FF7 : Official Arabian Walkthrough !

[Akasuna No Sasori]

موضوع جيد<<< تحس من جد ماعنده احساس




لا عن جد موضوع كووووووووول اخوي سيد ابداعت فيه



الله يقويك عليه




بس عندي مرحظه الا هي انك ملخبط في اخر رد كتبه الا هو حق (استخدام الماتيريا مع السلاح ) محطي صوره (شاشة التحكم )

ياليت تعطيها واحد من المراقبين ( BOY ولا Angel ) يحرر ردك ويحط الصوره الاصليه

ملاحظه للفايده فقط

[Neo Cid]

Dark Zero :

والله فكرتك أخوي حلوة .. و انا فكرت فيها من مدة .. لكن لو أكتب الماتيريا كريستالات أحسن أنها كلمة طويلة .. و ماتيريا كلمة بسيطة .. كريستالة .. لكني راح أشوف .. يمكن أقولها .. ... اما أن كل شي عربي .. صعبة هذي .. مثلا إذا فيه أداوت ما يفهمونها الأعضاء إذا بأسمها الانجليزي .. و جذي .. فيه وايد أشياء صعب أن نقولها بالعربي .. لو نبي نتكلم عن عن وحوش الويبون .. شنقول ؟ .. أسلحة ؟ .. مشكلة والله .. بس ان شاء الله أنا بحاول قدر ما اقدر اني أخلي الموضوع يكون عربي للأمة العربية .. ":"

و شكرا على نصيحتك أخوي ..

FOX DIE :

يا هلاااااا فيك خيو فوكسي ..

الحمد لله أن الموضوع عجبك .. و مشكور على ملاحظتك .. :": لأني أول ما كتبت الموضوع سيدى قطعت النت و رحت ادرس .. و الحمد لله أنك لاحظتها ..

و تفضلوا وصلة الصورة .. http://members.lycos.co.uk/neocid/FF7a/a03.jpg

و أتمنى أن أحد المراقبين يبدل الصور ..

سلام !..

[squall 911]

مشكووووووووووووووووووووووووووووووووووووووووووور على الحل الكامل ;-)

واذا تحتاج مساعدة ما عندي مانع ;-)

[Neo Cid]

الرسالة الأصلية كتبت بواسطة squall 911
مشكووووووووووووووووووووووووووووووووووووووووووور على الحل الكامل ;-)

واذا تحتاج مساعدة ما عندي مانع ;-)

أن شاء الله خيو .. و العفو ..

إذا أبي أي شي .. أكلمك على المسنجر .. و مشكور على تقديمك للمساعدة ! ..

سلام .

[Flanteus]

مشكور على التتمة ...والى الأمام يا سيدوه
ملاحظة:...
في قائمة الميتيريا ما بينت للأعضاء الكرام كيفية تبديلها من شخص لأخر
يعني تجيك قائمة بالشخصيات وأمام كل شخصية البللورات التي عندها ....انشاء الله تكون عرفت قصدي:": ...
ملاحظة 2:
لاتتأخر عن الموضوع بعد الإختبارات ...وكمل الموضوع حتى اذا محد رد
وشكرا لك...............................................والى (سيدا):6

[Flanteus]

ملاحظة : ثانية
لا تبدأ بالحل حتى تتأكد انك شرحت جميع القوائم باللعبة ...من أولها لآخرها

وهذا كله والله ...عشان أبغى يكون هذا الحل أحسن حل;-)
جلدي جلدي..:6 ....سيدا:6

[Neo Cid]

flanteus :

ههههههههههههههههههههههه

صح كلامك خيو فلانيوس .. .. المفروض أشرح للأعضاء طريقة تبديل الماتيريا بين الشخصيات ... مشكور على تنبيهم لي بهذي النقطة .. .. وان شاء الله بالطريج تكلمة الماتيريا و كلام شوي طويل عن الأسلحة .. ":" ..

بس إذا تبيني أشرح كل شي باللعبة .. راح تكون صعبة .. بس أنا بحاول إن شاء الله ..

ملاحظة : أمس خلصت امتحان الرياضيات .. و الحمد لله ... كل شي تمام .. و باجر عندي عربي .. ادعوا لي يا شباب بالتوفيق ..

و قريبا ان شاء الله .. تكلمة القوائم .. على حسب طلب خيو فلانيوس .. ":"

سلام ..

[Neo Cid]

اعذروني على التأخر بتكملة الموضوع .. لكني الحين بحالة امتحانية .. و قلت أكمل بينما أدرس .. شنو وراي ..

و إليكم التكملة عن .. كيفية تركيب الأسلحة .. و ركزوا ياللي ما لعبتوا فف7 .. لأن نظام الأسلحة هني شوية مختلف ..

Equipments تجهيزات :



1- هذا يأشر على السلاح اللي انا مركبة الحين .. و إذا ناوي أغير السلاح أ

ضغط على اسم السلاح و راح تطلع لي لستة الأسلحة اللي عندي ياها .. و الخاصة بالشخصية هذي .. و ما يصير الشخصية الأولى مثلا تاخذ سلاح الشخصية الثانية .. لأن كل شخصية لها نوع خاص و محدد من الأسلحة .. و الطريقة هذي أكثرنا علما أعتقد يعرفها ..

2- يشير هذا إلى الدرع Arm .. و هذا الدرع نفس السلاح . إذا تبي تغيره اضغط عليه و راح تطلع لك لستة بكل الدروع اللي حصلتها باللعبة و الموجودة عندك .. و الاختلاف بالدروع مع الأسلحة أن الدرع تقدر تعطية لأكثر من شخصية واحد ( لازم يكون عندك منه كمية ) .. و تقدر كل الشخصيات استخدام كل الدروع بلا مشاكل .. و ما فيه درع مخصص لشخصية محددة.. إلا نادرا ...

