عذاب يانااااااااااااااااااس
قبل ثلاث ايام...فاجأتني حوبتي بقرار اخذ موعد مع طبيب الأسنان...انا مااهتميت لأني كنت نص نايم..ونسيت السالفه بعدها...
اليوم الساعه 4 الفجر...تذكرت! وجاني الغم والحزن....وانتظرت لين ماجا وقت الموعد...وداني اخوي للمستشفى ... قعدت في الإنتظار شوي وانا اشم ريحه الأدويه القاتله:"...رحنا للدور الي فيه قسم الأسنان...ومن ذيك اللحظه شميت ريحه الأسنان...بغى يغمى علي طبعا:6
بالموت مشيت وانا اسمع الغرف والتحفير والريحه...لين ماوصلت للدكتور...وقفت عند الباب وتثاقلت وقررت في روحي ماادخل..لكن نظره من حوب عدلت كل تفكيري:6
دخلت على الحلو وهو يخز فيني..وانا اكن له الحقد من اول مادخلت...
قعدت على الكرسي وظبطت اموري معاه...
حلف علي اني اقعد على الكرسي ------>غصب
بعد ماقعدت القيك نظره على عده التعذيب الي عنده وبدأ الخوف يتسلل داخلي...
جا جنبي والممرضه على اليسار ومعاها ورقه...راح فتح خشتي وقام يشوفهم حبه حبه...
اشوفه قام يعدهم بأرقام ينادي عليها والممرضه تكتب...
خلص من فمي بعد ماعد كثير..وراح قعد على المكتب حقه وقال لمرتي بكل وقاحه وبجاحه...في 12 ظرس تسوس+لثه ملتهبه+لازم نسوي تنظيف جير...
وكانت هذه بمثابه الصاقعه لحوب...
قعدت اول شي كذا:!
بعدين كذا:غضب:
وقالت...شطوووووووور عبوووووود لالا ورا ماخليتهم كلهم عشان تخليها رقم قياسي؟
وانا محرج والممرضه تضحك والطبيب يصارخ لاااااازم انتا فرش سنون
راح جلس جنبي..وقال الحين بسوي تنظيف من الجير ب 200 ريال
قلت مايخالف مادام اخوي بيدفع----->حطها فيه:6
اشوفه جهز عدته وسننها...
جت الممرضه وجابت شي يقول قششششش (مب فش:6 )
وفقت خشتي ودخلتها وجاب الدكتور شي يحكك فيه...
طلعت اصوات تعور اكثر من الألم...
بعدين بدا الشغل....
مب لازم اشرح لكم اللحظات الحرجه...الرذاذ يطير في كل جهه وغبار ونور قوي قدامك وطبيب وحشي وممرضه حسناء---->وش دخلها:6 ؟
وهو متحمس...
بس يابن الحلال بتمضمض..
قلت عوع عوع (بشوش يعي:6 ) لكنه لم يعرني اهتمام وقال تو الناس "حبيبي" ولازم تفرش لأن اسنانك تطيح وتخرب (سياره هي:6 ؟)
وانا اتوسل يوقف شوي بتمضمض وهو يحك:"
بعدين تمضمت للمره الأولى وطلع دم يكفي الصومال كلها...
جابت لي الممرضه شي ازرق تقول هذا دوا عشان السنون بس انا ماصدقت وكبيته..قلت وراكم جايبين منظف قزاز:6 ؟
المهم والدكتور يكمل الشغل وانا اتذكر الأشياء الجميله في حياتي..لكني ماقدرت:!
اختفت كل الأشياء الجميله وكل ماغمضت افكر يطلع لي شي شين
مثلا الحلم الي يزهق...كل مااغمض افكر فيه وزهق وملل في ها الكابوس السخيف...
ولا افكر اني اطيح من الدرج واتفشل وانا معاي سن توب ()
قامت تتنافظ رجولي وهو يحك وانا امسكها بيديني لحد يشوفني يقول ذا فيه صرع ولاشي...
عاد المهم خلص بعد عذاب دام ساعه إلا ربع وخرجت منها حيا...حسيت لأول مره من ست سنين انه عندي سنون":"
بس حجرت لست مواعيد معاه كل موعد سنين حشو:!
المهم بعد ماطلعت حمدت الله على السلامه طبعا":"
ومشيت متفاخرا بسنوني... ولايزال العذاب مستمرا بكره وبعده وبعده وبعده وبعده وبعده:"
...اخوكم عبادي..
:6 
