جالاري ‘نداء الخيال‘ رسومات من عوالم رواية.

[Neo Cid]

الرسالة الأصلية كتبت بواسطة REFLEX
بنسوي حفله اليوم !!!
... شو السالفة !!
رواية حط رسمات!!!

يالله...
بسم الله ...

الرسمه الأولى اللي كأنه شكله مقاتل ...
التصميم جميل ... خاصة شكل الدرع على الأكتاف ...
بس حاط سهم بروحه ... ناقصنه قوس ..

اما الرسمه اللي وراها عن جد عجيبه ":" !!!
وضعياتهم حلوه !!! وألاحظ تطور في أسلوب الملامح بشكل ملفت ...
بس أحس يد الولد شوي كبيرة ...
وأذن البنت غريبه جدا ... ?: ... ما لاحظت ... (( طبعا الا اذا كنت قاصد هالشيء)) ...

أما الرسمه اللي وراها توحي بأنه شخص قوي جدا ...
وضعيته كلها ثقة ^^ ...

أما الرسمه اللي وراها :! ...
واو !! أبدعت بمعنى الكلمة !!!!
اولا الملامح غير !! شكل غير عادي !! مناسب جدا مع الوضعية !!
والشعر رائع جدا .. خاصة لمعاته ^^ ... ومناسب لشكل الشخصية

أما الجسم والملابس مضبوطين بشكل مدهش ^^ ...
خاصة ثنيات الملابس ... , ضبطتهم ما شاء الله عليك

أما اللي بعدها لا تختلف كثيرا عن سابقتها في روعة الملامح والشعر !!!
لكن أشوف العين اليمنى اللي عند البنت يبيلها تضبيط أكثر

والرسمه الأخيرة عجبني فيها تصميم الملابس بشكل خاص
كأنه خليجي ... بس ياي غير ^^

أبدعت أخ رواية وان شاء الله نشوف دائما من فنّك المتجدد

سلام ^^ ...

هذا كل كلامي .. أخوي ريفلكس كفى ووفى ..

ماني قايل .. غير أن رسومك ممتازة ... و تكملة كلامي تلقاه برد أخوي ريكس ..

ننتاظر رسومك الثلاثة ..

و دمتم سالم واحد ..

[هـداف]

أهلا كابيتن رواية

آسف لأني من زمان مارديت على الموضوع.....لو كنت أدري إن في رسومات جديدة كنت علطول شايفني بالموضوع


___________
بالنسبة للرسمات......جميلة جدا...وبخاصة الصدر والجذع وحركة الأصابع...طبيعية جدا...بس شالسالفه سرنا مانشوف رسمات ملونة?:

ننتظر منك هالرسمات

[mai_arumashi]

ادري يمكن تاكلنى بس بسسسسسسسسسسس

هي البنت حلوه و الثياب لا تخلو من التفاصيل التى تزيد من روعتها بسسسسسسسسسسس

( وياشينها من كلمه)












مو جنه البنت يالسه تنعش?: ( ولا انا اتخيل؟)

[Rewayah]

شكراً ريفليكس نيو سيد وشاعر! ;-)
أبيه نسيت رسمة خلود! @@
رحت فيها! @@
بحطها بحطها ألحين! :0)

وهاي يا طيبين رسمة أخرى!
وهي عبارة عن شاب سرحان... !
بغيت أجرب بس هالتسريحة الجديدة.
وشفت أنه القميص الواسع بو غطاء الرأس يناسب التسريحة.
بس نسيت أرسم غطاء الرأس متدلي من ورا!
قصّة: كأنه حد قايل له شيء وهو مب مصدق اللي سمعه ومن فرحته سرح!! ":"
رواية: هيه! يذكرج بنفسج يوم في مثل هالمواقف!! @@ هههههه

[Rewayah]

الرسالة الأصلية كتبت بواسطة mai_arumashi
ادري يمكن تاكلنى بس بسسسسسسسسسسس

هي البنت حلوه و الثياب لا تخلو من التفاصيل التى تزيد من روعتها بسسسسسسسسسسس

( وياشينها من كلمه)

مو جنه البنت يالسه تنعش?: ( ولا انا اتخيل؟)

تنعش؟؟!! :واو:
قصّة: كهيهيهيهيهيهيهيهيهي
رواية: !! @@
وليش "يمكن آكلج" يا ماي أروماشي؟؟!!
بس صح أنا توني لاحظت إنه وقفتها وحركت راسها وإتجاه شعرها كأنها يالسه تنعش... !!
قصّة: وهل هذا يثبت أن التفكير الخليجي كان ماكل راسك وعقلك الباطن كان يلعب دورة وأنت لا تشعر؟!
الرسمة طلعت ذات ملمح خليجي رواية... تهانينا!! ":"
رواية: مادري أفرح ولا شوه... مستغرب...
قصّة: كولولولولولولولولولولو!

