ماهو السبب ..؟؟

[Thalia]

السلاام عليكم ..
كيف الحال ..؟
ودي أعرف أيش هو السبب اللي يجعلك تحب دراغون بل ..
بالنسبه لي أنا مااشوفه حلوو ..
فانا شاهدت مسلسلات كثيرة .. بس ماشاهدت الحلاوة في دراغون بول ..
فمثلاً أخذ شبيهه .. داي الشجاع .. أحلى بكثيررر ..
طيب عطوني اسباب تجعله حلو .. ..؟
لان ملاحظه ان المنتدى اكثره يتحدث عن دراغون بول ..

[orange road]

المسألة مسألة اذواق..

وانا ما عجبني داي الشجاع
وعجبني دراحون بال

[Madoka]

انا معاج بالراي Thalia


لاني ما احب دراقون بول ( مع احترامي لآراء كل الاعضاء ) و اشوف داي الشجاع احلى منه بوايد و هزيم الرعد احسن منه ....,

و مستغربه اشلون انشهر و سارت شهرته عالميه !!!!!!!!

?: يمكن يكون حلو شوي بس عاد مو لهالدرجه !!!!

[Touya]

وأنا معاهم في الرأي... نوعاً ما...

لأني مع إحترامي للأذواق بس ما أحب دراجون بال ولاخش في مزاجي من يوم سمعت اسمه.. ما أدري ليش

بس صراحة يجماعة الخير المنتدى مليان مواضيع.. أنا وواحد من العضاء عديناهم يوم طلعو 28 موضوع.. خلاص عرفنا انكم تحبونه o.O;;
بس الفكرة في المنتديات هو تقديم الجديد موب تكرار القديم:":

فمن شان كذا أنا ما عد اشارك كثير:"

[Xellos]

الرسالة الأصلية كتبت بواسطة Touya


بس صراحة يجماعة الخير المنتدى مليان مواضيع.. أنا وواحد من العضاء عديناهم يوم طلعو 28 موضوع.. خلاص عرفنا انكم تحبونه o.O;;
بس الفكرة في المنتديات هو تقديم الجديد موب تكرير القديم:":

كلام صحيح اانا احب دراغون بول بس بعد المواضيع دي

بديت اكرهه كره شدشد :" :" :"

[Touya]

الرسالة الأصلية كتبت بواسطة Shadowboy


كلام صحيح اانا احب دراغون بول بس بعد المواضيع دي

بديت اكرهه كره شدشد :" :" :"

ههههه بالضبط... نفس سالفتي مع فاينال فانتاسي... الشي لازاد عن حده أنقلب ضده:0)

[Xellos]

الرسالة الأصلية كتبت بواسطة Touya



ههههه بالضبط... نفس سالفتي مع فاينال فانتاسي... الشي لازاد عن حده أنقلب ضده:0)

اي والله انك صادق شكلك ترد واجد اليوم زين خلينا نسولف

معك شوي اجيب الشاهي او مايحتاج

[Touya]

الرسالة الأصلية كتبت بواسطة Shadowboy


اي والله انك صادق شكلك ترد واجد اليوم زين خلينا نسولف

معك شوي اجيب الشاهي او مايحتاج

اقول اسكت لايطبون علينا المراقبين...

وييييي شوف اورنج رود كاهي فوق مردها تصيدنا:6

[nas181431]

حتى انا ما أشوف دراغون بول شيء ممتع

[orange road]

شدعوة شدشد وتويا...

قلت اني احب دراجون بال لكن مب معناه اني اتضايق لما حد يقول انه ما يحبه

على راحتكم

واخ ماجن فيجيتا الاعضاء ما قالوا شي حق كل هالعصبية...
شدشد
ليش ما تعرض لنا موضوع عن اي انيمي يديد جفته وحبيته؟

اي تعال.. انت لقيت الكيمونو؟ ترى لقيت موقع يبيع اغراض يابانية اذا تبيه :6

[Touya]

الله هدي علينا شوي حنا ماغلطنا ^^;;

بالمناسبة ماأعتقد أن اللي ردو هنا واحد منهم يتجرأ ويطالع سبيس توون... هذا عرف بين الأعراب

ودراجو بالز أنا اعرفها من زمان حتى قبل فاينال فانتاسي الظاهر o.O;;

بس من يوم سمعت امسها وشفت لقطات منها ماخشت مزاجي..
موب مهم...

الحين في سالفة المواضيع.. شرايك شدشد.. تعزم نكتب عن الأنمي اللي قلت لك عنه ذاك اليوم؟:6 *****Nad?

[Thalia]

المسأله مسلة ذوق صحيح .. بس أنتوا زودتوها بالمواضيع .. يمكن الصفحه الأولى ثلاثة أرباعها دراغون بل .. خففوا ..
Majin_vegeta .. أنا ماأفتح سبيس تون ولا أحبها .. وأصلها مقفوله بالرقم السري .. وأنا ماشاهدته ولا مره لا قديم و لا جديد و ياباني ولا غيرها .. لأن شكل المسلسل بايخ ..

[Xellos]

Majin_vegeta : هلا اخوي انا ما اقولك اني ما اشوف سبيس تون

انا اشوف سبيس تون واعترف بذالك لانهم يعرضون سلااام دانك اشوفه

عندهم اما باقي الاشياء ما اشوفها .

انا ليش حاقد على مواضيعكم لانها كثيررررة جدا افتحو موضوعين وحطو

فيها كل شي عن درايجون بول مو تفتحون 27 موضوع .

