أول رسمة لي .. !!

[Golden_Sun]

السلام عليكم ..

في البداية ارجو انكم تقبلوني بينكم ^_^
لأني جديد على منتدى الرسم الحر .. وبدأت قبل كم يوم اتعلم الرسم وشاهدت في احد المواقع طريقة رسم الSide View او المنظر الجانبي .. يعتبر من أسهل شي

وكانت النتيجة الرسمة المرفقة :":
ممكن تعطونا رايكم فيها .. وهل اقدر اكمل ولا اوقف وماعندي موهبة

يمكن العيب الوحيد في الرسمة شكل العين ؟!!! :-)
بإنتظار آرائكم

[m.H.m]

أهلا بك في منتدى الرسم الحر ^^

رسمك حلو ;-)

بالعكس ..

شكل العين روعة ":"


هل من مزيد؟

[Space Cowboy]

سلام جولدن سن

اهلا بك و مبروك على الجاليري !

الرسمة جميلة و لا ارى اي خطأ في العين
و لااااااااا توقف! رح ازعل هاه:غضب: و بعدين امساكك للقلم و متابعة طريقة الرسم في موقع ما و رسم الرسمة و فتح الجاليري اعلان صريح لموهبتك!
من الأن فصاعدا التمرين هو رفيق الدرب ! و انشاء الله نشوفك فنان كبير قريبا!

بالتوفيق!

سلام

[Neo Cid]

انت من صجك ولا تتغشمر ؟ .. :واو:

مشاء الله ..

والله ما جذبت يالعبد لمن قلت لك أنك عندك مواهب كامنة ...

رسمك خطييييييير .. ":"

كوووول .. و الشعر ضبطته .. هذا الشعر انا بسنة كاملة ما قدرت أسوي جذي

آخر شي انت بيوم و ليلة ترسمة بدقة .. :":

بالتوفيق ان شاء الله .. و راونا شوي من مواهبك الرائعة ..

[Golden_Sun]

Vavel
مشكور على الترحيب
واعتقد العين حلوه لكن مكانها غلط .. الاحسن تكون شوي تحت ?:
ومشكور على رايك

Space Cowboy
:واو: سويتها جالاري مرة وحدة .. :6
ومشكور على رايك اللي راح يدفعني للتدريب زيادة :":

Neo Cid
:": مشكور وما قصرت اخجلتني

عييل رسمي احسن من رسمك ههههه :6

كوووول .. و الشعر ضبطته ..

انا اللي عاجبني في الرسمة الشعر

[alucardracula]

يا هلا بيك أخويي جولدن سن..
مستوى ملفت للنظر بالنسبة لأول رسمة لك معانا!
العين و تقاسيم الوجه ممتازة..أما طريقة رسمك للشعر ممتازة جدا!
أتمنى تستمر بهذه القوة يا جولدن سن..
و ان شاء الله تلقى معانا اللي يسرّك و بالتوفيق..

[Golden_Sun]

alucardracula
:# مشكور على مديحك ..

وتفضلوا ثالث رسمة
اكيد بتقولون وين الثانية ..
الثانية تلوع الجبد .. قررت إني ما انشرها

ننتظر آرائكم

[Golden_Sun]

عدنا .. وين ردودكم ؟؟ ابي اشوف آرائكم ^^

إممم في الرسمة السابقة كشفت عيبين .. العين و الإذن اليمنى ما رسمتها :": :":

هذة أخر خرابيطي :6

[Neo Cid]

وااااااااااااو

مستواك في تحسن ..

بالتوفيق .. و هالله هالله بالدروس .. ركز عليها ..

[Touya]

اهلاً Golden_sun ومبروك!

انا حبيت افيدك بنصيحة بسيطة عن الرسمة الأولى;-)

بالنسبة للعين من المنظور الجانبي... اعتقد ان رسمك للحين صحيح اسلوباً لكن مو تقنياً... العين اللي رسمتها تصلح للرسم الامامي.. اما بالنسبة للرسم الجانبي فهي ترسم بمراعاة شكل العين.. فمن الأمام تكون كالمسطحة لكنها واقعا تكون مستديرة ويظهر هذا الشيء في المنظور الجانبي على الأخص

سكتش سويته لكن ماقتنعت فيه كليا.. اهم نقطه هنا هو شكل العيون... واسلوب رسمه.. فهي ترسم من نقطة وباتجاه واحد وضلعين... هي زاوية بالأصح;-)

[Bu Laban]

اااااااه يا تويا يا خاين :غضب:


متى سويت السكتش هذا :!



عموما نرجع لموضوع الاخ جولدن صن

رسماتك ممتازة مقارنة بانك على كلامك تقول انه اول رسم لك

( أنا وين و انت وين :" ) عموما انشالله انا وياك نستفيد منهم و من دروسهم

و نتطور في رسمنا نحو الاحسن

[Golden_Sun]

Neo Cid
مشكور ^^
وإنشاالله بجابل الدروس عدل .. باكلهم اكال :6

Touya
الله يبارك فيه
ومشكور على الملاحظة ^^
راح استفيد منها في المرات الياية ;-)

Bu Laban
مشكور على رايك ^^

( أنا وين و انت وين ) عموما انشالله انا وياك نستفيد منهم و من دروسهم

ترى كنت ما اعرف ارسم شي .. لكن تعلمت :": :6

انشاالله نشوفك فنان

عندي رسمة بعد .. اخاف احطها الموضوع يتحول جاليري .. وانا ما بيه يصير جاليري :": تو الناس

[Touya]

توكل على الله يارجال وعطنا كل اللي عندك.. وش بتخسر لاجربت؟؟ بالعكس بتكسب بالنقد وبتتشجع بالمديح!!! انت المستفيد في كل الحالتين!;-)

[asd11]

عجبتني يا جولدن سان خصوصاً لأني عرفت بعد أن ذبحتك الRPg مثلي

تابع و نشوف منك أكثر و أكثر

[aoks]

ما شاء الله ما شاء الله

من وين طلعت كل ذي المواهب

بصراحه رسمك شي

و إن شاء الله نشوف منك اكثر