تصحيح لموضوع : الرسم و التلوين بالفتوشوب .... ( بس بجنوون !)

**MZM** · 20-12-2002, 05:41 PM

الفرق واضح

الحين نبدى بالتغير
اول شي روح لطبقه خطوط حدود الوجه
بعدين إختار أداة الصبغ Paint Bucket ^^

**MZM** · 20-12-2002, 05:43 PM

و نختار لها لون مثل لون البشره بأداة الـ Eyedropper..... لكن داكن
و نروح على الخط تمام و نصبغه و نغير لونه ((( تأكد انك تشتغل على طبقة حدود الوجه .... مو أي طبقه ثانيه )))

**MZM** · 20-12-2002, 05:49 PM

الحين ننعم الخطوط ..... و نشيل الحده اللي فيها بأداة Blur

**MZM** · 20-12-2002, 05:53 PM

بعدها نختار أداة الحرق الـ Burn Tool
و نحرق و نغمج الخط بالمناطق العميقه ( مثل طرف الفم ) ....... و الناطق المظلله (مثل أسفل الفك) ......... و انت و مزاجك يا فنان/ فنانه

**MZM** · 20-12-2002, 05:56 PM

نكمل عملية تغميق الخط بأداة الحرق ..... على العين و الحاجر و الإذن

**MZM** · 20-12-2002, 06:08 PM

و لما ننتهي من تحسين شكل حدود الوجه بشكل يتماشى مع لون البشره
يجي دور تعديد نهايات الخطوط ....... لان نهايات الخطوط الحاليه مدوره و ماهي مندمجه مع الجلد

نختار المسّاحه ..... و نغير الفرشاه لحجم مناسبه و نغير قوة المسح ..... مثل ما هو موضح بالصوره الجايه
و نمسح نهايات الخطوط بحرص ..... بحيث تندمج مع الجلد و تصير كإنها خطوط بقلم تلوين حقيقي ناعه شكلها جميل و دقيق

**MZM** · 20-12-2002, 06:13 PM

و الحين ... نمسح خطوط العين اللي صارت داخل حدود الشعر ....... و نعدل الحاجب (( نتأكد اننا مازلنا على نفس الطبقه حقت حدود و ملامح الوجه ))

**MZM** · 20-12-2002, 06:15 PM

الحين وصلنا للشعر و تلوينه .....

لتلوين و رسم الشعر ( او الرسمه كلها ) بالفوتوشوب طرق كثير .... منها اللي يستخدمون ثلاث الوان بس بتلوين الشعر و يكون باسلوب المانجا الأصلي الكرتوني المعروف

**MZM** · 20-12-2002, 06:17 PM

و منها اللي يلونون بأكثر واقعيه ..... و كأنها تلوين بقلم ....و تكون الخطوط باينه و واضحه و مسترسله بنعومه مع الحركه (( الرسمه مرسومه باليد بدون برنامج ....... لكن للتوضيح عرضتها

))

**MZM** · 20-12-2002, 06:19 PM

و منها إسلوب لرسم الشعر ناعم بشكل خيالي و متوهج .... يسحر العين

**MZM** · 20-12-2002, 06:20 PM

و غيرها أساليب كثير و ما يحدك غير خيالك ^^(( للفوتوشوب إمكانيه قويه بمحاكات الرسمات الحقيقيه .... يعني بإمكانك ترسم لوحات مثل الزيت بالفوتوشوب ... من دون ما يميز حد انها انرسمت فيه ... و هذا يتوقف على خبرة المستخدم .. و دقة شغله ))

**mai_arumashi** · 20-12-2002, 08:58 PM

* clap clap clap*
روووووعه
هالدرس مذهل، تعرف انى اكتشفت ان خشمى لازق فى الشاشة *مندمجه الاخت*

بس والله من دون مجامله الدرس رهيب بس فى مشكله صغيييييييييره

ليش وقفت ، انا كنت اتريا تلوين الشعر

keep it up
J.bond

**هـداف** · 21-12-2002, 12:57 AM

ماشاء الله عليك اخوي إم زد إم:واو: :واو: :واو: :واو:

فعلا موضوع متعوب عليه بن قلب...بن قلب بن قلب:واو:

مشكور جدا جدا جدا جدا جدا جدا جدا جدا جدا على الموضوع

هذي المواضيع ولا بلاش

**MZM** · 21-12-2002, 06:04 AM

السلاااااااااااااااااام mai_arumashi و sha3er

حياكم الله و مشكورين على الكلام اللي يثلج الصدرررر

و مشكورين جدا جدا جدا جدااااااااااااااان

mai_arumashi
الموضوع ما وقف ... هاذا تصحيح للموضوع الاساسي القديم ... بعد ما عدلت صيغته و حطيت كل صوره برد بروح بالمنتدى على شان ما تنمسح و ما يصير أي خلل ..
صار الموضوع طويل حيل و بصفحات كثيره ... هاذي هي صورته و حجمه الحقيقي ... ان شاء الله ما يكون طويل حيل و يكون مفهوم للكل
و ان شاء الله يكتمل التصحيح بأقرب وقت ^^

**MZM** · 21-12-2002, 06:28 AM

الحين نكمل الشرح ^^ من المكان اللي وقفنا فيه

نبدأ برسم الشعر بإسلوب بسيط و سريع
اولا رسم شعر الحاجب
راح ناخذ منعطف بسيط بالشرح ........ و نظرب مثال بسيط لرسم الحاجب بالتفصيل
(( بناء على طلب أخوي العضو Touya

))

اولا الحاجب يكون في طبقه مستقله فوق الجلد ((( في مثالنا الأصلي الحاجب موجود مع طبقة الوجه فوق الجلد )))

الموضوع: تصحيح لموضوع : الرسم و التلوين بالفتوشوب .... ( بس بجنوون !)

أدوات الموضوع

ضوابط المشاركة