الموضوع الأزلي . تعريف الـRPG ومشاكل تعريفه .
السلام , كيف حالكم . موضوع تعريف الـRPG موضوع قديم وصارت فيه نقاشات كثيييييييييييييييييييييييييييييرية على مستوى العالم في الإنترنت .وفي الموضوع هذا أحاول ألخص ناتج بحث طويييييييييييييل سواه أحد كتاب مواقع الألعاب عن الموضوع (وللي للأسف ما عندي وصلة له ) .
أولا لازم نعرف حنا ليش نعرف الـRPG ؟؟؟ بالنسبة لنا كلاعبين ما أظن إننا بحاجة كبيرة للتعريف . ما أظن يفرق إن كانت اللعبة الحلوة هل هيRPG ولا لا . بس فيه ناس يحتاجون يعرفون مثل مواقع الـRPG( ولو انهم يتساهلون بالموضوع) واللي يسلمون جوائز لأنواع معينة من الألعاب .
أول مشكلة في التعريف وجود نوعين مختلفين كثير عن بعض من الاربيجيات . أولها اللي صارت تسمى بالـPC RPGs والممثلة بAD&D ومثيلاتها والـMMORPGs وغيرها . وثانيها الـConsole RPGs واللي كلكم عارفينها ولاعبينها . ومعجبين النوعين كلهم يدعون أحقية التسمية لنوعية العاب . فعشان كذا كان لازم يكون التعريف يشمل ويشترك بالنوعين .
ثاني مشكلة إن معنى كلمة RPG الحرفي يشمل اغلب العاب الكمبيوتر تقريبا ( لأنه بأغلب اللعاب اللاعب يأخذ دور الشخصية ) ناهيكم انه مسمى الاربي جي وجد قبل ما تنزل ألعابه ( الأصل فيها إنها كانت العاب نرد . وما زال فيه ناس ما لعبوا لعبة كمبيوتر بحياتهم بس انهم يسمون لاعبين RPG وهم الأصل ) .
ثالث مشكلة انه ما فيه مرجعية كبرى للألعاب . لأنها في الأول والأخير العاب . فعشان كذا يرجع للمنطق ( ولرأي بعض الأشخاص ) للتعريف .
إذا وش هو تعريف الـRPG . وش اللي يخلي لعبة معينة RPG ولعبة ثانية أكشن ؟؟؟ أظن كلنا متفقين على وجوب وجود قصة , مهما كانت قليلة , في أي لعبة RPG . بس لو اعتبرنا كل لعبة فيها قصة RPG كان ما استثنينا إلا العاب قليلة جدا . إذا لازم يكون هناك شي ثاني يميز الـRPG .
إذا رجعنا لاصل العاب الـRPG وجميع أنواعها ما نلقى إلا شي واحد موجود فيها كلها . كلها فيها نظام" ستاتس" يتطور مع القتال . حتى إن العاب الـRPG الأولى والعاب الـPC تركز على القتال وتطوير الشخصية اكثر من القصة .
خلاصة الموضوع انه عشان اللعبة تصير RPG لازم يتحقق فيها شرطين على الأقل . الأول انه يكون فيها قصة والثاني انه يكون فيها نظام ستاس ويشترط انه يطور بالقتال .يعني إذا ما توفر أحد الشرطين هذي بلعبة معينة ما تكون RPG مهما كان فيها من صفات تقربها منها .
في ملاحظة انه فيه نوعية من الألعاب قريبة جدا جدا من الRPG ودايما تخلط معها اللي هي العاب الـAdventure
. الألعاب هذي تقدرون تقولون عنها أنها RPG من دون نظام قتال يذكر ومن دون نظام ستاتس . و إذا كان فيها نظام قتال يصير اسمها Action /Adventure ( اشهر مثال عليها زيلدا ) . الألعاب هذي تركز على حل الألغاز وخصوصا التخاطب للتقدم في القصة . وهي من افضل أنواع الألعاب اللي أوشكت على الانقراض ( على حد علمي ما فيه لعبة Adventure على الPS2 غير Escape from Monkey Island ) .
في النهاية التقسيمات بالألعاب ماتهم . ويقدر الواحد يقسم زي ما يبي ( أنا شخصيا اعرف ناس كثير يناقشون بأن GTA لعبة RPG والمفروض انTheGIA تغطيها ) وأهم شي ان اللعبة تكون حبلوة وممتعة .
استنى ردودكم .
The legend returns......
للتواصل عبر الماسنجر :
gabha2003@hotmail.com