شكراً ماي.

وهاي رسمة جديدة... أعتقد إنه نفس الشاب اللي في الرسمة اللي فاتت.
ورسمت هالمرة غطاء الرأس بس عشان خاطر التجريب مع التسريحة. :0)
مثل ما تلاحظون سويت هالشيء في رسمه ثانية, والقبلية ما غيرت أو مسحت فيها. :0)
وزدت معاه صديقة عشان الدراما.
قصّة: رواية, "صديقة" ثقيلة شوي...
قول "زميلة"!
رواية: إن شاء الله عمتي!
هاي ربيعـ أأأ قصدي صديقـ أأأ أعني زميلته في العمل.
قصّة: وليش يعني زميلته "في العمل" بعد؟؟
هالكلمة ما تمشي يعني إلا مع هالثانية؟؟؟ ههههههههه

[Rewayah]

حياكم الله يا أعضاء يا طيبين! ^^
قصّة: إشرابوا الحليب!
حكاية: للصحة وللقوة, إسألوا الطابيب... هااي! ":"
رواية: عنز !! @@

هيه عندي ملاحظة, لقد قمت بتغيير عنوان الموضوع من:
("نداء الخيال" رسومات من عوالم رواية).
إلى:
("نداء الخيال" إسكتشات ورتوش من عوالم رواية).
وذلك لأن أغلب الرسومات المطروحة في هالجالاري غير ملونة.
ولأنه الجايات سيكون أغلبهم أسود وأبيض والبعض ملون.

المهم,
وهاي كذلك رسمة أخرى.

الفكرة كانت عبارة عن صديقين يقفان للكاميرا, بيصورهم صاحبهم.
لكن مع ذلك, ما قدرت أرسم بالظبط الي كان في بالي.
بس النتيجة النهائية نسبياً عجبتني.
يا ناس المواضيع تخلص ابي شيء جديد...
هههههه
قصّة: أقدر أوقف عشان أتصور معاهم رواية؟ ":"
رواية: سوري قصّة! أنتي شوه؟ عنز؟؟
الصورة تم تصويرها من زمان في السادس عشر من أيلول!
(في السادس عشر من أيلول) عبارة نستعملها بكثرة في البيت للتعبير عن أنه الشيء
صار خلاص وما فيه أمل ":"

المهم, بالنسبة للي في وجهه جرح, عندي تصور قوي لشخصية "جراي" من مسلسل
المبدع أوسامو تيسوكا جزيرة الكنز, وهاذي الشخصية كثيرة الظهور في إسكتشاتي.
الصياد "رَجدي" من ~ البحيرة المنسيّة~ نسبياً على شاكلتهم! ^^
وشعره كحلي غامق مزرق. ;-)
راح تشوفونه جريب.

[Zarzora]

يا روايه الرسمه حلوه تينن;-)
نبي نشوف منك أكثر:-)

[ODIN]

ماشاء الله شي خيالي .. الله يحفظك ..

ملاحظ بكل رسماتك دائما تضعف الخصر كثير

[هـداف]

ماشاء الله عليك كابتين رواية....تجينا فجأة وتحط رسمات جميله وعديده بنفس الوقت اللهم زيد وبارك:0)

الي يعجبني برسمك هو انك تستخدم خطوط بسيطه جدا لكن مداها وتعابيرها كبيرة جدا....والعين ماشاءالله.....جميله جدا وواضحة بشكل مكثف.....أعتقد انك مهتم فيها وايد(قلت أعتقد بس )

ننتظر منك المزيد والمزيد يا الكابتين:6 ;-)

[ديابلوس]

واااااااااااااااااااااااااااو ^^

رسماتك الاخيرة يا رواية رهيبة ^^

رسمك للجينزات مذهل ^^

اتمنى اني ارسم جينز مثل اللي انت ترسمة :"

ما في موضوع لتعليم رسم الجينزات؟؟

اذا ما في .. تقدر تحط موضوع للجينزات

ما عندي سالفة

اخلي الرسمة كاملة و اسير للجينز

الله كريم

انتظر المزيد ^^

[Rewayah]

الرسالة الأصلية كتبت بواسطة ODIN
ماشاء الله شي خيالي .. الله يحفظك ..

ملاحظ بكل رسماتك دائما تضعف الخصر كثير

حياك بدر حياك! @@
أودين طرشت لك رسالة خاصة شوف لي إياها الله يخليك! :"

بالنسبة للخصر, أفا عليك أودين!
أقدر أرسم لك خصر عريض!
بسيطة!
إن شاء الله في الرسمات الجاية بحطلك رسمه كذيه! ;-)

مشكور شاعر وحياك!

