-
الى متى هذا الغش و الخداع!!!
بسم الله الرحمن الرحيم
السلام عليكم و رحمة الله و بركاته,...
صراحه انا فعلاً ( وصلت معي ) من سرقة و غش بعض محلات الالعاب عندنا في الرياض و الموضوع هذا لازم يتوقف و لازم نسوي شي أحنا مجمتع اللعيبه عشان نوقفهم عند حدهم...و اللي رفع ضغطي أكثر شئ محل العاب الكمبيوتر في حي السليمانيه. من كذا يوم صدرت لعبة winning eleven6 final evolution و مثل أي واحد يحب اللعبه رحت أشتريها من عند المحل هذا ...و صعقت من السعر...40 ريال سعودي للعبه منسوخه!!! هذي سرقه و الله يا شباب سرقه ...أقسم بالله أني نزلت البطحاء و شريت 3 العاب ب 45 ريال و من ضمنهم ويننج اليفن 6 فاينل ايفلوشن و جيلتي جير اكس اكس و لعبه ثالثه. لما سألت صاحب المحل عن سبب الغلاء في السعر قال لي أنها طالعه عليه غاليه!!! أقسم بالله يكذب ...لا طلعت غاليه و لا شئ!!! لكن طمع و شجع أعمى و أستغلال لنا أحنا الشباب. والله يا شباب و أنا متأكد من كلامي أن اللعبه الوحده تطلع على صاحب المحل بالجمله أقل من 8 ريال!!!! تخيلوا أقل من ثمانيه ريال و يبيعها ب 40 ريال ..يعني يربح فيها أكثر من 300% ...
أنا ماني ضد المحل هذا بالذات ولكن هو مجرد مثال ....اللعبه أصلاً كوبي و سعرها رخيص ..ليه السرقه هذي و استغلالنا أحنا. من حقه يربح محد ينكر الشئ هذا ...لكن مو من حقهم أنهم يبسرقوننا و نسكت لهم! وش فيها لو باع اللعبه ب20 ريال بس؟؟؟ ومع العلم أن في بعض مناطق الرياض ( البديعه , السويدي , الشفاء) تباع اللعبه ب 15 ريال بس!!
يا شباب لازم تسون شئ ..اذا أنت ماتقدر تروح تشتري اللعبه من محل غير المحل هذا لأنه قريب منك...أطلب من أخوك أو أحد أصحابك يجيبها لك... أو على الأقل لا تسكتون لأصحاب المحل...تكلموا معهن و قولوا لهم أنكم تدرون أنها أرخص...كاسروهم و كسروا روسهم!..لا تسمحون لهم أنهم يلعبون عليكم و يسرقونكم بس لأنكم طيبين و تصدقونهم....
و حطوا في بالكم أنكم قاعدين تنسرقون عيني عينك!!! و لازم توقفون هذا السرقه...
و أنا بلغتكم لأنه بصراحة وصلت معي!
-
والله أنا موصله معي من زماااااااااااان
أيام السوني1
تخيل يشترون الشريط بأقل من ريالين ويبيعونه بـ 15 من زمان
والحين نفس الشي
تخيل اليوم
رحت شريت GTA فايس سيتي و تايم سبلنتر 2 وسكودين 3 وبرزنر اوف وار
قلت له بكم قال بـ 100 ريال?!!
الواحد بـ 25 مع انهم يشترونه بـ 5!!!!!
المهم انا كنت مضطر فأخذتهم...
لكن والله غش وسرقة وحرامية...
بس ما اادري كيف نوقفهم عند حدهم
-
وانا حصلت معي زمان بويننج اليفن 5
قال مافيه غير اصلي ب300ريال :غضب: :غضب:
ولما جيت اخرج من المحل قال تعال انت علشانك زبون دائم بعطيك
سي دي عادي ....اخرجه من تحت علشان يصقعون الناس
على العموم رجعت له لاني ماكنت اعرف غيرهم (اصلا لايوجد غيرهم قبل سنه ونص بالمدينه)
صار قالي ب50ريال لانك عزيز ><<اجل الي مو عزيز بكم ?: ?:
.صار قفلت معاي ومشيت ...
وبالصدفه رحت قباء وعند محل العامل فيه اسمه سالم
ماعندي امل انه فيه غيرهم يبيع العاب ps2
ونزلت ولقيت عنده الشريط قالي ب25 .بس قلتله ياهوه
اعطاني اياه ب20 ريال .....
......
