لماذا ؟؟

[عماد 18]

كيف الحال ؟؟
هذه خاطرة الفتها في محاضرة من المحاضرات المملة ..
احسها تعبر عن حال هالدنيا هالايام ..
لذا رجاء ..
الي حاب يعلق و الا ينكت ..
يشوف له موضوع ثاني ..
و اذا ما عجبته الخاطرة ياليت ما يرد ..
لاني مو رايق لخفة دم بعض الاعضاء ..
عارف انكم اول مرة تشوفوني اتكلم بهاللهجة لكن يمكن تعذروني لما تقرؤون اللي كتبته ..
الخاطرة اسمها لماذا ؟؟

لماذا اصبح هذا الزمن قاتما ؟؟
هل بسبب تحوله الى زمن مادي بحت ؟؟
اما انها النفوس التي تغيرت ؟؟

لماذا اصبح المرء لا يستطيع الاعتماد على صاحبه ؟؟
او جاره ؟؟
او حتى اقرب اقربائه ؟؟

لماذا لم يعد الانسان يرى ابعد من المادة في كل شي ؟؟
خصوصا عند الاعتماد عليه ؟!
هل لعيب فيه ؟؟
ام لانه نشأ في هذا الزمان ؟؟

لماذا عندما اعتمد على شخص في امر ما ,
فانه غالبا ما يخذلني ؟؟
هل لعيب فيني ؟؟
ام لاني لا استحق معاونته ؟؟

لماذا عندما يعتمد علي شخص ما ,
فاني احس بالضيق ؟؟
و اترك اعمالي و تتدافع افكاري ..
حتى لا اخذل هذا الشخص ؟؟
هل لاني ادين له بمبلغ ما – علما باني لا استدين - ؟؟
ام لاني احس باني في اختبار لشهامتي و مروأتي ؟؟
ام لاني ولدت في زمن غير زمني ؟؟

اسئلة تتدافع ..
و مواقف تتوالى ..
فهل من اجابة ؟؟
ام ساظل اسال نفسي هذا السؤال ؟؟
لماذا ؟؟
لماذا ؟؟
لماذا لما اوقف ورى سيارة عند اشارة و اختارها من بد كل السيارات ,,
يجي صاحبها و يستدلخ و ما يمشي الا اخر واحد :" ؟!
و لما واحد يوقف وراي و اكون في اول صف من السيارات ..
امشي قبل حتى ما ينتبه ان الاشارة صارت خضرا :" ؟!
لماذا ؟!


جريتكم :6 ..
و الله قهر !!
نادرا اوقف ورى واحد و يمشي بسرعة :! !!
لازم يجلس يفكر ..
الاشارة صارت خضرا ؟؟
طيب الحين متى امشي ؟؟
اذا صارت خضرا و الا حمرا ؟؟
صحيح امشي اذا صارت خضرا ..
بس الحين انا مفضي القير ..
يعني لازم اعشق ..
الخ ..
احس هذا اللي يصير في عقلهم دايما ..
و انا اول ما تصير الاشارة خضرا ..
طبعا اول شي اتاكد اذا ما في احد مسوي فيها فان دام و ناوي يقطع الاشارة ..
ثم على طول احرك ..
حتى انه نادرا واحد يضرب لي بوري عند اشارة ..
لكن العكس غير صحيح ..
على فكرة ..
ترى الخاطرة هذه فعلا كتبتها ..
لكن عشان هالاشارة مو عشان شي ثاني :6 ..
و الى جرة اخرى ان شاء الله ":" ..

[~MâLâK~]

هههههههههههههههاا إيه والله جريتني:":


اقول وش فيه ذا وش صاير له:6


حالتك يااخي مثل ابوي

بس يتحلطم

حتى اسمعه يكلم نفسه اقول ابوي وش فيك من تحاكي:": ؟!


قال ولا شي بس هذا الله ياخذه:غضب: ...إلخ


ازعاج


بعض الأحيان اخاف على ابوي لايصير له شي من كثر مايعصب من هذولي الدلوخ?:


الله يعين ابوي ويعينك?:


وشكراً على الخاطره الروعه اتحفنا باالمزيد:-)



بس المره الجايه باالأنجلش الله لايهينك:6















ياللهslaaaaaaaaaaaaaaaaaaaaaaaaam

[العراقي17]

عماد 18

شكلك متعقد من الناس الغير مبالين ...


نوعا ما انا نفسك بس ما باليد حيلة احيانا احاول اصير مثلهم بس ما اتحمل


كل واحد وطبعه

[العمدا]

خخخخخخخخخخ جره ميب صاحيه

وحلوه الصرامه الشديده في اول الموضوع

وبخوص نقطه الاشاره

ففعلاً هي موعاناه كثير من الناس ..

وخصوصاً اذا كان الي قدامك سواق .. طبعاً استثني التكاسي لانهم يشمون ريحه الاشاره قبل لا تفتح وهذا سبب حوادث :6

بالنسبه لي انا غالباً ما اعتمد على اشاره الموشاه .. هذا اذا كنت اول واحد

طبعاً اهم شي بالموضوع الخاطره ..

روعه .. وتعبر عن الوضع الحالي بكل صدق ..