الرسالة الأصلية كتبت بواسطة sha3er
جميله جدا وواضحة بشكل مكثف.....أعتقد انك مهتم فيها وايد(قلت أعتقد بس )

لا تخاف, ما راح أفهمك غلط شاعر! ^^ ههههه

الرسالة الأصلية كتبت بواسطة ديابلوس
رسمك للجينزات مذهل ^^

اتمنى اني ارسم جينز مثل اللي انت ترسمة :"

ما في موضوع لتعليم رسم الجينزات؟؟

اذا ما في .. تقدر تحط موضوع للجينزات

ما عندي سالفة

اخلي الرسمة كاملة و اسير للجينز

الله كريم

هلا ديابلوس!
هو شوف, أصلاً لازم بتيجي فترة راح تهمل الجسم كله وتركز على تحسين رسمك في الملابس بشكل عام.
سواء جينزات, قمصان... إلخ.
هو أنا أقدر أحط موضوع أشرح فيه رسم الجينزات بأسلوبي.
بس راح يكون في موضوع عام عن الملابس لو تبغي.
مشكور وحياك.


...
وهذه إسكتشات ورسومات جديدة!

هاي الرسمة عبارة عن إحدى الشخصيات من قصة ~البحيرة المنسيّة~.
وهي أخت البطل وتدعى "هديل".
بس هاي كانت أحد الأشكال البروتوتايب واللي غيرتها لاحقاً (تغيير طفيف).
وهنا نراها مع شلّة صديقاتها في المدرسة.

آمل أن تعجبكم.

[Rewayah]

وهاي رسمة أخرى لشخصية تندرج تحت مصطلح "سيّدة القصر".

هالمرة كنت أنوي أن أرسم واحدة شعرها مو كالمعتاد مربوط للأعلى كسائر نساء
الطبقة الأرسطوقراطية.
وإنما ذات شعر عصري قصير.
كنت أريد ان أرى هل الفكرة تناسب أم لا.
والحكم لكم.

وطبعاً عززت الفكرة بشخصيتان أخريان عشان ما تكون الرسمة مجرد بورتريه فردي...
وعشان أظفي طابع آخر على شخصية هذه النبيلة, جعلت إحدى الشخصيتان فتاة "Fistty"
متمردة مع "باندج" صغير على خدها.
مما يوحي بأن "سيّدة القصر" هذه, غير عن باقي النبلاء, فهي تصاحب أناس من مختلف الطبقات.

[Rewayah]

وهاي رسمة بعد.

سامعين عن مصطلح "Son of a Gun"?
أعتقد إنه هالجملة تنطبق على هالرسمة. ":"

وهي عبارة عن شخصية كسائر الشخصيات التقليدية.
كنت ناوي أن أرسم شخصية تناسب "أبطال العصابات", لكن صغير في السن.
أعتقد إني أخفقت...
لأنه نسبياً كأنه عمره طلع أكبر من اللي تصورته.
قصّة: مو كأنك نسيتني؟
رواية: هلاو قصّة! ^^
قصّة: الولد أصغر عني!...
رواية: ^^
قصّة: زين بس... ألا تعتقد أن رسم شباب صغار في السن... لكن يحملون مسدسات... نوعاً ما كأنها دعوة للتحريض على العنف يا رواية؟
حكاية: اللي يسمعج ألحين يقول يعني كأنه شباب هالأيام ما يعرفون شيء عن العنف! ":"
رواية: ^^

[orange road]

رسومك مبهرة يا رواية...
رووووووووعة...

لكن تعرف.. بعض البنات انت راسم لهم الشعر وايد رايح على فوق.. شكلهم كأنهم قرعان... يا ريت تحاسب على هالنقطة ^^

تعرف ليش الولد في اخر رسمة طلع اكبر من سنه؟؟
لانك وايد خليته (مفتول العضلات .. عريض المنكعين... شلولح) :!
(من مسرحية شاهد ما شافش حاجة.. :6 )

لو كنت تبيه يكون اصغر شوي كنت خففت من العضلات ^^ ورسمت جسمه اضئل (يصير تنكتب بهالطريقة؟ ما ادري)

وعندي كلمة اخيرة ^^
وين رسمة لوسيفر؟؟؟؟ :غضب:

[Touya]

اعتقد ان الشي اللي اقدر افيدك فيه اللحين هو ملاحظة من موقع شفته... إذا بغيت شخصية طفولية خل موقع العيون تحت خط وهمي يقسم الراس نصين.... وبعد الأطفال شكلهم مربع اكثر... بس هاذي مالها شغل هنا

بس صرحة حبيت الأتكيت اللي على سيدة القصر