هيييييييييييييييييييييييه.........
باركولي ...
صرت خاله...
اختي ولدت أمس...
وجابت ....أحمد.....
ما شاء الله عليه...
زغرووووده عشان الحبايب...كللللللللللللللللللللييي....:#
أمس درينا بالخير في الصباح وانطلقنا على أبوظبي مباشره...
مستشفى الكورنيش..
الطابق الثاني..
عنبر أ
الغرفة 17 ....
بسرعه بسرع.............شايلين الورد والحلاو ...معانا وكل الشوق بشوفة الحفيد الاول...
ياحليله ......يهبل.........يشبهني .......لا يشبهني....لا ويش بلاكم..يشبهني أنا..
حبيبي ..صغيروني.....عديت أصابع يداته وريوله ...كل يد فيها خمس أصابه ...وكل رجل ....سبع أصابع ....يعني الحسبه مظبوطة:6
ومسرع ما ازدحمت الحجرة.....بالزوار...ناس جايه وناس مروحه...وبالليل طبعا...خلوني ظانا وأخت ريل أختي ...اسمها(شليويح)....:6
نبيت عند اختي...عاد هي استانست....ما بتذاكر رياضيات ....ترى بتبدأ الامتحانات النصفيه ألحين...وهي تبغى تهرب وتطوعت بالبيات..:6
طبعا تبغى تغير جو وتستانس على قولتها ...طلبنا بيتزا هت لين المستشفى ....وترسنا بطونا ...وجينا نبي ننام ....وفجأه..:!
الموهم..............الولد طبعا كان طول النهار نايم ....وفي الليل صاحي جوعان طبعا..يصارخ طبعا......... كل عشر دقايق بالضبط....(الولد دقيق في مواعيده :6) واحنا تحملناه لين الساعه وحده بالليل ..وبعدين بدينا نتعب..
وأخذنا نتناوب...في حمله وتهديته -طبعا أختي ولا كأنها أمه راقده ومرتاحهوعلى قوله السوريين احنا أكلنا هوا- ..فضحنا ...كل الراقدين في المستشفي قعدوا من الرقاد على صوته...:# .....وطبعا كان عنده غازات في بطنه متعبتنه....وعشان كذه كان الوجع يروح ويرد ...وكل شوي ندق على الممرضات (CALL)والممرضات طفروا منا صراحه..ماشي شغله:6 غيرنا ...والمستشفى زحمى (موسم الولاده طول السنه):6 ...طاقه المستشفى 6000 وكان يومها...فيه11000 تقريبا.....بين حالات الولاده والمخاض والتعبانه...وكذا.........
صارت الساعه 4 الفجر....وكنت لحظتها أحطه بكل هدوء في فراشه...
سرت بسرررررعه أرقد.....وبعدين أول ما حطيت راسي على المخده أسمع صوت: أه........أأ .......هه...........وشليويح جنبي تقول وهي شوي وبتصيح من التعب:الله يخليك ...خمس دقايق بس...هىء هىء ..
وأنا صرت أضحك ...وبهستيريه -مو يقولون شر البليه ما يضحك؟- وهم يتحروني تخبلت....
الموهم ..تمينا على ذي الحال لين الساعه 5:45الفجر ورقدنا أخيرا..
الساعه سته وقت فطور المستشفى....وأصوات عمال ناس رايحه وراده...كل هاذيل رقدوا طبعا...وأختي..تقولي قوموا يالكسالا انا جوعانه ..وما احب أكل المستشفى ...سيروا الكفتيريا تحت ..جيبولي فطور....طبعا ماحد عبرها:6 ..... المهم ..الساعه 9 صباحا ...الناس بدت تيجي ...ويس المستحى ؟ ....طبعا لازم نقوم من النوم..قمنا وعيونا كأنه حد مخيطها....والولد بعد الساعة تسعه الصباح استقرت حالته..وهدا ...وبعدين ..جت أمي من البيت....يالله بتروحين البيت....تمنيت أتم مع أختي رغم التعب اللي تعبته...وطلعت والدموع في عيوني ونمت طول الدرب لين ما وصلنا عجمان...وكملت نوم في البيت...وألحين ..كتبت القصه .....هاي وأنا مرتاحه في البيت ..صحيح يوم قمت من النوم حسيت ضلوعي مكسرة وكأن مرت على كتيبة مشاه ودبابتين ...وأربع حاملات صواريخ ...لكن ألحين حمد لله حاسه أني أحسن....
خلاص كتبت وايد وما أبي أطول عليكم....
مع كل الحب..
خالتكم:6
صدى الليل
....
