بكم هالقصيده؟؟؟

**ولد بوظبي** · 30-12-2002, 01:54 AM

اللهم لا تؤاخنا بما فعل السفهاء منا.

و انا هب مسوي عمري جدام خلق الله لأن كل شي واضح .

.

**هدير جميرا** · 30-12-2002, 07:10 AM

صدقه الصراحه ولد بوظبي هذا عازف العود جلب القضيه الى دردشه فوضويه .......... الحينه نحن نتكلم في واد وهوه ياينا ايرافس لاحوووووووووووول بس انته الله ايهداك ياولد بوظبي ما لقيت الا هلموضوع تكتب عنه عندك مواضيع اهم هالشي اللي كتبته ايسوي فتنه في المجتمع وايخللي الناس تحمل الحقد والغل مع انه شيوخنا والله انهم نعم الشيوخ هب مخلين علينا قصيره وشوف انته باقي دول الخليج كيف متلعوزين فلا تجلب موضوع الشعر الى قضية سياسيه يستويلها جذور وبعدين تتكاثر شجيرات الفتن في البلاد وبتحمل اوزارها على يامعتك ?:

**ولد بوظبي** · 30-12-2002, 08:12 AM

مشكورة أختي لوسي

و مشكورة أختي هدير جميرا على تفهمج و كلامج الرائع .

و مثل ما قلتي الموضوع ما يحتاج أنه يآخذ أكثر من حقه .

أما عن الاخ عازف العود لي أنا و أياه نقاش طويل على المسن .

و تحياتي للوسي و لهدير جميرا.

(لوسي هدي أعصابج و كل شي واضح في الكوكب الصغير)

**ولد العرب** · 30-12-2002, 11:30 AM

الرسالة الأصلية كتبت بواسطة عازف العود
يا خالد الفيصل ارجووك
ارجوووك

وانته شو حارنك ياخي شيوخ وكييفهم ولاتدخل في السياسه

احسن

والي مايطول العنب حامظ عنه يقوول

لاتكوون حسود

السلام وعليكم جميعا

عازف العود...اعتقد نك قريت من شروط المنتدى لم تسجل...شرط هو(الالتزام بالادب والاخلاق).بس ما ادري اخوي..اذا هالكلمات تتلفظها في فريجكم او لما تقعد جدام الدكان اللي عدال بيتكم ..احب اقولك انه شي فق لأنه هذا منتدى ثقافي بالدرجه...يعني كل واحد يطرح فكرته ويدافع عنها بادب..واذا كان الطرف الثاني له فكره مغايره مو مشكله يعرضها ..بس يعرضها باسلوب المثقفين مو باسلوب عيال الفرجان...

وانا من اول ما قريت لك اول رد ..عرفت انك انسان مشترك بالمنتدى ..بس اشتراكك مثل عدمه...واعتقد اسمك يبين على شخصيتك(المثقفه)

وبعدين ولد بوظبي صادق....
يعني خلونا نحكم المنطق قبل كل شي....لطيفه بنت محمد عمرها 13 سنه...شلون بتقدر تالف هالكلمات البليغه اللي يمكن لين الحين ما مرت عليها بدراستها؟؟؟لو كانت عايشه حياة بدو بنقول يمكن..اما هي احضريه والمعروف عن الحضريات عزوفهن عن الشعر........

بعدين على طاري الشيوخ..شيوخنا مو ملائكة علشان ننزههم من الغلط..هم بالفعل والنعم فيهم معيشينا حياه مرفهه ومخليننا اغنى شعب عربي والحمد لله هذا فضلا عن اسم الامارات عربيا وعالميا اللي خلوه يرتفع..ونشرو التكنولوجيا بالامارات لدرجة انه الامارات ترتيبها ال21 على دول العالم من حيث عدد الافراد المستخدمين للكمبيوتر والاولى عربيا.....بس طبعا هم ضحوا بجزء من الدين ونشروا الخمور والدعار بدبي..وكانها مدينة من مدن الغرب المتحرره....

واعتقد لو قارنت السمعه اللي وصلتها دولة الامارات بالجانب الديني اكيد راح تدرك انه الجانب الديني جدا مضحى به في سبيل التكامل الاقتصادي على قولهم.....
باستثناء امارة الشارجه

واتمنى من كل قلبي....انك تحترم نفسك والفاظك والاعظاء ..وتعلم المناقشه وخذ لك كمحصة اخلاق..ولو انه الاخلاق ما تدرس الاخلاق تكتسب من البيئه اللي عايش فيها الفرد..وانت للاسف بينت لنا البيئه الي عايش فيها
وشكرا

**ولد بوظبي** · 30-12-2002, 08:59 PM

صدقت يا ولد العرب ..... ومافي كلامك غلط

وياليت مثلك أثنين.

**Classic Evil** · 30-12-2002, 11:49 PM

تم حبس " ولد بوظبي " كاتب الموضوع من قبل أمن الدولة .

