عضو في غرفة التحقيق

[Bu Laban]

الى أعضاء المنتدى الحبيب








الله يعين اللي حطته ميمي جان في راسها

[MeMe CHaaN]

شكرا يا ديابلوس... *مراسلنا في الجزيرة*

**********************************************
و الأن مع موجز لآخر الأخبار.....

وافتنا جميع المصادر الأخيره انا ميمي جان قررت و بعد العديد من
الإستخبارات و البحث و التنقيب و التأكيد على فضيان العضو لهذا
الإسبوع أنا العضو الذي سوف يتم إدخاله لغرفة التحقيق هو:


















هو. . ...





هو. . .. ... .. ..









تا تا تا تـــــــــــــــــــــــــــان ... تا تا تا تــــــــــان ....

العضو هو Neo Cid

عندكم إيــــــــــــــــــــــــــــــــــــــــــاه

هجوووووووووووووووووووووووووووووووووم

*******************************************
شكرا لكم...

كانت معكم ميمي جان من قناة أبوظبي الفضائيه...

و السلام عليكم..:0)

[Bu Laban]

NEO CID

إليك السؤال الأول ( إفتتاحية )

ما هو شعورك و إنت ضحية أسئلتنا ( مقدما ) و خصوصا و أن بعض الأعضاء

جاهزين ببعض الأسئلة الجاهزة؟

[-][HaNa Sun][-]

أخيرا" مي مي جان قررتي ;-) زين و الله لأنا مستعيلين على الاسئله..


المهم الاسئله:

1- متى بديت الرسم؟

2_ شو أكثر شي تحب ترسمه؟

3_ شو الالوان اللي تحب تستخدمها؟


مصختها بعدين بدور أسئله أكثر في إنتظار الاجوبه;-)

[Neo Cid]

MeMe CHaaN :

هجوووووووووووووووووووووووووووووووووم

مو كافي اللي صار بالعراق ؟ .. :"

يا رب يا معين .. :":

Bu Laban :

ما هو شعورك و إنت ضحية أسئلتنا ( مقدما ) و خصوصا و أن بعض الأعضاء

شعوري كشعور رونالدو لمن سجل هدفين الفوز على المانيا في نهائي كأس

العالم 2002 ..

-][HaNa Sun][- :

1- متى بديت الرسم؟

هواية الرسم كانت موجودة فيني من أنا صغير ( انولدت و في أيدي ألوان :6 )

ما اقدر احدد بالضبط متى .. لكنها هواية موجودة فيني و كأنها الفطرة عند

الشخص ..

2_ شو أكثر شي تحب ترسمه؟

اي لوحة أو رسمة تعبر عن قضية انسانية او اجتماعية او بيئية ما ..

3_ شو الالوان اللي تحب تستخدمها؟

أحب بشكل عام الألوان الفاتحة الهادية .. و أشمئز من الألوان الفاتحة البراقة

من مثل الأصفر و الاحمر الفاقع .. أو الأزرق الحاد .. و الفسفوري .. و تجذبني

أكثر الألوان الغامقة .. و الالوان اللي تلقاها بالطبيعة موجودة .. و الأبيض هو

ملك الألوان بالنسبة لي .. و زوجته الأسود ..

بالمرفق أكثر الألوان اللي استخدمها في أعمالي من تصميم أو تلوين ..

و شكرا ..

[Golden_Sun]

Neo Cid في غرفة التحقيق !! ":"

يلا وابل من الأسئلة قادم لك ... :

1- متى رسمت اول رسمة وحسيت انها هي البداية ؟؟
2- ممكن نشوف احد رسوماتك .. وتكون من أخر شي رسمته ^^
3- كم ياخذ الرسم او التصميم من وقتك يومياً ؟؟

ماعندي اسئلة كثيرة ألحين .. لكن maybe next time

[Bu Laban]

و هذي اسئلتي ( خذها مني :6 )

وين تشوف نفسك في خريطة العالم و قت خسوف القمر و ارتفاع التعداد

السكاني مع رأيك في تخطيط المباني البحرية اللي تتوسط الصحاري

الكبرى؟====>جاوب بإجابة واحدة فقط و تكون شاملة للسؤال



نيو سيد==>:! :! :! :! :!

