القصة وما فيها إني اليوم جيت ألعب على الكمبيوتر ورحت أبغى ألعب البلاي ستيشن2 وبس وصلت الآسلاك وكل شي إلا جيت أشغل الجهاز ومو راضي يشتغل!!؟:؟:؟: بس قلت يمكن ماشبكته زي الناس وأحاول مرة واتنين وثلاثة ومرة ما أشتغل! قلت يمكن أنحرق لكن إلي معقدني أكتر ما طلعت ريحة ولا طلع دخان ولا طلع أي شي! طيب قلنا من المحول يمكن ضرب معانا وجيت أبا أشغل الدريم كاست وشبكت كل شي والمصيبة الكبرى انه أشتغل وياريته ما أشتغل!
وبعدها أصبت باحباط وقاعد أخبط في نفسي مني عارف إيش أسوي.أرجوك فهمني إيش الموضوع وإيش قصة الجهاز.وحبيت أقلك هل محلاتكم تصلحوا بلاش
لأني أنا أشتريت الجهاز من جدة وقلي لو أي شي حصل في الجهاز أصلحلك هو
بس ما يكون الجهاز محروق.طيب الجهاز إلي عندي أنحرق والا لا؟ والله مني فاهم شي فأرجوك ردلي الجواب بسرعة.
فالك طيب
