الدوري السعودي الفاشل بكل المقاييس!!!

[مشعل-الليل]

ماهذا ؟؟؟

قمة التخلف

هذا هوالدوري السعودي الذي سوا زحمة في كل مكان ...؟


فبدأت الألسن تردد متى بينزل الدوري السعودي (وذلك بسبب الدعاية التي قام بها ذلك المصمم الفاشل ) فما بقي مكان إلا قال ترقبوا الدوري السعودي ...قريبا الدوري السعودي ...لا يفوتكم الدوري السعودي ...موعد نزوله وصور رائعة منه ... كل هذه الأكاذيب والأقاويل سوف ترد على وجه صاحبها المادي !!!

لكن النتيجة كانت أو ستكون الفشل الكبير الذي لحق أو سيلحق بالدوري السعودي المزعوم

أهازيييج مسجلة بطريقة (مسجل خربان )

صور كأنها مصورة بكامرة من 20 سنة ..!!

كلام فقط عن وجود أندية كثيرة مثل القادسية النجمة الوحدة الشباب وغيرها أندية كثيرة كان يقول أنها موجودة لكن للأسف لا يوجد سوا الهلال مع أني من مشجعي الهلال النصر الأهلي الاتحاد

الأرقام الموجودة على ظهوور اللا عبين توجد بلون مغاير للون الفريق مثل الهلال وطقمه الأزرق أرقام لا عبيه بالأسود (الحمد لله ) لكن ربما المصمم لديه ذوق نحترم ذوقه (الله يعطينا العقل ولا يبتلينا بذوق مثل ذوقه )
أسماء الأندية يليت تكون بأسمائها وإنما الهلال مثلا اسمه(ريفير بليت) الإتحاد كمثال آآآخر (فاسكو دي جا ما )!!!!! ما هذا؟؟؟؟!!!!


طاقات اللاعبين لاتتناسب مع الواقع مثال نور أو محمد نور لاعب الإتحاد عليه طاقات ماشاء الله ولا بيليه ويوجد الكثير من الأمثلة لكن اختصارا مثال واحد كافي...

العنصرية الشديدة ففي بداية الشريييط أهازيج للإتحاد والأهلي فقط فيما لا يوجد أي شي لا أقول أهازيج أي شي يمت للهلال أو النصر بصلة...!!!!

يباع في المحلات بأغلفة مكتوب عليها التعليق عربي ...!!!!



سوف تظهر نتيجة هذا العمل الفاشل قريبا بإذن الله ....

كلمتي لمصمم الدوري السعودي المزعوم :

((إذا أردت أن تقدم على عمل فكرة كبيرة ورائعة كهذه فأقل شي أستخدم مسجل جديد ((وإذا ماعندك أسلفك الستريو حقي)) ألتقط صور جديدة ..
أصدق في أقوالك ولا تطلع كلام لا يمت للواقع بصلة أبداً ولاتسوي دعاية أكثر من اللازم على شي بايخ وحسن ذوقك شوي وحط تناسق بين أطقم اللاعبين ولون الأرقام على ظهورهم ... وإذا كنت ناوي الأصدار الثاني على نفس الموال فانسحب أحسن لك واترك الساحة لغيرك ممن يتقنون أعمالهم .,....وشكرا))


أتمنى أن لا أكون أطلت عليكم الحديث ..لكن دعوني أفرج عن مافي قلبي ..نحو هذا الجزء الفاشل والمتخلف

وشكراً للجميع

أخوكم ::مشعل الليل::

[CISSE]

الهذه الدرجه انتم حقودييييين !!
وغيورين من النجاحات التي وصل اليها داحم توتا بجهده وكفاحه

اول شي بالنسبه لموضوعك اخوي وقبل لا تحكم لازم تتأكد من الكلام اللي قلته حرف حرف مب تروح وتسب الرجال

وثاني شي
الى هذا اليوم الشريط (الدوري السعودي) لم يصدر في الاسواق
وموعد اصداره تقريبا بعد اسبوع
وشلون تقول جربته ولعبته وطلع فاشل !!

