تقريري الخاص بـ The Getaway بعد حصولي على اللعبة!!

**JaMyKy** · 19-12-2002, 08:02 PM

مشكوراخويaoksعلى هالتقرير بس ما قلتلنا كم طول المدة الي نلعبها علشان انهيها

thanks ;-)

**aoks** · 19-12-2002, 10:10 PM

والله ماادري بالضبط كم ياJaMyKy

لما أنهيها راح أقولكم ان شاء الله

**عابد 25** · 20-12-2002, 07:10 PM

انا واصل في المهمة الرابعة لمن أركب من واحد .. لكن لمن رحت المكان المحدد ماني عارف وش اسوي .. يعني وصلت إلى المكان لكن هل انزل من السيارة والا ادخل مكان معين

ياليت تساعدوني ..

**فاضل711** · 21-12-2002, 01:44 AM

أقول أنا اللعبة خيبت آمالي

و أنتوا نسيتوا أن فيها شي ما انتبهتوله
اللعبة فيها قلة أدب أكثر من جراند ثيفت خصوصا المشهد اللي في المهمة الثالثة..

و شي ثاني بعد

اللعبة تتكلم في الثمانينات و أنا شفت زعيم العصابة ماسك تلفون نوكيا 6310

و شي ثالث بعد

الحركة في اللعبة ماهي طبيعية يعني مكسرة

مو مثل لعبة ماكس بين الحركة طبيعية جدا في لعبة ملكس بين!!

و اللي يقول أن اللعبة حلوة هاذا الأنسان يكذب على نفسه

و اللي مو عاجبه ينتف حواجبه

و تقديري للعبة 80%

**ابوتركي** · 21-12-2002, 01:59 AM

الرسالة الأصلية كتبت بواسطة فاضل711
أقول أنا اللعبة خيبت آمالي

و أنتوا نسيتوا أن فيها شي ما انتبهتوله
اللعبة فيها قلة أدب أكثر من جراند ثيفت خصوصا المشهد اللي في المهمة الثالثة..

و شي ثاني بعد

اللعبة تتكلم في الثمانينات و أنا شفت زعيم العصابة ماسك تلفون نوكيا 6310

و شي ثالث بعد

الحركة في اللعبة ماهي طبيعية يعني مكسرة

مو مثل لعبة ماكس بين الحركة طبيعية جدا في لعبة ملكس بين!!

و اللي يقول أن اللعبة حلوة هاذا الأنسان يكذب على نفسه

و اللي مو عاجبه ينتف حواجبه

و تقديري للعبة 80%

هذا رأيك وبالنسبه للجوال فالقصه ليست في الثمانينات على ما اظن لان اللكزس ماكانت موجوده LS430 وبعدين من ناحية الخلاعه انا معك وجراند ثيفت اوتو فيها خلاعه وميتل قير فيها خلاعه

وبالنسبه للرسم فما عليه كلام رااااااائع

وافضل من ماكس بين ب1000مره

وانا اقول ان اللعبه حلوه ورااااااائعه ( يعني انا كذاب ))

وتبغاني انتف حواجبي بعد

الله يصلحك تكلم بادب والا اصمت اذا اللعبه ما عجبتك لاتزعجنا بثرثتك وكلامك الماصخ مثل نتف حواجبك وكذاب والله يستر من القادم وبعدين ما احد ضربك وقال اللعبه حلوه لك ولا شكالك وبعدين اللعبه للراشدين فقط

( اختلاف الرأي لايفسد للود قضيه ) تذكر هالجمله في ردودك

**notknown** · 21-12-2002, 02:24 AM

شكرا لك يا اخakos على التقرير والعبة شكلها احلى من gta
بس انت ما تعرف هي متى حتنزل في جدة؟؟

**aoks** · 21-12-2002, 03:08 AM

المفروض أنها نزلت عندكم في جدة

بالنسبة للعبة...فالناس أذواق

**فاضل711** · 21-12-2002, 04:27 AM

آسف ....

لكن هذا الكلام طلع مني و أنا معصب كل يوم أتضارب أنا و أخوي الصغير

على أشياء صغيرة !! هههههههههههههههههههههه(حلاوة مثلا)

**الحــزيــن** · 21-12-2002, 04:50 AM

الرسالة الأصلية كتبت بواسطة MAYAM
بصراحة وإحقاقا للحق أنا لعبت اللعبة لمدة 4 ساعات وشفت أنها بايخه بسبب فيها بطي قاتل وثاني شي التحكم صعب ثالث شي استخدامه لأسلحه قرف فجئه تحصل البطل نزل يأخذ سلاح من الأرض وإذا جيت تسترجع سلاحك يرمي السلاح ألي اأخذه

يعني بالله اللعبه واقعيه مرررررررره يعني وين بيحط المسدس اللي خذه وجيوبه فيها مسدس او مسدسين شغل مخك ياذكي

موب زي جي تي ايه اموت واعرف وين يحط الرشاش والبازوكا والقنابل فيه

واللعبه من افضل مايكون واللعبه لأصحاب القلوب الصبوره موب للي علطول من يموت يقفل الجهاز

و أنتوا نسيتوا أن فيها شي ما انتبهتوله اللعبة فيها قلة أدب أكثر من جراند ثيفت خصوصا المشهد اللي في المهمة الثالثة..

