..:: Angel Sanctuary ::..

[Last_Angel]

WoW!!

موضوع مره رهيب اخوي تيدس ^^

وعجبني شرحك للشخصيات او القصه



بس ابغى اسألك؟
هل قريت المانجا؟
يعني الاو في اي هو تكمله للمانجا او العكس؟
لان من جد اخر مقطع كان مره غريب ?:



ومشكور على الموضوع ^_^

[Shin Kyo]

الأنمي مرة عجبني و بس كان داعاية للمانجا
خلاني غصب أروح أننزل المانجا من الأنترنت ...

و حاليا قاعد أقرأء في المانجا و لسا ما خلصته...


و شكرا تيدوس على الموضوع ...

[Tidus]

سعـــ2002ـــودي : شاكرلك عالرد اخوي السعودي ^^ و سعيد ان الموضوع نال اعجابك

Fujin : اشكرك اخوي/اختي على ردك / ردج الي فرحني ^^ و فعلا مثل ما قلت/قلتي ... Kaori Yuki اضخم مانجاكا مر علي ... يعجبني التعقيد اللي عايشه :6 و صراحه كل مانجا له عجبني من دون استثناء ^^ لكن عيبه انه يهتم بالقصص الصغيره الي تتكون من 2 او كحد اقصى 4 شابتيرز ... و المانجا الطويل اللي مصممه قليل مره ?: انصحك/انصحج فيه

angel on earth : أهلااااان اخوي انجل ^^ جد فرحت بمرورك على الموضوع ... شي انا فعلا شاكرلك عليه و ممنون انصحك بمتابعته لو سنحت لك الفرصه

Last_Angel : أهلين انجل ^^ تشكري عالرد و قوة الموضوع من قوة الانيمي نفسه على فكره كل اللي سويته ان كتبت عنه تقرير

و الاجابه عن سؤالج اختي ... اي نعم قريت المانجا ل Angel Sanctuary بعد ما قريت كل اعمال Kaori Yuki و الحمد لله ... Angel sanctuary اطول واحد ففضلت يكون هو اخر شي ... افلام الاو في ايه كلها عباره عن بداية المانجا ^^ المانجا يا انجل فيه شخصيات مو موجوده بالانيمي نفسه ... Angel Sanctuary ترى عمل كبيييييير مره و الانيمي جد كان عالطاير !!! المانجا بيتعمق بالقصه اكثر ... و من ناحيتي هو اروع و بكثير و فيه لمسة كاوري المجنونه الي كان يفتقرها الانيمي نفسه على فكره ...

لو ما حصلتي المانجا بتلقينه بهالموقع : omanga project موقع مانجا معروف ما اتوقع انج ما تعرفينه ^^

بخصوص مشهد النهايه ... ما اذكر ان قد مره مر علي مشهد شغل بالي اكثر منه ?: شي يخلي الواحد يجزم ان فيه تكمله ... قريت انا باحد المواقع ان سر هالمشهد كان عباره عن تشويق المتابعين للمانجا ... Koari Yuki حاول يكسب متابعين للمانجا من هالمشهد يعني ^^ و لعبها صح و الله :6 جنني :"

شاكرلج اختي مره ثانيه ^^ و اتمنى كلامي يكون وافي باجابته

Shin Kyo : تسلااااااام اخوي عالرد و نفسي ^^ للحين اقرى بالمانجا ... هو طويل بس قوي و يستاهل ...

[لوجــــــين]

سلالالالالالالالالالالالالالالالالالالالالالالالالالالالالالالالالالالالالالام

اشلونك تايدوس ^^

يعطيك العافيه على هل موضوع نورتنا بتقريرك الأكثر من رائع

أكثر شخصيه عجبتني اهي شخصيه Rociel

والله حقه يحب نفسه انا بعذره لو كنت مكانه

ههههههههههههههههههههههههه

ماشالله

لو كل البشر لمن يكبرون يصغرون و يحلوون

والله فله

هههههههههههههههههههههههههههه

[Tidus]

أهلين لوجين ^^

باحسن حال و لله الحمد و جد شخصية روشيل تحفه :6 فيها مواصفات كثيره حلوه بتشوفينها بالانيمي نفسه ^^

شاكرلج عالرد الي شجعني

[Yurilin]