وقبل امس رحت للمحل القديم (g-m)
صار قالي ب30 ريال ذا جيت اواي
ورحت للحليوه سالم شريته ب18 ريال ..
والقدين مابين 12--17 ريال حسب النوع .....
...................
المهم لازم نتخذ اجراء حازم .....
وهو الانترنت فاتك محلات الغلا ...
.......
انا عنده قريب عنده محل بس مو ضخم لتلك الدرجه
يشتري dvdكوبي ب7--10ريال بس .....
;-) ;-) ;-) ;-) من البلد بجده ....
يبيعوها للعاديين ب13--15
.......
تحياتي
ومشكور اخوي على الموضوع القيم الذي لا بد من الوقوف معه بجديه
;-) ;-) ;-)
-
أفاااا:واو:
عندكم المحلات فى الرياض نصابين.......حنا فى جده عندنا يبيعون الكوبى الDVD ب10 او 15 ريال بس.....
علشان كذا ولد عمى كل شهر ينزل جده علشان الألعاب
اثاريه عندكم نصابين:6
_ _ _ _____________ _ _ _
SINVER
-
والله يا اخوان هذه تجارة وبيع وشراء..
والمحل المذكور لم يسرقكم كما ذكرت...ولكنه عرض سلع معينة بأسعار حددها وانتم غير ملزمون بالشراء منه..
وبالمانسبة خذو اعتبار اجار المحل..فأجار محل في السليمانية ليس كأجار محل في البطحاء!!
-
أخي Dark Angel ، باين عليك شاب واعي وفاهم .
بالله عليك المحلات إلي بالسليمانية والفيصلية والعليا والشعلة ...إلخ ينشرى منها ؟؟
أنا أصلاً المحلات هذي ما أروحها إلا علشان آخذ أفكار إذا حبيت أغير ديكور المحل أو ترتيب الأشرطة !!
أنت شايفني أنا ، ما أشتري إلا من أطقع محل في البطحاء ، وآخذ الشريط بـ 8 و 5 ريال !!
وأنا وإلي اشترى الشريط بـ 40 مثل بعض :0) ;-)
-
هاهاهااّّّ
اخي دارك انجل هذا موضوع قديم:6
وفي الكويت في اكثر من كذا 131356 مرة":"
وليس بالالعاب.....بل بجميع النواحي:#
السلاح الوحيد الي ممكن تستخدمة هو طلب بضاعة من النت وتحطيم السوق و اخبار وزارة الاعلام عنهم":"
واذا تريدني اعمل تقرير مفصل عن الحاله فانا مستعد.....لاني متروس حقد:6
خذ نظرة عن موضوع يتكلم عن الانمي
-
الرسالة الأصلية كتبت بواسطة Guilty Gear X
هاهاهااّّّ
اخي دارك انجل هذا موضوع قديم:6
وفي الكويت في اكثر من كذا 131356 مرة":"
وليس بالالعاب.....بل بجميع النواحي:#
السلاح الوحيد الي ممكن تستخدمة هو طلب بضاعة من النت وتحطيم السوق و اخبار وزارة الاعلام عنهم":"
واذا تريدني اعمل تقرير مفصل عن الحاله فانا مستعد.....لاني متروس حقد:6
خذ نظرة عن موضوع يتكلم عن الانمي
تصدق
تروح الوزارة و تقولهم يبيع cd كوبي
ياخذون كل الدسكات اللي عنده يخلونه يصب دموع
جلتي
منو اكبر محل حرامي بالرحاب
-
اقسم بالله اني دخلت المنتدى هذا عشان اكتب عن
محل العاب الكمبيوتر المتواجد بحي الورود
بجانب محل الفتاح لتأجير السيارات المطل على طريق الملك عبدالعزيز..!
يبيع ويننج اليفن الجديد فاينل ايفولوشن بأربعين ريال !!
ولا واللي يقهر زياده ليت اللعبه DVD عشان والله نقول
ما انصب علينا ..طلعت اللعبه سيدي :!
يعني لازم نشوف حل مع المحل العاب الكمبيوتر بقياده
اليماني ابو وليد قرن الشيطان ومساعده فيصل الاعور ..
اللي استحلوا الشغله وشغالين نهب في العالم ..
لدرجه انه يبيع عدستين ليزر للسوني وكلها نفس بعض
بس يقول هذي اصليه ويبيعها ب400 ريال ..والثانيه تقليد ويبيعه ب200
مع العلم بأنها كلها تقليد :"
يجب ان ندحر هذا الشيطان المتشكل على هيئه ابو وليد
واتباعه الحاشيه السوداء بقياده ساعده الايمن فيصل
ويا شباب انا رايح اليوم اسوي له محاكمه بشأن شريط ويننج اليفن
واتمنى انكم تخبرون اي واحد انه ما يشتري من عندهم ..
