السلام عليكم ورحمة الله وبركاته
قبل ماابدى احب اقول قبل كل شي ان هذا المنتدى منتداكم واكبر دليل هذا الموضوع ...... يااخوان كلنا نعرف وش معنى منتديات ترفيهيه وكلنا بعد نعرف ايش المواضيع اللي تناسب مثل هذه المنتديات
ومااخفيكم سر اني من فتره طويله وانا احاول اكتب مثل هذا الموضوع والان تشجعت اكثر لماً وجدت كثير من الاعضاء متضايقين للي يحدث بهذه المنتديات
واحد يشتكي ويقول لماً اكتب موضوع ارجع بعد شوي الاقيه واصل صفحتين وخرج عن الموضوع الاساسي
وواحد ثاني يقول مايمديني ارد بموضوعي على عضو الا الاقي بنفس اللحظه خمس اعضاء ردو بنفس الوقت اللي رديت فيه
وغيرهم يقول بعض المواضيع النافعه والمفيده تتحول بسرعه غريبه الى شات ( وكانهم يحاربون مثل هذه المواضيع النافعه )
وغيرهم كثير من اللي يشتكون لهذا الوضع
ولاننا نقول بان هذا منتداكم ولاننا نطبق مانقول قول وفعل فنبغى الان مقترحاتكم وحلولكم
يعني نبي حل يرضي جميع الاطراف وبنفس الوقت نبي اسم المنتديات الترفيهيه اسم وفعل ... بمعنى ان اغلب المواضيع تكون ترفيهيه وماتتحول لشات ويبقى الموضوع زي ماهو مايخرج عن نطاقه وهدفه
والمواضيع الترفيهيه كثيره جداً وانتو ادرى منى بمثل هذي النوعيه ولكن لامانع ان اذكر بعض الافكار مساهمه مني ... مثل مواضيع مسابقات
سواء الغاز او غيرها - القصص اللي تكون من تآليف الشخص لتنميه مواهبه وتوجيهه من الاعضاء - النكت المعقوله اللي ماتمس دين او شخص
مسابقة افضل نكته او افضل قصه او افضل موضوع برآي الاعضاء طبعاً مُسابقات ثقافيه - للفائده وارجاع وكسب المعلومات
وغيرها الكثير الكثير .... وحنا ندري ان فيه اعضاء كثير مُبدعين هنا بالترفيهي ... لكن المشكله انهم مهو لاقين فرصه امام هالكم الهايل من مواضيع الشات
يااخوان نعيد ونكرر هذا منتداكم ومن اجل ذالك وضعنا هذا الموضوع ونبي رآيكم بكل صراحه وموضوعيه بعيداً عن تكرار الردود
والف شكر لتعاونكم وتجاوبكم لانجاح هذا المنتدى اللي هو منكم واليكم
والسلام عليكم
... ياخي زهقنا كل موضوع جديد يقلبوه شات ... ولا انا موضوع حبيبي راح فيها 
لا تنسى الصلاه ياللي قاعد تقرا 