**عبد الله سلطان** · 31-12-2002, 01:23 AM

ولد ابو ظبى انا اّسف على كلامى اللى راح اقوله فى موضوعك .اتق الله فى نفسك حبيبى ولا تحملها وزر ما تقول .
الا يوجد اولاد صغار فطاحله فى جميع المواهب وفى جميع انحاء العالم
لماذا المسلمين والعرب بالذات لاتصدق انهم من يقولون الشعر والنحو ولهم معجزات كثيره وانت تعرف ان فى كل الدنيا ان الوراثه لها دخل فى كل شى . واعذرنى فى ما سأقوله الان هل اذا جائك اخ او اخت متغيرة الملامح اوالبشره ستقول انها ليست اختى او أخى .والبنت او الولد يأخذ من واليه صالح دائما . هل اذا جاء واحد او وحده من بنى سام او جونسون
هل تصدق ام تقول ما قلته فى بنى وطنك على العموم لك حريت الاختيار
وانت من يحمل وزرها وانا علي تنبيهك فقط لاغير والسلام عليكم ورحمة الله وبركاته

**ولد بوظبي** · 31-12-2002, 10:03 AM

لا تعليق بعد كلام الوالد عبدالله سلطان

**ولد رأس الخيمه** · 01-01-2003, 01:15 AM

السلام عليكم !!

أول شي انا اتفق مع ولد بوظبي في كلامه !! لأنه عين العقل ! أول شي مستحيل انسان ابهذا العمر ( عمر الشيخه لطيفه بنت محمد الي عمرها 13 سنه ) اتكون عارفه معنى كلمات القصيده الي على اساس انها كاتبتها ! مو بس الشيخه لطيفه بنت محمد , اي وحده ابنفس العمر حتى لو كانت بنيت سيباويه !! مع احترامي للشيخه !! يعني الموضوع معروف والرساله تنفهم من عنوانها !!
بعدين يا أخ عازف العود اذا ما عندك رد منطقي و مثقف ( ترى السكوت من ذهب ) وبعدين انت يالس اتدافع عن الشيخه و أنا متأكد لو ما كانت شيخه جان ما عطيت للموضوع اهميه , ويالس اتسب الريال بس لأنه قال كلمة حق ! ترى لا اتعب نفسك بالكتابه لأنه كلامك ما بيودي ولا ايب !

مع تحياتي للجميع !

**ولد رأس الخيمه** · 01-01-2003, 01:33 AM

(( مسج خاص ))

أبا لبانه !!! نغزه لبعض الناس ;-)

السموحه

الحين الكل بيشك ابعمره لوووووووووووول !! مع السلامه !

**Classic Evil** · 01-01-2003, 01:56 AM

الحين هذا مب دليل كافي و مقنع إن الكلمات أكبر منها

و هم مب أغبياء لدرجة إنه يسوون لعبة مثل هذي عالمكشوف ...
و كل كلامكم مبني على الظن , و الظن لا يغني من الحق شيئا ...
اللي مو متأكد من كلامه لا يحطه , واحد يقول أنا اظن أن الكلمات كبيرة عليها , و الثاني يقول عمرها 15 سنة , و هذا يتوقع شيء ثاني .....! أقولكم قاعده تستفيدون منها بحياتكم : متى وجد الإحتمال , بطل الإستدلال .

**ولد رأس الخيمه** · 01-01-2003, 02:28 AM

أخوي evilneverdie كلامنا مش احتمال !! أنا اتفق معاك في هذي القاعده : متى وجد الإحتمال , بطل الإستدلال .
يبقى شي اسمه عقل و منطق ! العقل و المنطق ايقول مستحيل يصل مدارك الأنسان الى انه يكتب شعر بهذا العمق اللغوي في هذاي المرحله السنيه الي اهيا مرحلة الشيخه لطيفه !!
ابا اسألك سؤال صريح ! انت مقتنع انا الشيخه لطيفه شاعره ؟

تحياتي !

**Classic Evil** · 01-01-2003, 07:18 AM

ياخوي .. قبل كل شي .. انتم بنيتوا هذا الرأي بالأصل من الظن .. .. لأنه كل واحد قال مو معقوله كلماتها .. فغلب على ظنكم إنه هي .. بالنسبة للعقل و المنظق .. ففي وايد أطفال أبدعوا .. مواهب من رب العالمين .. و عن سؤالك , فلا تستغرب , أعرف شخصيا شخص قرى خاطرة تأثر فيها .. باليوم اللي عقبه كتب خواطر و الله ما تصدق إنه هو و تقول هذا يكتب خواطر من 15 سنة .. وبعدين أنت فكر بعد , هل هم أغبياء للدرجة هذي عشان يعطونها شي أكبر عنها ؟

على فكرة .. هل أنت العضو ر * ا * *

؟

الموضوع: بكم هالقصيده؟؟؟

أدوات الموضوع

ليش تزعلون من الصراحه !!

خارج الموضوع !!

ضوابط المشاركة