السلام عليكم
كيف حالكم حبايبي أعضاء المنتدى عساكم بخير
نظراً لأني من زمااااااااااااااااااااااااان ما كتبت موضوع في قسم فاينل فانتسي الصراحه بدت إيدي تحكني بقوه و متصر علي و تقولي إكتب موضوع أقولها يا بنت الحلال مب فاضي تقولي إكتب موضوع و لا ترى ما أسمح لك تستعملني علشان تلعب وايلد أرمز عاد أنا خريتها علطول و قلت أكتب
على العموم و من غير ما نطول عليكم مثل ما تشوفون في العنوان إن الموضوع عباره عن مأساتي التراجيديه مع وايلد أرمز3 و هو قصه حقيقيه مليئه بالمشاعر و المواقف التي تجذبك معها و تحسسك أنك في عالم آخر و فيها العديد من الأحداث المشوقه و الرومانسيه>>>الرجال قلبها دعاية فلم
بس حبيت أنبه إنه إذا أي واحد صاير له موقف قهره سواء طفا عليه الشريط أو انمسحت التخزينه>>متعود على المواقف هذي
أو أي موقف قهره في لعبه سواء كانت لعبة أر بي جي أو لا فالباب مفتوح للمشاركه خل نخلي هذا الموضوع مفتوح لنتشارك أحزاننا و نواسي بعضنا>>>الرجال متأثر بمريم نور
الموهم
نخش في الموضوع علطول:
القصه كامله((هذي قصة مأساتي و التي أحببت أن أطلعكم عليها لأروح عن بعض ما في نفسي)):
في يوم من الأيام في قديم الزمان و سالف العص.....>>>>>>أقول أنت بتكتب قصه و لا بتجلس تستخف دمك الثقيل:غضب:
خلاص خلاص آسف :": >>>>>واحد خره:P
أبدأ في قصتي:
بدأت القصه قبل حوالي شهرين((يوم صدور وايلد أرمز3))
رحت إلى مجمع صحارى في الرياض و رحت إلى محل ألعاب الكمبيوتر أحسن محل ألعاب كومبيوتر في الرياض((موصينه يسوي دعايه
و أعجبتني اللعبه و كانت رووووووووعه بمعنى الكلمه و تحمست معاها و وصلت فيها إلى أن إقتربت من النهايه
و أنا معروف بلقافتي و مستحيل أترك لعبه ألعبها بدون ما أفصفصها ((أبغى أحلل قروشها شاريها ب240)) و هو عباره عن مرحله مكونه من أدوار((طوابق)) إذا دخلتها ما تقدر إنك تخزن و ما تقدر ترجع يعني إذا دخلت هناك You must take it all the way out
و ما فيه مكان للتراجع هناك إلا في أحد الأدوار التاليه: 10 , 30 , 60 , 100
أنا في المره الأولى((الي استبقت فيها الأحداث)) وصلت للدور العاشر و أخذت مني العمليه وقت طويييييييل ((أنا ما كنت متخيل إن المكان 100 دور كنت أحسبها أقل)) و يوم فزت على الرئيس في الدور العاشر جاني خيارين:
Do you want to Explore the abyss
((الخيار ثاني ناسي وش نصه بس معناه إني أطلع من المكان))
أنا طبعاً قلت:
I'll do anything but pleeeeeeeeeeeeeeeease get me out of here :"
طلعت و كملت رحلتي مع اللعبه و بعد ما تطور مستوى لاعبيني شوي و زادت ثقتي في نفسي قررت إني أروح أكمل في Abyss ((كنت على نياتي ما أعرف إنها 100 دور
رحت و وصلت إلى الدور العاشر ثم اخترت إني أكمل ثم جلست وقت طوييييييييييييييل حتى أصل للدور 30 و يوم وصلت هناك و جتني الاختيارات أعدت مقولتي الشهيره:
I'll do anything but pleeeeeeeeeeeeeeeease get me out of here:"
