ياوقح .. يابذيء .. كف عني "برطمك"

[HArb200]

السلام عليكم ..


اكيد كلكم فرحانين .. وسعدانين .. ومبصوطين .. بالعيد ,,

لاتقولون انت بعد سعيد .. ترا تحطون يدكم على الجرح .. ويبدا بالنزيف !!
ايييه الله يهنيكم .. ويجعل ايامكم كلها سعيده وهنيه .


المهم .. البرد زين لاشك .. لكن عند قرب انتهائه .. يجينا مخلوق كريه .. قبيح .. بذيء .. مافيه أحد مادعا عليه .. الا وهو "النامس" .. وفي بعض الروايات " الملاريا" << فرق شاسع .. ويقال لها "البعوضه" .. وبالهنديه "ذبان بس يقرص" .. واختلفت الروايات .. والحجه على الراوي .. <<انت وش قاعد تقول !؟

المهم .. هذا المخلوق .. آذاني وأقلق عيشتي .. وأضجع نومي .. ومدري وش بعد .. من الاحزان وضيقة النفس اللي جابها معه .. الله لايوريكم .. معاد أطيق العيش بدون الشرشف .. الحين اكلمكم وانا متلطم .. ومتربط وشكلي تقل مومياء من العصر الفرعوني مدري وش يقاله .

وذلك بعد المعاناه اللتي حصلت لي في أحد الايام .. فبينما انا جالس اتصفح النت .. بسلام وهدوء .. وارمق بنظرة خاطفه احد مخلوقات الله (النامس).. واتعجب منه ومن شكله .. وابتسم له بكل أخويه ووديه وحبيه .. اذ بتلك القرصه .. اللتي كاد أن يغشى علي فيها .. واناظر يمنة ويسره .. قدام وورا .. ابحث عن القارص .. فااذ به .. نامس قابع عند اصبع رجلي الاكبر .. واذ ببراطمه قد تغطت بالدماء .. وهو يمص من الدم .. حتى اغمي علي.

"طبعا .. الموضوع من معاناه ..ولاجهزت له.. لذلك .. تحملوا .. بتصير فيه لفات غير طبيعيه .. وشطحات مهيب صاحيه "

نكمل .. طبعا مع هذي المعاناه الشديده .. قررت فعل الجريمه الشنعاء .. وقد استثار دمي من تلك الليله .. وخططت ودبرت كل مااحتاج من أسلحه .. "وكمامات" ..

ففي اليوم الحادي والخمسون من شهر ذي النقزه .. وفي يوم الاربعه .. وبينما انا اطقطق على الانترنت .. والمح بعيني اليسرى .. تلك الناموسه القبيحه .. وهي منتفخه بعد مامصت من دمي لين قالت بس

قهر .. دم كله من أحسن المطاعم .. لو على ايام الفلافل .. كان بقريح .. بس للأسف .. كلها من مطاعم راقيه !!

نرجع لسالفتنا .. فبينما انا ارمقه بتلك النظرة الحاده .. اذ وقّع (بيجيك واحد دلخ الحين .. ويقول .. وشلون يوقّع ولا معه قلم ؟! ) ماعلينا .. المهم .. بينما هو موقع على الجدار .. اذا اقوم بحركه خفيه .. واجيب السلاح الحاد .. وهو عباره عن كتاب مكون من 200 صفحه .. وارجع لمكاني .. واحدد الهدف.


وطاااااااااااااااااااخ(لاأخفي عليكم أنني نتعه بالملعون وبصوت مرتفع .. وذلك لشدة الحقد اللذي بداخلي) ... اذ به يقع مغشياً عليه

واذ به ينفعص تحت قوة وهول الصدمه .. فينتقل الى مثواه الأخير

ترحموا عليه !

المهم .. وتجي الفزعات .. من قومه .. واذ بهم جحافل لايشق لها غبار .. واذ بي اتراجع بحنكه ودهاء لامثيل له ..وأطبق الخطط .. وأجيب الدرع .. وهو عباره عن شرشف مغطى بطبقه خفيفه من الكريمه <<وش !؟؟ ..

لا وش مغطى .. شكلي خشيت جو مطاعم .

اقصد شرشف .. ساده .. المهم .. واتغطى به .. واذ هم يقرصونني من كل حدب وصوب .. واهرب .. واعود بفليت .. للحشرات الزاحفه .. <<عاد مدري وشلون بيقتلهم !؟

وأبدأ برش المبيد الحشري .. بكل مكان .. من الغرفه .. وخارج الغرفه .. وحتى أنني كدت أشرب الباقي منه !!

ويموت بتلك المعركه جنود كثر .. وأرجع ومعي الغنائم والنصر واضح على محياي :0)

ويأتي اليوم التالي .. واذ بنفس المعاناه .. وازود من قبل .


فقاومت .. وقاومت .. وقاومت .. وكل يوم يتحسن مستواهم الحربي .. لكن انتهت الأسلحة .. ونفدت الذخيره .
فرفعت الرايه .. واعلنت الاستسلام في مؤتمر روما .. وهاانا أعيش متلطما .. متكمما .. وقوانين الغاب تحكمني .. لا أقدر أن أقول الا .. قبح الله النامس !

وشكرا ..

