بعض أسرار Animal Crossing لا تفوتك ...
السلام عليكم ...
كيف حالكم شباب ...
إن شاء الله تمام ..
المهم ندخل في صلب الموضوع ..
في أسرار حصلتها في بعض المواقع وبأكتب لكم بعضها ...
1-كيف تزرع شجرة تكون ثمارها فلوس ..:!
الطريقة سهلة ...
و انت تمشي في المدينة حقتك أحياناً بتحصل منطقة تولع في الأرض ..
و إذا حفرتها يطلع لك فلوس ..
هذي الفلوس لا تاخذها .. إدفنها مرة ثانية ..
و بيسير مكانها شجرة .. إستنى إلين تكبر الشجرة و بعدين بتثمر فلوس ..
2- كيف تطلع فلوس من الأحجار ..
لازم تمر على كل حجرة في المدينة و معاك المجرفة ..
و تضرب كل حجرة ..
وحدة من الأحجار اللي تضربهم بتسير حمرا ..
إستمر في ضرب الحجرة هذي عشان تطلع لك فلوس أكثر ..
في كل مرة تضرب تطلع لك فلوس .. عشان كذا خلك سريع و انت تضرب لأنها بترجع حجرة عادية بعد عدة ضربات ...
و بس هذا اللي حصلته إلى الآن ..
و إذا حصلت أشياء أكثر بحطها هنا إن شاء الله ... :0)