شكلك ماطبيت الشاطي في فيس سيتي

ومشكووووووووووووووووووور اوكس على التقرير

**المحلل** · 21-12-2002, 05:19 AM

والله انا أمس توني مجربها وعبتني بنسبة... 1000000000.0000%

لأنها لعبة عن جد واقعية وفخمة وواضحة وجديّة ولا فيها تلاعب مثل جراند ثيفت أوتو وتحسها منظمة وشوارعها فخمة لدرجة ما أتصورتها أبد صحيح إن الكاميرا والأشياء هاذي مقللة نسبة فخماتها لكن والله يعني ما أثرت عليها إلا بالشيء القليل...

وإلي عجبني أكثر وأكثر التهديد والشرطة إلي يتيمزون بالعقل الإلكتروني مب في فيس سيتي علطول بدون تفاهم اشدخ فوقة راسة ومسدسات وآر بي جي وش هالمسخرة ذا جيت وي في نظام في تفاهم تحسهم أوادم ناس بشر فيهم عقل فيهم تفكير...

وإلي عجبني بعد فيها إن ما في الشاشة ولا شي وكأنك تطالع عرض سينمائي....وأسلوب الطاقة حلو....إذا صادك حادث تمون علطول مب تروح منك 50 من 100 شنو هو بقالة ولا سوبر ماركت...؟؟

يعني من كل النواحي اللعبة حلوة من القصة من الدقة من الوضوح المتعة التسلية الواقعية لحماس الأكشن...كل شي مرة...وانا أعطيها نسبة

97%

سلام................

**عابد 25** · 21-12-2002, 05:38 AM

العيب الكبير في اللعبة عدم وجود خريطة .. لا يجي أحد ويتفلسف ويقول عدم وجود الخريطة على انها واقعية !! كيف واقعية وانت أول مرة تلعب بهذي المدينة ..

وطريقة الغمازات ماتنفع .. بدل ما تدلك تتوهك !!

وين أيام فايس سيتي بس

**MEL C** · 21-12-2002, 06:02 AM

اللعبه جميله فعلا بس عموما ماتلاحظون ان الصعوبه فيها...زايده شوي?: ؟

انا الحين في مهمه ماعرفت وش اسوي معطيني لكزس وواحد يركب معاي اروح لمكان واخسر...ماادري وش اسوي..الي عنده الحل الله لايهينه يقول لي

واحب اقول للأخ الي يقول الوصاخه فيها اكثر من فايس سيتي...والله ضحكتني ياشيخ طالع الشوارع هناك مفاصيخ غير المرقص والحريم الي تركبهم...وتكلم بعدين

والمشهد الي تقول عنه غمض عيونك وفكنا

**التنين المائى** · 21-12-2002, 06:32 AM

الرسالة الأصلية كتبت بواسطة عابد25
العيب الكبير في اللعبة عدم وجود خريطة .. لا يجي أحد ويتفلسف ويقول عدم وجود الخريطة على انها واقعية !! كيف واقعية وانت أول مرة تلعب بهذي المدينة ..

وطريقة الغمازات ماتنفع .. بدل ما تدلك تتوهك !!

وين أيام فايس سيتي بس

لو شريت اللعبة اصلية بيعطوك خريطة لندن كلها

وفى موضوع منشر فيه الخريطة راح ارسلك الوصلة على الخاص

**aoks** · 21-12-2002, 07:24 AM

فعلا لعبة رائعة

تستحق Game Of The Year

قصة ولا أروع

ومليانه اكشن

**cute_boy2002** · 21-12-2002, 07:43 AM

ساعدوني شباب:

انا في المرحله السادسه او السابعه
ركبت (فان) وغيرت ملابسي بعدين رحت على مركز الشرطه
و ماني عارف ايش اسوي........ساعدووووووني؟؟؟؟!!!!!!

ايوه قبل لا انسى اللعبه جنااااااااااااااااان و نصيحه اللي ما اشتراها
يروح بسررررررعه ويلحقها!!!!

تـــــــــــــــشـــــــــــــــــاو

الموضوع: تقريري الخاص بـ The Getaway بعد حصولي على اللعبة!!

أدوات الموضوع

ضوابط المشاركة