مشكور وااااااايــــــــــد.....
على هذا الموضوع الرائع....شكله حلو...
بس الي باط جبدي يعني(استغفرالله)هذول الكلاك وما ملاك..?:
بس ترى حلو وااااااايد و عجبني حيل جيل حيل;-) ....
مشكووووور وااااااااايــــــــــــــد على هذا الموضوع الرائع
ونتمنى منك اكثر ان شاء الله

[sion001]

هلا

ما توقعت هذا الأنمي ينحط في هذا المنتدى .. إحتمال يقفلوه لك

-----

هو الأنمي رسمه خطير وكل شي .. بس القصة جدا سيئة .. جدا جدا سيئة ?: .. للأسف يخسروا رسم على قصة بايخة ..

حتى لو تقرأ تعليقات الغرب عليه تموت ضحك .. تطرقوا إلى جميع النواحي :6

المهم .. بس أقول أبليس ما عطوه وجه غير في المانجا :6 .. يعني يخسارة مرة أخرى الرسم عليه ?: ..


المهم .. إذا عندكم عروض هاتوا .. ما عندي غير واحد

ما لقوا غير أخت تحب أخوها ?: يع و ما خفي أعظم

مشكور أخي

[Tidus]

yuri7h20 : مشكوره اختي على ردج ^^

sion001 : هههههههههههه شنو هذا sion :0) بس صراحه احب الردود الي جذي :6

ما توقعت هذا الأنمي ينحط في هذا المنتدى .. إحتمال يقفلوه لك

ههههههههههههههههههههه ... الحمد لله المراقبين الي هني عقلهم مو صغير ^^ و اساسا الي قاعد تقولينه ماله اي داعي ... يتسكر ؟

احم

المهم .. إذا عندكم عروض هاتوا .. ما عندي غير واحد

ههههههههههه عروض !!! يعني ما شفتيه :6

طيب ... اختي شوفي الانيمي و اعرفي القصه و بعدين قولي رايج ^^ ترى الانيمي قمه و شغل متعوب عليه و مو مستاهل انه بالاخير ينقاله كلمه مثل هذي :

يع

^^ كون ان الانيمي يحتوي على قصه غريبه مو معناته انه شي لازم ما ينشاف ... انتي تبين شي اتابعينه جديد ... عارف انهم تعدو احدود كانو المفروض يوقفون وراها ^^ بس هالكلام مو معناته اني بتابع شي عادي شايفه بمليون انيمي غيره ...

عموما اختي من كلامج باين انج قاريه المانجا ^^ لو جد !!! ما اتوقع قلتي هالكلام عنه او انج تحبين القصص البسيطه المفهومه بسرعه و الي تعودنا عليه بستين الف انيمي ... احترم رايج ^^ و الناس اذواق

لكن حاولي تعطين كل شي حقه

فعلا ردج فرحني ^^ شاكرلج و بقوه عليه عروض للاسف اختي مو لاقي ... و اتمنى تشوفين الانيمي اول و تعطين رايج ^^

موفقه

[sion001]

العفو أخوي ..

أصلا أنا كنت أبغى أغير ردي لكن للأسف ما قدرت ..

أصلا هذا الأنمي كله إلحاد وتشويه في الصورة الإلهية .. أصلا ما يحتاج أشتريه و أخسر فلوسي عليه .. قارية قصته بالتفصيل الممل و قارية المانجا وشايفة الصور .. أصلا في لقطات لا تحتمل .. و من الناحية الدينية شيء يقهر :غضب: ..

حتى النصارى إلي هم نصارى قطعوا تريقة في الأنمي ما خلوا فيه شي ..

أصلا ما عطيت الأنمي وجه غير أشان رسمه :6 ..

ولا تقول إني أحب القصص السطحية :غضب: .. لكن أشياء جدا تطعن في العقيدة ما أحبها ...

في أنميات أحلى من كذه :6 شفت هيلسينج ؟؟ أو يامي نو ماتسو ؟؟ أو إكس ؟؟؟ ...

مو أشاني بنت لازم أحب ليدي ليدي أو سالي ?: أو ودنج بيتش !!!