اذا افترضنا انك اشتريت شريط الدوري السعودي على قولتك - فهو ليس من اصدار داحم بالتأكيد لانه ذكر للجميع عن موعد اصداره -
اي انه اصدار من احد المبتدئين ويحاول الاحتكاك بـ(العمالقة) والـ(عباقره) امثال داحم توتا

اما اذا كان كلامك من نسج الخيال - فهذه قمه التعصب والكراهيه للرجل الذي طالما اسعدنا بإصداراته الناجحه بكل المقاييس
اقصد اذا كان كلامك غلط فيجب عليك الاعتذار لداحم توتا وعدم السب والتهزيء لانه رجل محترم وكبير في اخلاقه وتعامله

يعني الشريط اللي تقول عنه (هذا ان كان كلامك صحيح)
هو مب شريط داحم توتا لانه لم ينزل الاسواق حتى الان
فكيف تشتم وتهزء دون ان تعلم ماذا لعبت !!


والشريط كما وعدنا اخونا المذهل داحم توتا يضم الانديه التاليه
الاتحاد - النصر - الشباب - الاتفاق - القادسية - الاهلي - الهلال


وكما رأينا في الصور التي نقلها لنا العضو كلايفرت عن موضوع داحم فشاهدنا الصور في قمه الروعه والتقنية العاليه والرسم الدقيق والشعارات الجذابه والاغاني التي اضافها كلها حديثه وجميع اللاعبين تم الاخذ بطاقاتهم التي يستحقونها وهذا ليس بالمستغرب من رجل ذكي وخبير ولا يحتاج لشهاده احد منا



ويجب مراجعه كلامك وتصحيحه والاعتذار لانك غلطت في حق الرائع داحم وظلمته

[Austin 3:16]

كل المغالطات اللي بينكم عشان لعبة ماتقدم ولا تأخر .... عيب عليكم والله عيب ....:غضب:

ليتك ياداحمتوتا إنك سويت شريط وتنشره بهدوء دون إعلانات .. عشان مانشوف السخره هذي ... ياخي يا مشعل .. تعلم تصنع باتش وصلح لك دوري خاص لك إنت لنفسك .... :غضب: :غضب: :غضب: :غضب: ..... آخخخخ منكم بس

[مشعل-الليل]

أولاً أنا ما خلطت ولا ظلمت أحد بعدين إذا كنت أنت أخوي clsse من سكان الرياض رح لأي محل تلقى الدوري السعودي نازل ...! هذه نقطة أولى لأنك تكذبني بطريقة غير مباشرة .

ثاني شي أنا تكلمت عن داحم توتا شي؟؟ أنا متكلم عن إلي مصمم الشريط الموجود حالياً في الأسواق سواء المصمم داحم أوغيره بس مافي أحد قال أنه بينزل دوري سعودي إلا هو الأخ داحم فأنا أرجع وأقول ما خصيت داحم توتا بل اللي صمم الشريط هذا ..!


ثالثاًعلى كلام داحم أن النسخة حقته بتنزل بعد سبوعين أما هذي فموجودة في الأسواق حاليا يعني إذا كان غير داحم مصممها فالكلام موجهه له ولييس لداحم كما تظنون .

رابعاً وأخيرا

يليت تفيدونا عن النسخة هذي هل هو داحم توتا مصممها أم غيره فإذا كان داحم المصمم فأقول له طحت من عيني أما إذا كان مو داحم الي مصممها فأقوله لا عاد تصمم مره ثانية وخل تصاميمك لنفسك ... وراح أكون مترقباً لنسخة داحم الي إنشاء الله تكون عكس النسخة الموجودة حالياً..


وشكراً

[CISSE]

اخوي مشعل انا ما ذكرت اسم داحم ودافعت عنه في هذا الموضوع من فراغ !!
بل لاني قرأت التهجم على داحم والدليل على انك تهجمت عليه قولك هذا



(( وذلك بسبب الدعاية التي قام بها ذلك المصمم الفاشل ))

ما فيه احد سوا دعايه للشريط (الدوري السعودي) الا شخص واحد وهو داحم توتا يعني انت وجهت التهزيء له شخصيا

وهذا رد على كلامك اللي قلت فيه


((ثاني شي أنا تكلمت عن داحم توتا شي؟؟ أنا متكلم عن إلي مصمم الشريط الموجود حالياً في الأسواق))

نعم تكلمت عنه ولكن بطريقه غير مباشرة وهي عندما ذكرت انه ازعجنا بدعاياته والدعايات كانت موجوده في شريطه (العربي) شريط داحم توتا

وهذا ما دعاني للوقوف مع داحم والدفاع عنه


بعدين اخوي انا ما كذبتك وقلت ان الشريط مب موجود
انا قلت في الحالتين اذا كان نازل فأكيد انه مب من اصدار داحم لانه بعد اسبوع بيصدره





وهذا في نهايه كلامك ذكرت هذا الكلام


إذا كان داحم المصمم فأقول له طحت من عيني أما إذا كان مو داحم الي مصممها فأقوله لا عاد تصمم مره ثانية وخل تصاميمك لنفسك ...