[Touya]

هممم سؤالي... تحب العاب الدوس من انواع DOS4GW (ايام الSVGA) وفيها تأثر البكسلة القديمة؟?! ولا العاب الوندوز الحالية البالغة الدقة وناعمة المظهر؟؟؟!:":

يعني بالعربي... تحب العاب البي سي هاليومين اكثر ولا العاب اول اللي تشتغل من الدوس؟

[ديابلوس]

سؤالي هو... ( اي لعبة اتاري عجبتك و صرت متيم بها لحد الجنون )؟؟ هههههههههههههه

شوف تراني سألت سؤال واحد يعني انا رحمتك الحين .. يوم بيجي دوري ارحمني اوكي ؟؟ ":"

باي

[MeMe CHaaN]

ها ها ها ها ها .. يا حليلك يا نيو كيد...
*أطني الريال يدعي عليه من قلبه مسكين*.. لووول
حليله ما يكفي أني تنقيته.. حتى أسئله بسأله الفقيّر .. لوووول..

المهم.. أول شي...

1) البطاقه الشخصيه؟

2)موقف تعرضت له تمنيت الأرض تنشق وتبلعك يومها؟

3) من هو قدوة نيو كيد في الحياة؟

4) ماذا تعني لك كل من الكلمات الآتيه؟
أنيمي...
الحب.....
الماء......

5) هل أنت راضي عن نفسك؟؟


و إنتهت الأسئلة لهذا اليوم...:6

المزيد في الأسئلة في الطريق... لا تحاتي...;-)

و سلامنكم....

[CUTE NURIKO]

عندي لك سوال اختياري صعععععععععععب.... والاجابه اجباريه :6

ماهو فلمك المفضل؟

1- lord of the rings

2- LORD OF THE RINGS

3- سيد الخواتم

[Neo Cid]

شوي شوي علينا .. قلنا وقع علينا الاختيار بس مو تعطونا أسئلة مستحيلة

Golden_Sun :

1- متى رسمت اول رسمة وحسيت انها هي البداية ؟؟

ما أذكر بالضبط أو فن لي .. اممممممممم .. لمن كنت أرسم دوائر على الطوفة ؟

لا لا .. تذكرت .. أول رسمات فعلية .. كانت أيام كان عمري 7-6 سنوات .. كنت

وقتها أرسم الشخصية Sonic و وقتها كان فيني جنون تجاه الشخصية ..

2- ممكن نشوف احد رسوماتك .. وتكون من أخر شي رسمته ^^

يوووووء ... وافشلتاااااااه .. :" :"

3- كم ياخذ الرسم او التصميم من وقتك يومياً ؟؟

لو تبي تحسبه المتوسط على الأيام .. أممممممممممممممم .. يطلع 10 ثواني

لكل يوم .. بلا مزاح .. لأنهم ما ياخذون من يومي وايد .. ماهم إلا هوايات لا أكثر ..

Bu Laban :

بالنسبة لسؤالج العنفطوكي .. فجوابي هو :

أمشي وين ما يمشون .. فيه مد أصير معاهم مد .. فيه خسوف ويهي يخسف ..

فيه صحراء اتقشف و انشف ..

Touya :

تحب العاب الدوس من انواع DOS4GW (ايام الSVGA) وفيها تأثر البكسلة القديمة؟?! ولا العاب الوندوز الحالية البالغة الدقة وناعمة المظهر؟؟؟!

اي والله ذكرتنا .. أذكر كنت ألعب العاب طيارات F-16 ( جذي اسمه يا جيم ؟)

و بعد كنت العب Prince Of Persia .. ذكرتني .. قبل جم يوم لعبتها على

الأتاري بس ما أذكر وين .. :0)

بس حاليا علما أعتقد بعض الألعاب تشتغل على الدوز و بعضها على الويندوز

.. بالنسبة لي ما فيه فرق .. بس أحس ان سرعة و جودة العاب الدوز اليديدة

اكثر من العاب الويندوز .. هذا بالنسبة للي أعرفه تجاه هالانظمة ..

ديابلوس :

( اي لعبة اتاري عجبتك و صرت متيم بها لحد الجنون )؟؟

أتاري ؟ .. والله ما اذكر اني كنت العبها .. بس كنت ألعب العاب صخر .. خاصة

البطريق و قصر الأميرة ..