[snow river]

هههههههههههههههه والله نفس الحاله



لكن النامس يهون عند الذبان :غضب: ياهو غثييييييييييييث اعوذ بالله :غضب: اذا كنت نايم وكل شوي تجيك تدغدغك وتهشها وترجع مره ثانيه ززززززززززززززززززززززز وتوخرها وترجع وهكذا الى الصبح اقوم وانا خلاص متنكده :":




ثانكيو هارب عالموضوع الغير شكل ":" ":"

[RPG_master]

ههههههههههههههههه الله يعينك:6

بس صدقني..ما تجي شي عند النمل



جرب قرصه النمل بعدين تعال:6


يدي كانت عباره عن دور واحد وبعد القرصه بنت لها دور ثاني

صارت كنها كليجا من كبرها

[ahmed23]

عندكم حق الذبان هذا مصيبة لوحده

دوناً عن باقي الحشرات

[HArb200]

سنو ,,

الذبان بعد مصيبه .. بس ماعنده اسلحه زي النامس .. يعني اهون بكثير .. الا ان صار سكران .. بعض المرات يخش بفمك ولا اذنك .. السكير ذولي هم أشر انواع الذباب .

والعفو ..


اربيجي ,,

اشوا انك تحس بمعاناتي :"
النمل ايضا مصيبه .. بس الحين منقطع عندي والحمدلله .. مانكد علي البرد والجو الرومانسي .. الا هالنامس .

وشكرا على ردك .

بوي ثينج ,,

لاصاروا فاضين .. انحش .. وخلهم يحتلون المكان كله :"
وشكرا على ردك .

احمد 23 ,,

صح .. ومشكور على ردك .

وشكرا ..

[Arsene Lupin]

و الله تونا في البرد ... محد يقدر يقرب شقتي... يموت من على بعد كيلو منها :6



و طبعا نادر من يستطيع الدخول... و لو دخل... كتاب الكالكولوس الي ماله فايده يصير مفيد في هالمواقف :0)



لا و ميزة هالكريتشر انه بطيء... مو مثل الذبان اسرع من الضوء..





اني وي... god help u

[المعدن]

اعوذبالله ناموس ذبان




وش خليتوا حق هذا





























:0)

[Angel whisper]

يحليلك يا اخ العرب :": ..

بس تدري ..

احنا هني نقتلهم بطريقة فريدة من نوعها ":" ..

نراقب الواحد مراقب زينة ..

ونحصره بين ايادينا ..

ونصفق :0)

فيسقط صريعا بين يديك ":" ..

هاذي طريقة تراثية والله

بس انا ما احب استخدمها :6

والله يعينك ومشكور :6

[Justine]

خخخخخخخخخخ

ايه حتى ناموس مكة نفس الشي <<<< مؤجر ":"

دايمن يكون عند الرجول ... لمن ادخل السيارة الاقيه جوه ?: عند رجولي

لمن اقعد فوق المكتب اذاكر او اقرا الاقيه عند رجولي كمان :غضب:

لو كان الناموس شجاع كان شرب من دمي اللي فوق مو اللي عند رجولي :غضب:



و سالفة الدبان !

من واقع خبرتي في الحياة ملاحظ انه الذباب الصغير مزعج أكثر من الكبير ?:

أحيانا افكر انه ما عنده خبرة لهذا يكون شقي اكثر ... أما الكبير فيكون بالع اللعبة كلها لهذا يكون خواف


و مشكور على الموضوع قيثارة ^^

[الكسندر قويحص]

الله يمسح وجه الناموس كله من وجه الارض واشكرك على المشاركه الجميله

[2TGOOL]

ههههههههههههههههه


ياخي انت مهستر....وبس...

[HArb200]

ارسين ,,
عاد نامس أمريكا غييير .. تلقى عنده أسلحه مطوره .. وبيولوجيه خخخخ

وشكرا على ردك ..

المعدن ,,
وع !

اينجل ,,
الا شكلك تستخدمينها .. بس ماتبين تعلمينا ":"
وطبعا .. من واقع خبرة التعامل مع مثل هالانواع .. الاحظ ان الكتاب ذو 200 صفحه ..هو أقوى سلاح يمكن استخدامه .
ونتايجه فوريه ":"

وشكرا على ردك .

باهاموت ,,
خخخ .. متواضع النامس ذا ..

من ناحية الذبان .. فأعتقد نظريتك صحيحه ":" ..

قيثاره :! .. ومشكور على ردك .


قويحص ,,
العفو .. واشكرك على الرد الجميل .


وشكرا ..

[tidusxxx]

خخخخخخخخخخخخخخخخخخخخ.....زي حالتي:6
بس الموشكلة انه يصوب على اذاني?:
ما تشوفني الا اضارب بالجرايد.<<<تراها سلاح فتاك..
لكن اغرب شي ان نامسنا تعلم خدع....اذا ضربناه يسوي نفسه ميت...وشوي ويطير?:
فيه بخاخات يمدحونها تبخ منها ولا يجيك ولا حشرة...بس مدري عنه:6

[الدكتور زحفان]

والله حالتك صعبة

تصدق أنا كنت زيك ":" بس ألحين ماعاد يقرب شي اسمه نامس

لأني خذيت إحتيطات

وجهزت غرفتي بأحدث أنواع الزنوبات وأجدد عصا أم شبك <- - مدري والله وش أسمها

وأي ناموسه تقرب .... تروح فيها على طول

وألحين النواميس حرمت تقرب لغرفتي ":"

والله يعطيك العافية على الموضوع

[انجلينا17]

الذبان بعد مصيبه .. بس ماعنده اسلحه زي النامس .. يعني اهون بكثير .. الا ان صار سكران .. بعض المرات يخش بفمك ولا اذنك .. السكير ذولي هم أشر انواع الذباب .

زين اذا فكر يدخل فى الفم ولا الاذن ?: خشمي :6

والنامس من زمان ماشفته

والنمل على قوله عربجي ماستر قرصته حاره :"