ولا حتى يوقف عندهم :! من زين ديكورهم عاد :غضب:
-
الرسالة الأصلية كتبت بواسطة SINVER_kalagrus
أفاااا:واو:
عندكم المحلات فى الرياض نصابين.......حنا فى جده عندنا يبيعون الكوبى الDVD ب10 او 15 ريال بس.....
علشان كذا ولد عمى كل شهر ينزل جده علشان الألعاب اثاريه عندكم نصابين:6
هل تشتيريها من شارع حراء .....
(g--m)
طبعا لا ....؟؟؟
لانهم ماتنزل عن 25 القديم و30 الجديد
....
روح البلد عند اسواق الجمله تجدها ب8ريال وانت طالع الين 15
طبعا dvdكوبي
-
الرسالة الأصلية كتبت بواسطة JrH
والله يا اخوان هذه تجارة وبيع وشراء..
والمحل المذكور لم يسرقكم كما ذكرت...ولكنه عرض سلع معينة بأسعار حددها وانتم غير ملزمون بالشراء منه..
وبالمانسبة خذو اعتبار اجار المحل..فأجار محل في السليمانية ليس كأجار محل في البطحاء!!
طيب ممكن تقولي..هل هذا نصب او لا..
تشتري من عنده ويننج اليفين فاينل ايفلوشن ب40ريال على انه "دي في دي"
وتفاجأ بعدين انه مجرد سي دي عادي!!
هذا بالله موب نصب؟؟
غير سالفه العدسات..الي ما تسوى 200ريال
ونفس المحل الي بحي الورود ركبناها عنده مرتين كل مره ب400 على انها اصليه
لكن اكتشفنا انه ما في اصلي خير شر..
وانها نفسها ام 200 ريال!!
يعني نصب اكثر من كذا ما اعتقد فيه..
-
-
السلام عليكم::::اول شئ هذي ماصارت تجارة المعروف التجارة شطارة ولكن الشطارة على شئ معقول مثلاً شريط الفديدي الفاضي 4 ريال او 5 مع النسخ قول4 تصير 8 او 9 غير لما يشتروا بالجملة فهي حتكون ارخص ومعروف في محلات كثير تبيع اشرطة وارخص شريط 20 ريال اللي هو فاينل فانتسي وميتل جير ام البقي 25 ريال :غضب: :غضب:
وفي عضـو قال انه الكوبي دفدييدي في جدة يصل الى 10 او1 ريال تلرى كلامك خاطئ اللا لو كانت الأشرطة سيدي عادي لآنه اقل شئ كما ذكرت 20ريال
-
الرسالة الأصلية كتبت بواسطة بيكهام السعودية
هل تشتيريها من شارع حراء .....
(g--m)
طبعا لا ....؟؟؟
لانهم ماتنزل عن 25 القديم و30 الجديد
....
روح البلد عند اسواق الجمله تجدها ب8ريال وانت طالع الين 15
طبعا dvdكوبي
بس محلات الجمله ما يبيعوا لك اللعبه لحالها يعني اذا تبغاها ب10 لازم تشتري 12 لعبه او6 العاب مافي بالتفرقه.... الصيعري.....جيم بوكس.....العاب المغامر.... كلها جمله
-
الرسالة الأصلية كتبت بواسطة ahmed88
السلام عليكم::::اول شئ هذي ماصارت تجارة المعروف التجارة شطارة ولكن الشطارة على شئ معقول مثلاً شريط الفديدي الفاضي 4 ريال او 5 مع النسخ قول4 تصير 8 او 9 غير لما يشتروا بالجملة فهي حتكون ارخص ومعروف في محلات كثير تبيع اشرطة وارخص شريط 20 ريال اللي هو فاينل فانتسي وميتل جير ام البقي 25 ريال :غضب: :غضب:
وفي عضـو قال انه الكوبي دفدييدي في جدة يصل الى 10 او1 ريال تلرى كلامك خاطئ اللا لو كانت الأشرطة سيدي عادي لآنه اقل شئ كما ذكرت 20ريال
مع احترامي لك كلامك انت هو اللي خاطىء لانه فيه بعض المحلات تبيع ب15 وعشره وديفيدي كمان
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