الف شكر عماد

[Chad]

علما باني لا استدين -

عجبني هالمقطع اللي يبين إنك إنت اللي كاتبه

وبالنسبه للإشاره فتلقاني قاعد في نص الطريق قبل لا تفتح مباشره ولازم أكون أو المنطلقين لما أشوفها خضرا على إشاره المشاه:6

على فكره

الخاطره رائعه وتعبر عن الواقع للأسف

ملاحظه

أنا دخلت الموضوع لأن هذا أول موضوع لعماد ألقى فيه ردين بس فقلت ألحق نفسي بسرعه وأرد قبل لينقلب شات ":"

[{gaia_girl}]

دحين أنا خاشة جو مع الخاطرة.. و بعدين.. O.o

ما علينا :6 المهم الخاطرة فري نايس ^^

و على موضوع الاشارات..

هدا اللي ما يخرجوا من البيت بدري :6 أنا اتكلم اذا الموضوع عالصبح و فيها محاضرات.. غير كدة مشيّ حالك :6

و أحمد ربك اللي ماشيين متنحيين..
أجل اللي قالب سيارته ديسكو و موقف السير 200 صف .. -___-

THAT's إزعاج -__-

[RPG_master]

اشوا أني ألزق عيوني بالاشاره اذا وقفت اول واحد..

ما يمديها تفتح الا وقصف أرضي بواري وأنوار وحاله..



يمكن أهل بريده مهوب بزنس مانات مثلنا يا أهل الرياض:6


ما عندنا وقت حنا..حتى داتسن البقالة مستعجل..

[Lena]

يا زين السواويق":"


احسن ما في سواقنا انه بااااارد


مافي وازد قرقر:6


ما فهي الا حنا البنات ندعي على الي قدامنا "يالي منب قايله تحرك :6 "

[ثريول]

.الكلمات حلوة لكن....

من ناحيتي ماأعاني من هالكلام...
يعني أشوف أن الدنيا بخيييير....
إلا النادر.....

تحياتي.....ثريول.....

[cubelover]

قود جره



لا والقهر أنه أذا كنت مستعجل والي قدامك مسرح لصق السياره فيه وكبس العالي ويحرك:6

[alex]

الي يقهر ... اذا وقفت عند اشاره وانت اول واحد ... وكان وراك واحد من الي حافظين هالاشاره حفظ ... اذا جا دور الي قبلكم .. تلاقيه يقز في اشارتهم .. اول ما تصير حمرا ... انواع البواري والازعاج ...


طيب انا وش يعرفني انه حنا بعدهم ... اصلا لسى ما صار خضرا لنا .. فيه فاصل كم ثانيه بين الاشارات ...




يقهرونك

[Lucky guy]

الحين ذي تسمى جره ...

خاطرتك معبرة عن الوضع الحالي مثل ما قالوا أخوي العمدا

مشكور على الموضوع :-)

[hitler is back]

لماذا مراقبين هالزمان يجروننا بمثل هذي المواضيع؟



البدايه ممتازه ورهيبه...ولكن يوم وصلت الاشاره تنحت...قعدت افكر امشي ولا باقي حمرا

[SWEET TOOTH]

نادرا اوقف ورى واحد و يمشي بسرعة :واو: :واو: :واو: نفس الاحساس ....


شخبارك كابتن عميدو (( ملطوشة )) تذكر كرتون مثل هذا الاسم ...اذكر سمه العمالقة فيه كابتن عميدو مدري وش اسمه ....يضرب ضربات غريبة ... ضربة الغواصة والبيضة ....اشياء غريبة ...:6



شخباركم شباب ( >>>>> king_kubaj & RPG_master <<<<<< ))



;-) فيه شىء غريب بالاسماء :


RPG_master : G_m


king_kubaj : g_K



سلالالالالالالالالالالالالالام

[ورد]

?:


مــافهــمت شي غير الخـاطرة...
وكل ما تلاه مبهم ...:":

وبخصوص الخـاطرة ....
المقـطع الاخيـر حــلو....


بس فسري لـي هذا الكلام....
لاني ما فهمت منه ولا كـلمة ....:":

لماذا لما اوقف ورى سيارة عند اشارة و اختارها من بد كل السيارات ,,
يجي صاحبها و يستدلخ و ما يمشي الا اخر واحد ؟!
و لما واحد يوقف وراي و اكون في اول صف من السيارات ..
امشي قبل حتى ما ينتبه ان الاشارة صارت خضرا ؟!
لماذا ؟!


جريتكم ..
و الله قهر !!
نادرا اوقف ورى واحد و يمشي بسرعة !!
لازم يجلس يفكر ..
الاشارة صارت خضرا ؟؟
طيب الحين متى امشي ؟؟
اذا صارت خضرا و الا حمرا ؟؟
صحيح امشي اذا صارت خضرا ..
بس الحين انا مفضي القير ..
يعني لازم اعشق ..
الخ ..
احس هذا اللي يصير في عقلهم دايما ..
و انا اول ما تصير الاشارة خضرا ..
طبعا اول شي اتاكد اذا ما في احد مسوي فيها فان دام و ناوي يقطع الاشارة ..
ثم على طول احرك ..
حتى انه نادرا واحد يضرب لي بوري عند اشارة ..
لكن العكس غير صحيح