الساعه تشير الى التاسعه صباحا بتوقيت الرياض الجوال يخرش الي ماينخرش اناظر المتصل الى موسى , رديت عليه نعم يا ازعاج قال تعال بسرعه الكليه قلت ليه قال تعال نزلو الجداول انا من يوم سمعت طاري الجداول طار النوم والشعر انتفش(يوه يا النصبه اصلا محلق موس) والغمص كام يطامر وانا الي اقوم كني مهبول والسبه موسى حسبي الله على ابليسه ناصبن يقول ان المرشد الاكاديمي يبي يمشي ومعكم علم اخر ترم ولا ودي اتاخر بالتسجيل واجيك موحف واركب السياره لا فطور ولا يحزنون حتى الوجه ماغسلته الله يبعد الشر
اعلانات اعلانات اعلانات اعلانات
تعلن ام دحيم عن وصول دفعه جديده من الكليجه الايطاليه لعشاق الدوري الايطالي والتي تتوفر بعدة الوان ابيض لليوفي واحمر واسود لميلان واحمر واصفر لروما (لعيون توتي) وازرق واسود لعيون انتر ولعشاق الانديه الصغيره ارجو مخاطبت ام محمود مديرة المباعيات لاخذ الالوان والشعارات المطلوبه (ام دحيم تسعى لاموالكم)
اعلان مدفوع القيمه
المهم وصلت للكليه نزلت بسرعه وقفتها بمكان مدري وش يبيبني نزلت ركضت دقيت على موسى موسى مايرد ادق على ابو حميد رد قلت له وينك قال dd309قلت جاي دخلت قلت للمرشد وين جدولي قال اي جداول بدري الجداول الثلاثاء وانا الي اطرطع وجهي غدا احمر والغمص من فورة الدم قام يناقز وادق على موسى ويرد وينك قال ابد بالدانه قلت وش الحركه هذي قال اي حركه قلت طيب مردوده بالله ياشباب كيف اردها لوجهه خصوصا يوم طلعت لقيت سيارتي مكلبشه بسبة اني موقف غلط :غضب:
..
كليجاااااااااا":" ":" 