يوم بيجي دوري ارحمني اوكي ؟؟

تامر أمر ..


سلاااااااااااااااااااام ..

نصيحة .. لا ترحموني ..

[Madoka]

سلام ^_______^

ميمي ماشالله موضوعج حلووو و راح يخلينا نتعرف اكثر على الاعضاء بالمنتدى ^___^


الحين وين الضحيه :6 ....

اسئلتي( مو شرط تجاوب على الاسئله اللي تضايقك )

- ليش اخترت النيم نيم "نيو سيد" ؟
- اشلون تعرفت عالمنتدى ؟؟
- كم وزنك؟ طولك؟ عمرك؟ شنو اسمك؟
- اي فصل من فصول السنه تفضله اكثر ^^؟
- لما تكون يوعان و انت قاعد عالكمبيوتر و قررت تروح للثلاجه و تاخذ شي تاكله .. شنو اهو؟؟ ( هههههه شهالسؤال?: )
- منو اكثر عضو ودك تلتقي فيه و تشوفه ^.^ ؟
- منو العضو اللي لو شفته جدامك راح تزنطه(اتغشمر) ..
- هل تستخدم المسنجر؟ و كم عدد الاعضاء اللي ضايفهم عندك ؟؟

كافي جذي ^^ .. انتظر الاجوبه ":"

[Neo Cid]

MeMe CHaaN :

اسمي نيو سيد .. مو كيد .. للعلم فقط ..

1) البطاقه الشخصيه؟

معاكم ميثم الحسيني من الكويت .. عمري 17 سنة تقريبا .. ( 16.8 :6 ) ..

هواياتي التصميم و الرسم و القراءة .. و التصوير بعض الأحيان .. و إذا ما حصلت

شي من هذيل العب سوني 2 .. و إذا خصلت الألعاب العب فف7 ..

و بالنسبة للي يسألني وين بالضبط بالكويت .. فجوابي له هو القرين ..

2)موقف تعرضت له تمنيت الأرض تنشق وتبلعك يومها؟

يا كثر المواقف اللي صارت بعمري و تمنيت لو الأرض مو بس تبلعني .. والله

وقتها تمنيت لو يكون عندي جهاز يعيد الزمن ولو ليوم .. و كان وقت فقدي

لأحد أعز أصدقائي ..

3) من هو قدوة نيو كيد في الحياة؟

الرسول ( صلى الله عليه و آله و سلم ) و آله و صحبة ..

4) ماذا تعني لك كل من الكلمات الآتيه؟

انمي : ما اشوفها إلا إذا اخوي جيم شرى منها .. حالات نادرة جدا ..

الحب : الانسان بطبعه ما يقدر يعيش بدون حب .. ( لا تفهمون غلط .. يا حبكم

على الفهم الغلط لو واحد لسانة يزل ) ..

الماء : قوله تعالى ( وجعلنا من الماء كل شي حي ) صدق الله العظيم ..

CUTE NURIKO :

ههههههههههههههههههههههه

شلون عرفتي ؟ .. مشاء الله عليج .. حاطة الاجابة الوحيدة بين الاختيارات ..

الظاهر أخوج منقلج السؤال ..

بشوف أجاوب على السؤال وقت ثاني من كثر ماهو صعب ..

[alucardracula]

الرسالة الأصلية كتبت بواسطة Neo Cid
بس كنت ألعب العاب صخر .. خاصة
البطريق و قصر الأميرة ..

يا حبيبي على هاللعبتين! كل شي و لا البطريق! رهيب لا زلت ألعبه!!!
هو مع جاليوس و فامباير كيلر!ميتل جير...:" أيّام حلوة
..
..
لاحظت أنك بديت بالرسم مع سونيك ,حتى أنا كنت مجنون بهالصبي المقنفذ!كنت أحاول ارسمه باستمرار!!
..
..
..
-عيل شنو أحلى الألعاب الكلاسيكية برايك؟
-ما رأيك في الفامبايرز؟
-شنو أحلى قصّتين عندك؟
-ما هي اللعبة التي استهوتك بموسيقاتها؟
-عدّد أحلى خمس ألعاب عندك؟
بالتوفيق يا عزيزي نيو سيد..