يا جماعه الخير....عندي مشكله جابتني الصمرقع..وحتاج المساعده

**nashme** · 02-09-2002, 07:42 AM

كيف الحال يا شباب الخير و الفزعه.....

يا جماعه الخير انا عندي مشكله جابتني الصمرقع....والمشلكه وما فيها انا عندي بلاي ستيشن 2 نظام ntc وخربت العدسه عندي ماتشغل العاب DVD والعاب الكوبي على خفيف يعني بلموت..والكوبي الي عندي عن طريق القيم شارك...المشكله ان العدسه خربت...ووديته إلى محل النسر الي في الخبر...وقال خلاص حنا بنوديها إلى الرياض فرعهم الي هناك..ونركب عدسه جديده...بعدها باسبوع تقريباً وصل كمبيوتري إلى الخبر...ودفعتله 400 ريال سعر تركيب العدسه الجديده...المهم بعد ما خذيتها بيومين نزل انوميشا 2 امس عندنا في الخبر...ورحت على طول شريتها اصلي...بعد ماشغلته اشتغل زي الحلاوه من بدايه وبعدين جات القائمه الرئيسه للعبه..وضغطت new game ...وحصل الي ما توقعته الصراحه..ان العرض القوي الي في بدايه العبه زبده العبه...صار يقطع بشكل فضيع...ليش والله ماعندي فكره...الي الصراحه فكي عقلي بعد ما اوقف الكمبيوتر بشكل عمودي توقف الصوره وبعد مانزل الكمبيوتر..يبدا يقطع الصوره.. وجربت العاب الثانيه مثل فاينل فنتاسي 10 العروض الي في العبه ونفس المشكله تقطع..والله يا جماعه الخير الصراحه حسيت بضيقه صدر وضاق خلقي بشكل ما تصور

.....الي احتاجه منكم الله لا يهينكم ان تعطوني المشكله والحل لهذا الموضوع...والمشكله ان المحل يقول ما عليه ضمان يعني تاكلها تاكلها....بس انا اليوم بروحلهم ياقاتل يا مقتول...:غضب:

انتضر منكم الحل....وردكم الكريم....وتحياتي لكم

اخوكم.............نشمي

**ستيف بورنسايد** · 02-09-2002, 07:46 AM

لازم تصير قاتل 400ريال مو على الفاضي

وعرض اونينيشا2 من اقوى عروض الموجودة على كل العاب البلاي ستيشن2

**Jeremiah** · 02-09-2002, 07:54 AM

قد تكون المشكله من العدسه بما انك جربت عليها شريطين والعرض يقطع لكن انا عندي انيموشا 2 وفي بعض العروض يقطع مع ان العدسه ماشيه تمام في اللعاب التانيه ولكن خذ جهازك وجهاز احد اصدقاءك ورح لي المحل وجرب الشرطين في كل الجهازين وقله جهازي ماتشتغل عليه العروض وانا مركب عدسه جديده وخلهم ينضرون لي المشكله .

**البارون الأزرق** · 02-09-2002, 09:43 AM

يا خوي إنتبه لا يكونوا قاعدين يخبصون في العدسة زي ما حصل لي في محلات جيم ماستر...............

خليتهم يبدلون عدسة جديدة و يرجعون 50 ريال..............

أدخل في عينهم..........و لا تتركهم ألين لما يعرفوا يصلحوه........

ترى بعضهم يتفلسفون........

الله يقويك.

**tis tis** · 02-09-2002, 10:44 AM

شوف ممكن يكون الخراب من الport لانه صديقي نفس الشي حصله وربنا اعطاه حظ واتبدل البورت تبعه ....يعني لو كان من البورت الله يعينك!

**nashme** · 02-09-2002, 01:15 PM

الله لا يهينكم على ردودكم الطيبه....وكثر الله من امثالكم....

وانا اليوم وديت الكمبيوتر....وشاف المشكله وقال بنشوف المشكله وبنرسلها للرياض مره ثانيه علشان على ما اعتقد بغيرون العدسه..وانا متوقع ان ما ثبتوا العدسه في مكانها الصحيح..علشان كذا اذا وقفت الكمبيوتر عمودي تتوفق الصوره.. واذا نزلته على الارض تبدا الصوره في التحرك والتوفق...والله يكتب فيه الخير

ومره ثانيه الله يجزاكم خير....وما قصرتم

تحياتي لكم.............اخوك نشمي

**tis tis** · 04-09-2002, 10:27 AM

العفو اخوي انت تأمر بس

الموضوع: يا جماعه الخير....عندي مشكله جابتني الصمرقع..وحتاج المساعده

أدوات الموضوع

يا جماعه الخير....عندي مشكله جابتني الصمرقع..وحتاج المساعده

ضوابط المشاركة