ليش ما عدلت الجمله وقلت فيها :-

اذا كان داحم المصمم فأقول له طحت من عيني أما إذا كان مو داحم الي مصممها فأقوله (( اسف على الموضوع اللي اتهمتك فيه بالغلط ))

لانك ذكرت اذا كان داحم مصمم الشريط فتقول له : طحت من عيني
لكنك لم تذكر اذا لم يكن هو اللي انزل الشريط : ؟؟؟؟؟؟

يعني تختتم كلامك بالاعتذار

[الانتراوي 17]

السلام عليكم وتحيه طيبه

الاخ مشعل الليل صادق ففيه نسخه نزلت للسوق من تصميم احد الاخوان الموجودين في المنتدى ولكنه للأسف لحد الحين لم يصرح بذلك وهو اعتراف بفشل الاصدار تقريبا فتخيل نور عنده نجمه في صد البنلتي

اخوي مشعل انصحك بالهدوء وعدم استباق الاحداث وانصحك قبل ذلك بقول :
(سبحانك اللهم اني كنت من الظالمين ) فهي دعوه انشاء الله مقبوله

والحقيقه ان كلامك في الموضوع كان بشكل او بأخر موجه لداحم توتا

وتحياتي للجميع

[( الزعيم )]

اسمحلي اخوي مشعل ..

تهجمك على العضو الخلوق و المميز داحم لم يكن له اي سبب ...

انت ذكرت انه توجد نسخة عربية ......... يعني اي نسخة تنزل هي لداحم توتا ؟؟؟؟

و لهذا فأتمنى ان لا تحكم على اي اصدار و تصميم ينزله داحم إلا بعد ان تقوم بتجربته .... و ليس ان تجرب اي نسخة من مصمم مبتدىء وتضع اللوم على داحم ...

على كل حال ...

بالتوفيق لداحم .. و انشاء الله يكون اصداره القادم مميز كالعاده ...

و تحياتي لك اخوي مشعل .. و اعذرني اذا كان زعلتك في شىء ,,

[عابد 25]

انا معاك اخوي مشعل في كل كلمة قلتها ..

والله شريط الدوري السعودي فاشل فاشل فاشل ..

اولا: أرقام اللاعبين غلط !!
ثانيا: وجوه اللاعبين غلط × غلط (مخليين علي يزيد بشعر أصفر وطوييييييييل )
ثالثا: الحسن اليامي في الحقيقة يشوت باليسار لكن في الشريط مخلينه يشوت يمين وأيضا سيزار لاعب النصر يشون يمين وهم مخلينه يشوت يسار (قمة الدلاخة)
رابعا: أسماء اللاعبين غلط .. (سيزار لاعب النصر) يكتب كذا Cesar وهم كاتبينه Sezzar الحمد لله بس
خامسا: اسماء جميع اللاعبين غلط .. ياخي على الأقل اكتب الاسماء صح

ولو جلست أعد العيوب ما راح أنتهي ، لكن حبيت أقول عاد اللي يشتري منكم نسخ مثل ذي .. بس ضحك على الناس يبون المادة بس .. هذا همهم الأول والاخير

لكن الغلط علينا نحن اللي نشتري نسخ مثل ذي ..