3- و هذا الله يسلمكم أهو الاكسسوارات Acc .. و هذي الاكسسوارات معروفة بكل اجزاء فف أن دورها مو كبير كثر الدرع و السلاح .. و هي أشياء غير اساسية ... تقدر تستغني عنها الشخصية .. و الاكسسوارات ممكن تكون خواتم أو احذية أو قبعات أو ...... إلخ .. ، .. و كل اكسسوارة لها فائدة محددة .. و الاكسسوارات ما تقدر تحمل فيها ماتيريا مثل السلاح و الدرع ..

4- يشير هذا القسم إلى نظام السلاح اللي عندي ... و قدرته على حمل الماتيريا ..و الكمية المناسبة .. و الرابطة الموجودة بين الماتيريات .. و بعد تقدر من خلالة تعرف قوة السلاح ...

5- يرمز هذا الرقم إلى النمو اللي راح يأثر في السلاح أو الدرع على الماتيريا .. مثلا .. بالمثال اللي جدامنا .. أن معامل النمو هو Double .. أو دبل أو الضعف .. و بتفصيل .. أنك لو حطيت ماتيريات بهذا السلاح .. الماتيريا راح تتطور أسرع بهذا السلاح عن السلاح اللي يكون معامل التطور مالة Normal .. و إليكم أمثلة على معاملات التطور مثلا Nothing بمعنى انه ما يطور ( تجدة بكل الأسلحة الأخيرة لكل الشخصيات ) .. Trible .. اي بمعنى ثلاثة أضعاف التطور .. و Normal و Double مثل ما قلت .. و شوفو الأمثلة ..



و اتمنى أن الصور هذي تفيدكم ..

6- هذا القسم هو القسم اللي يبين مدى تأثر السلاح على مهارات الشخصية للشخصية .. من الأفضل أو الأسوأ . مثلا إذا حطيت سلاح مب قوي تلقى أنه يحط لك الرقم يكون من أعلى إلى أسفل .. أي أنه ينقص من المهارة .. و يكون لون الرقم أحمر .. أما إذا كان هذا يزيد المهارة .. فراح يكون من الأقل إلى الأكثر .. و يكون لون الأكثر أصفر .. و هذا يدل على أنه فائدة إيجابية .. و هكذا نقدر نتسدل عن طريقة بمدى جودة السلاح و قوته ..

أتمنى أني فدتكم بهذا القسم .. و ان شاء الله اللي يدخل هذا القسم و ما كان فاهمه أنه يفهمه الحين ..

سلام ...

[Angel whisper]

والله التكملة ممتازة سيد ..

بس برايي ال acc مهمة مثل الاسلحة ..

يعني وجودها يسهل المعارك وايد .. خاصة في ال boss fights ..

عموما تشكر سيد على التكملة ..

[QaHir]

مشكور سيد على هذا الموضوع الضخم جدا .. موضوع رائع لعضو اروع تشكر عليه كثيرا .. ونحن بانتظار التكملة والله يوفقك .. وويوفق الجميع ..

[Neo Cid]

Angel whisper :

شكرا خيتو ^^ العفو ما قمت إلا بالواجب ..
أما للAcc .. أنا اللي اشوفه أنها مهمة من ناحية .. و مو مهمة من ناحية ثانية .. يعني لو تحصلين على Ribbon .. هذا راح يخليج ما يصيبج أي نوع من التسمم أو الشلل أو أو أو .. بس لو تبدين ببداية اللعب .. راح تكونين تلعبين فترة معينة بدون اي اكسسوار .. و هذا حتى ما راح ينفع ولا يظر .. بس فكرتج زينة خيتو .. لازم أركز على الAcc مرات لمن أنظم أسلحتي و هذي الامور ..

قاهر كل الألعاب :

العفو خيو محمد .. ولو .. هذا من واجبي ..

و مشكور على ردك ..

التكلمة بعد شوي ان شاء الله ..

[Golden_Sun]

مشاالله موضوعك روعة ........ مشكور على الموضوع .

بس عندي ملاحظة :-

لو إنك تحط الحل دفعة وحدة مو أحسن من كل شوي تكمل الحل و يكون بين كل جزء و جزء عدد من الردود ...؟

[Neo Cid]

الرسالة الأصلية كتبت بواسطة Golden_Sun
مشاالله موضوعك روعة ........ مشكور على الموضوع .

بس عندي ملاحظة :-

لو إنك تحط الحل دفعة وحدة مو أحسن من كل شوي تكمل الحل و يكون بين كل جزء و جزء عدد من الردود ...؟

مشكور خيو جولدن سون على الرد ..

العفو و أنا ما قمت إلا بالواجب .. ":"

ان شاء الله باخذ بنصيحتك مع بدايتي بكتابة الحل ..

تامر على شي بعد ؟.. :6

سلام .

[E:man]

والله مجهود طيب اتمنى الاستمرار

وكاعتذار لعدم ردي في الموضوع فخليني اضيف لموضوعك اضافات بسيطه

جدا لكنها على سبيل الاعتذار :

AP = Ability Points = نقاط القدرات

MP= Magic Points = نقاط سحر

HP = Health Points = نقاط صحة (طاقة)

exp = experience = خبرة (نقاط الخبرة)

وآسف من جديد

[RPGgirl]

مشكووووووووووووووور على الموضوع

يعطيك العافية والله مجهود تشكر عليه وننتظر التكملة^^