما؟؟؟؟

أنا انتظر إجابتك

يلي مو معصب

**C.Falcon** · 09-08-2002, 12:23 PM

و الله انا حقي إنجليزي ... وما شفت العربي قبل ...

بس لو حبيت أترجم لك الخطوة ما عندي مانع

من قائمة ملف اختر حفظ نسخة ...
و اختار من الخيارات JPG

بعد ما تسوي النسخة ... روح عليها و اعمل إعادة تسمية
مثال : hh.jpg
احذف الامتداد يصير كذا hh فقط

و بعد كذا روح على صفحتك و حمل التصميم
و انسخ العنوان و كمل الخطوات

**المحلل** · 09-08-2002, 05:52 PM

مشكور على ردك ومساعدتك لي لزين ما طلعت لي التوقيع وأنا شاكر لك جميلك لكن عندي سؤال أخير أنا عرفت كيف أسوي حفظ نسخة لكن من وين أقدر أغير أخلية gif أو jpg ????؟؟؟؟
انت فصدك من الفراغ إلي موجود تحت الاسم ( أقصد إذا سويت نسخة مو يجيبون لك ويش تبغى تسمي العمل ) انت قصدك الفراغ إلي تحت التسمية أقدر أغير منة الهيئة ؟؟؟؟

وشاكر لك جميلك

أخوكم / المحـــلل

**C.Falcon** · 09-08-2002, 11:32 PM

إيه تغير النوع من الفراغ اللي أسفل فراغ الاسم
إذا عندك أي استفسار ... عن التوقيع أو الكود
خليه على الماسنجر أحسن ........................
ضيفني و راح أفهمك كل شي .....................

**the___king** · 10-08-2002, 01:13 AM

تفضل هذا الموضوع أخوي أنشاء الله يساعدك

أنا كنت مثلك وهذا الموقع حل المشكلة

هنا

الموضوع: كيف أضع توقيعي في المنتدى ( مساعدة )

أدوات الموضوع

كيف أضع توقيعي في المنتدى ( مساعدة )

ضوابط المشاركة