[رونالدو رو]

هذي امكن نسخة داحم التجريبية لانو هو قال بينزل نسخة تجريبية











وهو بينزل النسخة الاصلية بعد اسبوعين
كما قال في احدى منتديات شبكة الزعيم

كمان التعليق العربي بس الاهداف انا مجربها

[رونالدو رو]

واقول لمصمم الشريط الفاشل انو مايصمملنا بعد اليوم

[مــــاكس]

يأخ مشعل الليل ................:غضب:


هذا بدال ماتشكروه وتقلون ماقصرت تشنون عليه هجمه كبيره اكبر من حملة امريكا على العراق ليه طيب عشان موقد المستوى احمد ربك انو في واحد معبركم وسوي دوري بلدك
طيب تعرف انو تصميم اللاعبين او الملابس موبي هاذه السهوله ممكن تقعد على البرنامج اكثر من ساعة عشان يسوي لبس النادي
طيب ان كان فيك خير سوي زيه او قل منه لئنك موعارف بس قاعد تتكلم
وشوف صعوبت العمل بعدين ذاك الوقت تعرف تشكره ..............

واقول لمصمم الشريط الله يعطيك العافية وعقبال الشريط الثاني والى الامام................................ ;-) ;-) ;-) ;-) ;-) ;-)

[صخر]

السلام عليكم

في مثل يقول(على راس السارق خشبه) :0)

الكلام الي اكتشف منه الاستاذ CISSE اننا نتكلم عن داحم توتا(الله من زين الاسم)


قمة التخلف........

المصمم الفاشل..........


اكاذيب...........


صاحبها المادي...........


لاحظوا.......لم يتم ذكر اسم داحم.......ولكن CISSE استنتج انه هو من الصفات السابقة......


يبدوا ان داحم فشل في اختيار من يرسل للدفاع عنه;-)

[الازرقاني]

العنصرية الشديدة ففي بداية الشريييط أهازيج للإتحاد والأهلي فقط فيما لا يوجد أي شي لا أقول أهازيج أي شي يمت للهلال أو النصر بصلة...!!!!

ماينلام ..عمرك سمعت هلاليين او نصراويين يشجعون صح؟؟؟يحضرون الملاعب و يقشمون حب و يطلعون و انكانهم بيقولون شي قامو يسبون مع العلم اني هلالي و متعصب بعد لكن هذا الواقع

بعدين من قال اني في ه وحده و الرياض و ما داري ايش؟؟؟لا تجيب كلام من كيسك

بعدين اذا الشريط مب عاجبك ترى محد قالك اشتريه؟؟؟؟مب غصب غيرك يبيه ترى و اولهم انا
:غضب:

والله شي..و مستعد احلفلك ان تلعب بالنسخه العربيه اللي مسويها داحم.

واللي يصمم شريط حتى لو كان فاشل ازين من اللي ما زين شي على الاقل زين ان فيه شاب عربي لو واحد يحاول يسوي اشرطه!

[CISSE]

اللي مسمي نفسه فصولي (الطفل) اللي مفروض ما ارد عليه لان الاطفال عقلهم على قدهم
اقول يا ايها **** ايها الغيور لو لك عقل وقدرت تفكر فيه بتكتشف ان اخوي مشعل يقصد داحم لانه ذكر انه ازعجنا بدعاياته ويا فصولي (***) من فيه من الاشخاص قام بذكر الاعلانات وكتابه المواضيع عن شريط الجوري السعودي غير داحم ؟

بس وش نقول غير انك معذور لانك ما وصلت لعمر الرجال

[الليزر]

يا شباب ليش معصبين
انا اقولكم السالفة بالتفصيل

هذا الشريط اللي شريتوه كلكم ليس من عمل داحم توتا وانما من عمل شخص اخر يحاول ان يحتك بالكبار (امثال داحم توتا ) ولم يستطع
فنسخة داحم توتا ستنزل بعد اسبوع او اسبوعين على الاقل
انا بنفسي تأكدت من هذا امس رحت لمحل العاب اكمبيوتر
اللي في حي الملك فهد ولقيت هذي النسخة ولكن شكيت انها حقت داحم توتاولا ما هي حقته وما اشتريتها
نسخة داحم توتا التي تنزل بعد اسبوع اواقل سترون فيها ابداع داحم
حيث خصص لكل فريق ملعب واهازيج وشعارات على الملعب واضاف بعض الحركات الخاصه لبعض اللاعبين ( نور بقميص اكمام طويله , سيزار قصيره , بوسكاب لاعب النصر عند تسجيله لهدف حركة الشقلبه , الجمعان تسديد قوي تركيز صعيف )
تبي تشوفون الصور ارجعوا لموضوع الاخ كلايفرت (المنقول )


وشكرا....:0)