مقدمة لافتتاح منتدى التصوير الضوئي -1-

[Neo Cid]

BUBLE :

شكرا اختي بوبيل ..

الحمد لله أن الصور عجبتج ..

و نصيحة مني .. المهم بالتصوير هو خيالج لكيفية شكل الصورة بعد التصوير .. مو المنظر نفسه ..

و منتظرين مشاركتج ..

Zarzora :

ههههههههههههههههههههه

أخوج كاميرته ديجيتال .. و انا كاميرتي عادية ..

أخوج راح مزارع شاي بماليزيا ؟ .. هذول أنا مصورهم ..

و عندي صورة الشاي و أبوي بين الشاي ( خليها بيني وبينج ) ..

اشرايج ؟ .. ما أفحمتج ؟ ..

ترى مو بس أخوج اللي يصور .. ":"

ODIN :

شكرا ..

بالنسبة للإقبال .. لهذا السبب فتحت مثلة بالعام ..

و مشكور على تحريكك للموضوع ..

بس الصورة هذي أحد ابداعاتك بالفوتوشوب ولا تصوير 100% ؟ ..

و شكرا جميعا ..

[Neo Cid]

الرسالة الأصلية كتبت بواسطة Zarzora
أقوووووووووووووووووووووول
أخاف انك مو مصور الصور وماخذها من أخووووووووووووي
أنا شاكه بهل الموضوع يا ابن الأخت:6

اي صح .. ذكرتيني .. ترى أول صورتين أخوج مصورهم ..

[Neo Cid]

دام أن الموضوع شفت فيه بعد ردود .. بعرض لكم بعد صور ..

تدققوا بالصورة عدل ..

راح لاحظون أنها مثل رأس طاووس أو طير ..

سبحان الله .. هذا سبب تصويري لهذي النبته الاستوائية ..

ففكرت انها راح تحوز على اعجابكم ..

سبحان القادر ..

[Neo Cid]

و هذي الصورة تبين مراحل نمو الفراولة في صورة واحدة ..

[^^عليــــوي^^]

هااايااات...
الصور عجيييييييبه
مناظر رووووعه
اتمنى ان نشوف من الاعضاء اكثر
تحياتي ^^عليــــوي^^

[Zarzora]

أنا عندي بعد صوره خذيتها من كمبيوتر خالك مو تفتن.......أذبحك:6
وهذي صوره مصورها في امريكا ولايه بوسطن;-)

[Neo Cid]

^^عليــــوي^^ :

هلا عليوي ..

مشكور على كلامك و رأيك .. الحمد لله أنك معجب فيها ..

اتمنى ان نشوف من الاعضاء اكثر

هذا الأهم .. أنا عندي نفس الموضوع لكن في منتدى الالعاب العام ..

و العكس .. توقعت أني بشوف المشاركة أكثر .. بس طلع العكس تماما ..

الموضوع هناك شغال ..

Zarzora :

يا حرامية .. :واو:

الصورة ممتازة .. بغيت أبوقها أنا بعد ذاك اليوم .. بس نفسي ما طاوعتني..

نفس التفكير .. الصورة ممتازة ..

ليش ما بقتي صور نيو يورك بعد ؟ .. لا تنسين .. حق المرة الياية ..

و إذا ما يبتي شي .. افضحج عند أخوج ..

ههههههههههههههههههههههههههههه

مشكورة على الصورة .. الممتازة .. ":"

[Golden_Sun]

والله فكرة منتدى التصوير الضوئي .. رائعة .. مذهلة .. روعة

بدور على صورة من صور اخوي بامريكا .. لحظة :6

ما لقيت صورة حلوه >_<
هذة احلى وحده

[Sara Sama]

وااااااااااااووووووووو... :واو:

الصور حلوه يا NEO CID :0) ....

والله يا ريت يفتحووون هالمنتدى .... فكره حلوه ...:0) ....

والله عنا في الجاامعه ... نادي التصوير....
شووووو فناااااااناااااات ماشالله عليهم ...
و أنشالله أنا باخذ كلاس فيه ..... و لو عرفت سر الخلطه .. ;-)
بشاااااااارك ..


any way .بحااول أدور صور أحطهم أنشالله

[assassin]

كووول صوور عجيبه وغريبه

وفكرة منتدى التصوير واييد حلوه




بس للاسف انا ما اصور ولا عندي اي صوره T_T

وصورة جولدن سن حلوه بس احس انها موب وااضحه شوي

واتمنى ان انشووف صور زيااده

[Zarzora]

أي شي الا الفضيحه:واو:
أقووووووووووووول:
بقت بعد صوره:6
وهذي صوره من نيويورك;-)

[Neo Cid]

Golden_Sun :

حياك يالعبد .. شفيكم على صور أمريكا ... فيه بالكون دول ثانية ..

الصورة كووووول .. و الباين أن أخوك مستخدم كاميرا من نوع اللي صورها

تطلع عريضة .. ولا أنت قاصها ؟ ..

بس الصورة حلوة ..

Sara Sama :

شكرا أختي سارا .. و ان شاء الله يفتحون المنتدى .. خاصة أني سمعت بأن

بدر ( ODIN ) قال فيه احتمال 90% ان المنتدى يفتح .. بس ممكن بدر يضرب

الاحتمال 10% وما يفتحه .. :":

و التصوير ما يبيله فن .. بس كاميرا جيدة و فيلم جيد .. و منظر .. و بعض الفن

فقط لا أكثر ولا أقل ..

و منتظرين صورج ..

assassin :

مشكور اخوي أساسين .. و يعطيك العافية ..

و مو لازم تشاركنا بالصور .. تقدر تدفع غرامة بدال الصور ..

و ان شاء الله نتحفك بالمزيد من الصور ..

Zarzora :

يا حرامية .. طلع تعرفين تبوقين ..

الصورة حلوة .. بس كئيبة .. :": .. ما لقيتي صور أحلى فيها زرع مثل الأولية ؟

و قبل ما تحطين صورة ثانية .. صغري حجمها بالفوتوشوب مثل ما علمتج ..

لأن أحجامها وايد كبيرة لأنها دقيقة ..

لا تنسينا بالبوق ..

[Neo Cid]

صورة فاكهة جديدة من ماليزيا ...

[Zarzora]

شسوي نيويورك كلها جذي....بس اذا تبي فيها طبيعه؟
لحظهة خلني أدور?:
لقيت وحده ماشي حالها;-)
أنا الي عرفه ان هل الصوره بأمريكا بس ماعرف اي ولايه:6

[Neo Cid]

الرسالة الأصلية كتبت بواسطة Zarzora
شسوي نيويورك كلها جذي....بس اذا تبي فيها طبيعه؟
لحظهة خلني أدور?:
لقيت وحده ماشي حالها;-)
أنا الي عرفه ان هل الصوره بأمريكا بس ماعرف اي ولايه:6

هع ..

أمريكا فيها ورد ؟ .. والله دنيا .. أكيد هذا مو بالمدينة ..

ممكن يكون New Hamshir .. لأن هناك أخوج كان رايح ..

المهم .. ننتظر منج المزيد من الصور ..و أنا عندي المزيد .. لكن بخلي المجال

شوي لغيري علشان نكتشف خبرات ..