خبر غير سار لعشاق ال gta vice city

[Blue Ghost]

أول شي أعتقد إنو الأغلبية عندهم gta vice city

وأنا طبعاً اشتريت الشريط أول ما نزل طبعاً دي في دي كوبي

بس لاحظت إنو أول ما تغلق مهمة لازم يعلق الجهاز يعني لازم أعيد

تشغيل البلاي ستيشن ورحت أبغى أبدل الشريط اللي معايا بس راعي

المحل قلي خبر ما كنت متوقعه

( كل أشرطة الgta vice city لازم يعلق فيها )

بس هذا الكلام مادخل في عقلي

ويريت تقلولوي هل هذا الكلام صحيح


في أحد برضو يعلق عليه زي ما بعلق عندي

أبغى رد سريع

[abo yasser]

كلام راعي المحل صحيح .... اغلب الاشرطه تعلق .... واذا كنت تبغى ترتاح من التعليق طلع الشريط من السوني ... ومع الشباك..:# .. امزح معاك اذا تبغى اللعبه تمشي معاك تمام اذا بغيت تركب سياره وانت تلعب طفي المسجل وراح يشتغل معاك زي الحلاوه... وحياك

[سنيك سوليد]

اي كل النسخ تعلق
بس الخبر الاسؤا ان الدي في دي الي راح يجي هاذي الايام مضروب وحالتة حالة بعضها ماتشتغل وبعضها يعلق

بس زي ماقال اخوي abo yasser بلنسبة GTA Vice City
لو تبية مايعلق طف الراديو ونت داخل السيارة وماراح يعلق عليك

انا واصل المهمات الاخير (يوم الخميس الي فات لعبت فية )

يعني شريط سهل مرررررررررررررررة وقصيررررررر مررررررة

وهاذا الصراحة خبر يحزن
:": :":

[BiN-3Li]

لانه كوبي
تبغاه مايعلق
اشتري اصلي

[Squall 9]

أنا الحمدلله الشريط ماشي معاي

100%

سلملم

[Squall 9]

لااااااااااااااااااااااااااااااااااااااااااااا

دحين نزلت نسخه جديده ما تعلق

أديك مواصفاتها عشان تشتريها:

.1 الغلاف في صور متعدده
.2 المرايا من ورا لونها ذهبي
.3والدسك نفسه مرسوم عليه واحد تكروني يعني أسود
4.نفس الغلاف حق الشريط مكتوب عليه من فوق DVDR

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_

يمكن أول ما نزلت النسخه كانت تعلق والرجال قال كل النسخ تعلق عشانها دوبها نازلها لكن دحين نزلت نسخ جديده

هذا إلي عندي

سلملم