ثم أكملت اللعب في اللعبه و خلصت دوريين من دوريات Gunners heaven و زادت ثقتي في نفسي و قلت نروح نغامر من جديد و وصلت 10 و كملت ثم وصلت 30 و كملت ثم جلست وقت طوييييييييييييل علشان أوصل 60 و بعد ما باريت الرئيس هناك كانت طاقات لاعبيني جيده و معي أدوات لكن الساعه كانت 1 و نص بالليل و بكرا دراسه
فاضطريت إلى أن أكرر مقولتي من جديدلكن هذه المره بمزيد من الثقه و قلت:
I want to go out to the world map
و تعقدت و كرهت المكان و كملت في اللعب و أخذت بطولة Master في Gunners heaven و كملت و أنهيت اللعبه بس ما حسيت بالوناسه
حسيت إنه فيه شي ناقص
قلت يا رجال هي خاربه خاربه خلينا نعميها
و دخلت المكان الي سبب لي عقده نفسيه و وصلت فيه إلى الدور 17 تقريباً ثم اتصل علي زملائي و قالو حنا بنطلع قلت مب مشكله و سكرت الجهاز
ثم تركته على جنب لفتره تقارب الشهر ثم جاء واحد من أصدقائي و حمسني إني ألعبه((الكلام يوم الخميس الي راح)) و فعلاً بديت فيه بعد صلاة العشاء و جلست عليه إلى الساعه 1 تقريباً ثم جت أمي و عطتني محاضره ثم قلتله زين الحين أصكه و اسححححححححححححب و كملت إلى الساعه 3 و جت أمي و شافتني و زعلت علي قلت الله يقلع اللعبه الي تزعل أمي علي :غضب: و صكيتها ((كنت بالدور71 :" ))
ثم جاء يوم الجمعه و شفت أخوي الصغير شغل وايلد أرمز و دخل في Abyss و وصل الدور الثالث ((كان يبغى يحمسني)) قلتله هات أبكمل((الكلام الساعه2 الظهر))
أحس إني طولت عليكم بس معليش استحملوني هذا من زود القهر
جلست ألعب و ما تركت اللعب إلا أوقات الصلاة و تركته تقريباً من 10 و نص إلى 11 و نص ((طلعت أتعشى)) و يوم جت الساعه 12..........
أخيراً......
وصلت إلى الدور 100 و يا ليتني ما وصلت
جاني رئيس هناك
الرئيس ما يقدر يقتلني يعني بأحلامه السعيده يفوز علي
بديت أتبارى معاه و جلست أضبط اللاعبين و أحاول أحط استراتيجيه مناسبه علشان أهزمه
فاستنتجت إن الاستراتيجيه الأنسب بالنسبه لفريقي هي أن ألعب بلاعبين فقط((تعتبر الاستراتيجيه الأسرع)) و هما فيرجينيا و جالوس
مر علي الوقت و أنا أتضارب معاه و شفت الساعه كم تتوقعون صارت؟؟؟
كانت الساعه 2 و شوي:!
أنا إنهبلت و الصراحه زهقت و قفت اللعب شوي و رحت و فتحت النت و جلست أدور على موقع أعرف منه طاقة الوحش تتوقعون كم صارت؟؟
750.000
و أنا حسبت ضرباتي خلال الساعتين كانو حوالي 400.000 يعني توي باقي لي كثييييييييييييير و الأدهى من ذلك و الأمر..
هو إنه فيه رئيس ثاني يجي بعد هذا مباشره و طاقته 999.999 :!
أنا يوم شفت الدعوى كذا ضبطت الفريق على Auto ((بس قهر ما أقدر أختار لهم استراتيجيه على كيفي)) و رحت نمت
قمت الساعه 5 و نص و لقيت الفريق كلهم فاطسين ما عدا فيرجينيا طاقتها كامله و جالس تضربه أتاك عادي بدون سلاح((يعني بوقس)) و كان يضيع 45 أو 50 يوم شفت الدعوى كذا صكيت الشريط و عيوني مليئه بالدموووووووع:"
و لكن بصفتي لاعب أر بي جي أنا سأقهر Abyss و سأجعله لعبة أطفال":"
بس إصبرو علي خل تنتهي الاختبارات
مأساة محترف الـRPG
:" عذاااااااب :" 
