ياجماعه والله قلة ادب وقلة حيا

**الحــزيــن** · 06-02-2003, 01:05 PM

السالفه يابشر بدت اليوم الساعه تقريبا 2 وربع في مستشفى الإيمان في الرياض كنت انا وولد عمي مودين عمي للمستشفى هذا بيسوونله اشعه رجله منعسره المهم وانا واقف برا مع ولد عمي الا وفيه بنت ومعها امها عجوز وتعبانه مررررررررره وكانت على كرسي حق المستشفى المهم جا البنغالي حق المستشفى وقال للبنت قومي ماما دكتور يبغى كرسي قالت وشو اعطيك اياه؟؟؟ قال ايوه هاتيه قالت معصي والله الحين ماتشوف امي تعبانه حول ماتموت وتقولي هات الكرسي اما قلة ادب ماشفت زيها طبعا علا صوتها وسمعناها ورحنا انا وولد عمي وقربنا من عندهم المهم البنغالي قام يطول صوته يوم قالت البنت روح بس روح اما حيوان بصحيح ومشت يوم قال البنغالي انتي حيوانه وياليته ماقالها انا وولد عمي ماسكين انفسنا ماودنا نخربها فيذا رجعت البنت وقالتله كل ** ياحمار يوم قال البنغالي انتي حماره ماكمل جملته الا انا وولد عمي ناطيين عليه والله حول ماندبغه الا شوي جوا الإخوان اللي في الإسعاف وفكونا طبعا جا مدير المستشفى وقال وش فيكم قلنا ماسمعت وش قال الهندي قال الا سامعه قلنا وشوله ماجيت تفزع قال وش دخلكم يوم قال وش دخلكم وطرطعت انا قلتله اذا صرت انت **** فحنا منب ****** يوم طرطع المدير وقال تبي تشتكي عليه ولا علي رح لوزير الصحه قال ولد عمي طيب انشاء الله الأسبوع الجاي انت وياه مفصولين يا ******

هاه وش رايكم باللي صار وحط نفسك مكاننا هل كنت تبي تفزع ولا لا؟

**snow river** · 06-02-2003, 01:09 PM

هههههههههههههه

والله ماقصرتوا يعطيكم العافيه ":" ":" ":"

لو انا مكانكم علطول بفزع لاني احب الطقاق ":" ":"

**RPG_master** · 06-02-2003, 01:10 PM

كلهم غلطانين:6

**MoaeD** · 06-02-2003, 01:11 PM

دايم هذا مستشفى الإيمان مشاكل

ياما الوالد كتب فيه تقارير للوزير كثر التراب

إداره زفت وعماله ازفت وازفت

**Black Box** · 06-02-2003, 01:12 PM

أظن اللي أنت سويته ما يكفي بحق هالبنغالي ...

بس حلوة منك :-)

**TIFA Lockheart** · 06-02-2003, 02:12 PM

والله انكم كذا

**أبو نايــــ^_^ــــف** · 06-02-2003, 08:17 PM

والله لو اني مكانكم كان شقيت راس البنغالي
عشان كل مايبي ينافخ يتذكر الشق اللى في راسة ومايسويها

**انجلينا17** · 06-02-2003, 09:02 PM

لا زين سويتوا

**sul911** · 06-02-2003, 09:15 PM

المفروض على طول بمطرقة

**Devil may cry2** · 07-02-2003, 01:09 AM

الرسالة الأصلية كتبت بواسطة MoaeD

إداره زفت وعماله ازفت وازفت

مطعم

**SNOoOP** · 07-02-2003, 01:15 AM

وينك فاقدينك يالحزين

أقول مابقى الا أبو بنقل يسب هو وخشته

يتفلت يتفلت على ربعه في بنغلاديش

وياكثر الطقاق مع هالبنغاليين وحط خط تحت بنغاليين لأن الهنود خوافيين ويعرفون قدرهم

أهم شي أنك خبزت وجهه

الا على فكرة وش معنى ذي *****:6

**Mahdee87** · 07-02-2003, 01:20 AM

جزاكم الله خير

لو مكانكم

بنادي الشلة وبنروح خخخخخخخخخخخ:0)

**( الزعيم )** · 07-02-2003, 02:25 AM

مايكفي الطق في البنغالي ..

كان كملتوا الناقص في مدير المستشفى ..

تحياتي لك يالحزين ,,

**cubelover** · 07-02-2003, 07:54 AM

ياما الوالد كتب فيه تقارير للوزير كثر التراب

ردد

ياليل ماطولك

**THUG_LIFE** · 07-02-2003, 08:19 AM

ياشين الهندي اذا استقوا ...........لو اني منك والله لا العن بليسه...

الموضوع: ياجماعه والله قلة ادب وقلة حيا

أدوات الموضوع

ياجماعه والله قلة ادب وقلة حيا

ضوابط المشاركة