الجامعه .... يا حوبي :p

**RPG_master** · 14-09-2002, 09:50 PM

يوووه وانا كاشخ بالجامعه توني ادري انها بطحى الا شوي:":

اقول ياسر عندكم مكان فاضي بالكلية:#

طيب موقف:# ؟

والله حاله..اول شي نشب لي خرباج يقومني من النوم ااااه تذكرت ايام الثانوي وذرفت الدمع:"

وقمت من النوم وعطيت مريم الشماغ علشان تكوي المرزام بس

يوم خذيته منها ووصلت الجامعه اكتشفت انها كوت كل شي الا المرزام:"

قسم بالله ما اكذب:"

ويالله لقينا موقف ونزلنا بذا البطحى(يا زين اسيابك يا ثانويتي:" )

اخذت الجدول بسرعه لكن المشكله زحمه بزيادة..

الجدول خمسطعشر ساعه":"

وتنظيمة فيه شوي غباء بس مش حالك:6

... انا لو عندي شعر زي كنفارو ولا مستوفوي والله ما عاد البس شماغ طول حياتي

اسلفك شعري:# >>واثق

لكن after all

مافيه قومة الصبح الساعه 7 مدري سته ونص وحاااله اوصل اخواني

يا حوبي يالبطحاء":"

اقصد الجامعه:":

**Pepsi Kun** · 14-09-2002, 09:59 PM

اها جامعتي الافخم :6

**احمـ 9000 ـد** · 14-09-2002, 10:18 PM

جاييك يالجامعة جايك
:6 ":"

اخخ عمري ثمنطعش وللحين بالثانوي(ثالث ثاناوي)

**Pepsi Kun** · 14-09-2002, 10:22 PM

الرسالة الأصلية كتبت بواسطة احمـ 9000 ـد
جاييك يالجامعة جايك
:6 ":"

اخخ عمري ثمنطعش وللحين بالثانوي(ثالث ثاناوي)

عاد انت عادي بس الي انا 14 ولسا مادخلت الثانوي قهر والله قهر :6

**باباسنفور** · 14-09-2002, 11:36 PM

وش ذا الجامعه ماغير مزلب

قمت الساعه 11 واطير للجامعه ..

واروح بعد تضييع وحوسه

مالقيت موقف وادخل للموقف الاضافي ..

عالم
بااااال كل هذولا دوافير:غضب:

جايين اول يوم..

وان على بالي بلحالي

لا والمشكله وع ريحة الجامعه كانها صيدليه ..:0)

والقاعات اول مادخلت رحت لكرسي عجبني وكتبت عليه اسمي وذكريات وحركتات":"

<... عايش على ذكرى المدرسه

عموما لنا عوده

**عماد 18** · 15-09-2002, 12:56 AM

الرسالة الأصلية كتبت بواسطة alex

وشو الي شماغ اكشخ ... انا لو عندي شعر زي كنفارو ولا مستوفوي والله ما عاد البس شماغ طول حياتي

يا شين الحسودين ":" ..
عاد تصدق ان جامعة الملك في بريدة الاوبزت لجامعتكم :6 ..
هناك اللي ما يلبش شماغ حتى المشرف ما يعبره :! ..
مرة جيت باخذ مكافئاتي قالوا لي رح البس شماغ ثم تعال تكلم ..
هو بغى يقول تعال تكلم مثل الرجاجيل ..
لكني قلت له قبل لو الرجولة تنقاس بلبس الشمغ كان صار ياسر عرفات ارجل واحد في العالم -اتحداكم تطلعون له صورة بدون شماغه الشبابي :6- ..
بس يا زين مواقفهم ..
لو يجي شعب الصين كله شرط ان يلقون مواقف ..
بس المشكلة انها بعيدة عن المبنى !!
ما زان جسمي الا لما سجلت في هالجامعة :6 ..