وانا معروف عند اصدقائي انا من اكثر الناس الذين يعشقون درايجون بول

ويكون في عمك اناالى الان ادور على القتال تبع (سيل) طبعا لازم انجليزي

انا اقدر ادبره ياباني بس ما ابيه الا انجليزي لان صوت فيجيتا شي

اذا عندك وتقدر تبيعه او تبادلني قولي اكون لك شاكر لاني ادور عليه

من حوالي 3 سنوات او 4 او سنتين ناسي من متى .

orange road : انا جالس اكتب موضوعين واحد قديم شوي بس محد

عطاه حقه في المنتدى والثاني جديد ومررره حلوه:" بس المشكلة

انا ادور على مواقع حاطين الصور تبع جميع الشخصيات في المسلسل

لان المسلسل هو Sorcery وفيه شخصيات كثيرة واغلب المواقع حاطين

الشخصيات الرئيسية فقط علشان كذا رايح يكون صغير الموضوع >_<

:! تقولي حصلتي تكفين عطيني الموقع ذاك تبع الامل الالون حقته

بايخه>_< .

Touya : والله فكرة مش بطاله بس انا ماشفت الانمي ذاك :" :"

[BLUE Dragon]

والله انتم ما تحبون دراجون بول لأنكم ما شفتوه كامل او من نصف المسلسل لا تحكمون على المغامره الا لم تشوفونها كامله وبالنسبه للمواضيع دراجون بول يستاهل المنتدى كله دراجون بول زد المهم انتم تقولون ان داي افضل من دراجون والله حراااااااااااااااااااااااااااااااااام عليكم حتى حق الموسيقى ما تيجي اقول قال داي قال انا ما اقول ان دراجون بول زد افضل مغامره ولاكنه محبوبه عندي واما لأفضل مغامره لدي هو جرابلر باكي وكل واحد وله ذوق ........ مع احترامي للجميع .":"

[Rewayah]

الرسالة الأصلية كتبت بواسطة Majin_vegeta
إنكم تجرحون مشاعر أعضاء المنظمة..حيث المواضييع التي نقوم بها هي لمحبي دراجون بول فقط...وإن لم تحبوا دراجون بول فلا تقرؤا المواضييع المتعلقة به..واهتموا بشؤونكم الخاصة..

أخي ماجن فيجيتا...

أعتقد إنه المسألة مسألة زمن...

أنا شخصياً لما كنت صغير وكنت أشوف شخصيات دريجون بول على الأقلام والمقلمات...
كنت أتخبل عليه... مع إني ما كنت أعرف المسلسل عدل...

مسألة محبة الناس للمسلسل, وخصوصاً في اليابان, ترجع إلى كونه كان ينعرض لفترة طويلة واليابانيين عاشوا أيامه الحقيقية!
في وقت وزمن لما كانت رسوم الأنيماي توها تتطور والناس كانوا يحبون الشيء الجديد...

تابعوا قصة جوكو لما كان صغير ومراحل نموه.

وعشان تفهم قصدي...

مسلسل مغارمات السندباد...
بذمتك... هذا ألحين يسمونه مسلسل أنمياي في الوقت الحالي؟
(خلود وفطوم وشاهين بيكفخوني).
مع ذلك في وايد إن لم يكن الأغلبية يحبونه! ليش؟
رغم إنه رسومه مو لذاك الزود وفي مسلسلات رسمها أحلى!
هو لأنه له عشرة والناس عاشوا أيامه من زمان!
لذلك هو يحتل مكان عدنا, فهمت علي؟

ونفس الشيء, دريجون بول يحتل مكانة عالية في قلوب اليابانيين لأنه يعتبر عندهم عشرة عمر...
ومن السهل لهم تقبل أي جزء أو مسلسل جديد أو فلم له!

مسلسل بداية جمع البطل لكرات التنين, اللي هو يعتبر من البدايات الحقيقية للمسلسل, كان من المفترض إنه المشاهد العربي يشوفه من زمان!
يعني لو كان عارضينه في الثمانينات, كان بيحتل مكانة في قلوب الناس مثل غرندايزر وليدي أوسكار وسندباد وغيره!

فلذلك لا تزعل أو تنزعج من اللي ما عجبهم دريجون بول! ;-)
لا تلومهم لأنهم ما شافوه وهم في سن مناسبة! فهمت علي!
أنا لا أستغرب مدى حب الصغار والجيل الجديد للمسلسل لأنه جاهم في وقت نسبياً مناسب...
أما نحنا فاتنا الركب...

لكن مع ذلك, أنا مثل خلود أحب دريجون بول! ;-)
ليش؟
لأني قدرت أكوّن له صورة أو فكرة وخلفية نسبياً زينة عنه يوم كنت صغير! :0)
والدليل الأقلام والمقلمات والمحايات والإستكارات اللي أحتفظ بهم عندي من صغري! ^^

بس مع ذلك أنا ما أتابع المسلسل, ولا عندي خلفية عن آخر تطوراته.
وبصراحة!
أنا ما عاجبني الطريقة التي تم تقديم المسلسل فيها على سبيس تون...
شوهوه... والمفروض إننا نتعرف عليه كامل...
وبسبب ذلك... فقد دريجون بول بعض اللي كنت أحمل له في قلبي من محبه بسببهم...

الله يسامحهم...

على فكرة, أخوي من كبار مجانين درجون بول وألعابهم الفيديو جيمز! ;-)