اخبااار نااار من خالد السياسي!!!!
اخباااار سو هووت
صرح أمس الأمريكان أن كوريا الشمالية دقّت سلف لمفاعلهم النووي اللي بيونجيون, ويقول الامريكان ان هالخطوة مهيب خطره الين الحين لأن الخطوره الحقيقية اذا تعبثوا الكوريين في القير وخلوا المفاعل يدحدر والا عشقوه على D وفي هالحاله بيمديهم بالراحة ينتجون قنبلة نووية وحدة كل سنة
مفاعل كوريا النووي .. في ذمتي أن المصمك أزين منه
عاد الزبده يقول واحدن من العيال الله يستر عليه أن اللي خارش الامريكان هو أصياخ الطاقة اللي قد استخلصوها الكوريين الشماليين هاك الحين من هالمفاعل ويقولون أن ذا الاصياخ يمديها لحالها تنتج حول خمس قنابل بهالكم شهر الجاية
ويقولون أن نص كوريا الشمالية ما عندهم كهرب ولا عندهم الا مواطير قد شروها من الخريف هاك الحين يشغلونها من مسيان الين الساعه تسع ونص بالليل (( عقب الاخبار )) ويعتقد مراسلنا أبو ناصر في الافلاج ان ضعف الطاقة الكهربائية في كوريا سبب رئيسي في تزايد عدد الكوريين بشكل مخيف
أما في كوريا الجنوبيه فقال رئيسهم الجديد الله يستر علينا وعليه أن سالفة دقّة السلف ذي ما اوحاها من قبل .. ويقول بعد أن امريكا ما نبّت عليهم يتولمون لأي شي لذلك قرر انه هو وحكومته يشيلون سامرية (( يفوح صدري مثل فوح البريقي
على طاري الأباريق .. ذا الاباريق زينه من شركة السيف وغويليه شوي بس ما يمديكم تفوّحون بها الماء
بس وش اسوي من كثر مااقرا اخبارهم حفظتها 