**D0WN~T0WN** · 15-09-2002, 02:13 AM

اقول وش اقل نسبة اجيبها بالثانوي عشان انقبل بالجامعة؟ لاني شكلي باجيب العيد مع شهادة التقدير

**•Katana•** · 15-09-2002, 02:43 AM

الا على سالفة الجامعة متى موع يعطونا المكافئة

بس تصدقون ازي شي في جدوال الجامعة ان الدوام يبداء 1 الظهر

**Lena** · 15-09-2002, 02:54 AM

الرسالة الأصلية كتبت بواسطة عماد 18

لكني قلت له قبل لو الرجولة تنقاس بلبس الشمغ كان صار ياسر عرفات ارجل واحد في العالم -اتحداكم تطلعون له صورة بدون شماغه الشبابي :6- ..

[/FONT][/SIZE]

خخخخخخخخخخخخخ
هذا هو الرد الي قلته لراعي البقاله صح

يوم عيى عليك تدخل الا بشماغ

اما عني لا اقدر ان اقول يا حووووووووبي للجامعه لاني ما رحت اليوم ونمت احلى نومه وناويه اسويها بكرى:6

**Arsene Lupin** · 15-09-2002, 03:04 AM

بس بعد سنتين انتم بتصيرون 25 ساعه وحنا اقل منكم

تصحيح... 42 ساعه :6

اتكلم من جد... الله يعينك اليكس :":

بس نصيحه للي بيظبط جدوله... خل موادك تبدا بدري عشان تخلص بدري... يعني من 9 او 10 و تخلص 1 او 2 يوميا... يمديك تنام في الليل و ترجع بدري بعد الدوام

.... اسألوا مجرب :6

وبالتوفيق للجميع

**عماد 18** · 15-09-2002, 03:07 AM

لينوه !!
خليتي سوبرماركت العثيم ببلكه و اسمنته بقالة ؟!
لو يسمعك العثيم ان يسكر و يفتح بسطة :6 ..
لا ما قلت له كذا انا ما استعمل ردودي مرتين تصير مستهلكة بعدين ":" ..

**Lena** · 15-09-2002, 03:19 AM

خليتي سوبرماركت العثيم ببلكه و اسمنته بقالة ؟!

امممممممممم باي لغه تتكلم?:

يا عيني عالاستهلاك :6 اجل على كذا انا ردودي مقطع ومتنتفه من كثر ما ارددها واستعملها

(اتخيل شكلك بالشماغ زي الي رسمته:6 )

بس بجد ليه اهل بريده كذا والله يحروني:غضب:
(لايكون انت منهم بس واله فشله:": وتراني تقريبا منهم

)

**عماد 18** · 15-09-2002, 03:31 AM

الحين مو مثلا يقولون فلان بشحمه و لحمه ؟!
انا استعرت هالجملة استعارة مجازية ":" ..
و انا فيني عرق قصيمي ..
بس مو كلهم كذا فلا تحكمين عليهم من واحد و الا اثنين

..

**Lena** · 15-09-2002, 03:44 AM

ههههههههههههههههههه

ايه الحين فهمت(بعد ما فصفصت جملتك عشرين مره:": بلكه واسمنه اجل هاه:6 ) طيب مو بقاله سوبررررررررررر مااااااااااااركت زين الحين

انا كلي عرق قصيمي

بس ما اكره اهل القصيم اكره طبايع بعض اهلها مثلا التشدد الزايد يعني ليه لازم شماغ؟؟?: بس هذا الي يقهرني يهتمون بصغائر الامور وبس

وعشان ما يزعل اليكس تراني اسفه اذا كنت خربت موضوعك

بس ودي اسال من غير اليكس مسجل طب؟؟؟

**عماد 18** · 15-09-2002, 03:52 AM

كل بلد و لها تقاليد ..
هو يمكن يبي يصرفني عشان الزحمة و طبعا هم متشددين من ناحية ان كل شي للعائلات ..
بس ترى هذا ثاني موقف يصير لي معهم !!

الرسالة الأصلية كتبت بواسطة Lena

وعشان ما يزعل اليكس تراني اسفه اذا كنت خربت موضوعك
بس ودي اسال من غير اليكس مسجل طب؟؟؟

Dont look at me ?:

الموضوع: الجامعه .... يا حوبي :p

أدوات الموضوع

ضوابط المشاركة