أنا أحب أفلام الحروب و القتل والمقتول :6

لكن أنجل مزودها شوي

(( بأنزل الفيلم من النت وأريح راسي :6 ))

[Hiei]

.. ياسلالام شو هذا الأبداع ..موضوع رائع ومنظم .. وشكل ها الانمي رائع صراحة .. بس القصة فيه كفر عظيم .. المهم مايهم نحن نشاهد الأنمي لنستمتع فقط لاغير .. وأحب أقول للاخ العزيز والفاضل Tidusأنت لم تقصر في حق المنتدى لأنك شخص رائع صراحة ومميز وتستاهل كل خير .. وأحب أيضاً أشكركَ كثيراً ع الموضوع التحفة والمذهل والمدهش .. وأتمنى أن ينقل هذا الموضوع الى المميزة لانه يستحق والله .. ع العموم اسف ع التاخير في الرد .. وبالتوفيق دائماً وأبداً ...

[sion001]

خلاص أخوي Hiei لا تبقوا علي :6 ..

المهم .. ترا كاتان مو خدام ولد روزيل .. مقصر في حق كاتان شوي

ترا كاتان و لوسفر أحلى شخصيتين بعد إلكزيل

[sion001]

بس حبيت أوضح .. يعني مو أشان أبي عرض يعني ما عندي الأنمي ..

مثلا أنا عندي إكس .. بس ما خليت فيلم في النت إلا نزلت له من عروض و أغاني وخرابيط ..

و كل الأنميات تقريبا (( لأني بأسوي منها عروض )) بأصير مخرجة سنمائية ":" :6

لكن أنجل ما لقيت له غير عرض قرمبع له وصغير أشان كذه

[Anime-Girl]

اوه,من جد موضوع متعوب عليه حقيقه..مسلسل سمعت فيه وحتى لقيته في كازا وحطتيه من القائمه علشان انزله,انا قريت بعض المعلومات ما ابي احرق القصه..وتمام لانك ماحطيت صور ..بما ان الانيمي فيه فضائح شوي والهه الخ..
بس ابي اوضح للاعضاء انه مو شرط عضو يستعرض انيمي يقصد منه مايقصده الاغلبيه من صور فاضحه الخ ..لكن في بعض الاحيان من الافضل تعريف الاعضاء على المسلسلات..حتى يتجنبوها او يعرفوا جزء من قصتها..يعني لو ما استعرضناها احنا لكم هل كنتم ستعرفون؟!!!
مشكور تايدوس على الموضوع السوبر ..واكيد مكافأه لجهدك ..المميزه تناديك ..حاجزه لك مكان هناك ":"

[Tidus]

sion001 : ^^

في أنميات أحلى من كذه شفت هيلسينج ؟؟ أو يامي نو ماتسو ؟؟ أو إكس ؟؟؟ ...

هيل سينج :" مافي اي مجال للمقارنه بين هيل سينج و انجل ... مسلسل قوي مثله حرام يضيع ضياع بالحلقه الاخيره جذي ... هالمسلسل كملته عشان اكمله بس و يكون من ضمن قائمة الانيمي اللي شفتهم :6 هوى بداية حلقاته يمكن حلوه ... لكن يسيطر عليه البرود بشكل فضيع بباقي الحلقات ... نهايه فعلا غبيه للاسف ... كان المفروض تكون نهاية انيمي مشهور مثله اقوى بكثيييييير ...

يامي نو ماتسو شي فعلا ما ينوصف و عجبني و بقوه ^^

إكس انحش عن صراخهم بس :6 قوي هالانيمي ^^ كلهم شفتهم و عجبوني بقوه الا هيل سينج :": خذلني على شهرته و الله ...

ههههههههههه اوكي بيكون حل حلو ^^ تابعي الحلقات الثلاث و يا ليت اشوف رايج بعدها

Hiei : الموضوع كان ناقصه ردك هيي :0) و الحين اكتمل أشكرك هيي على ردك و تشجيعك ... فرحتني زيارتك للموضوع و مرورك عليه ... و الاكثر لكتابتك رد فيه مشجع يعطيك العافيه ^^

sion001 : :6 بالمشهد الاخير بالاوفا الثالث ... بعد ظهور اسماء طاقم العمل كامل ... يطلع مشهد ... يهدد فيه روشيل كاتان ... بانه خذله ... تابعي الحلقات كامله و بتلقين هالمشهد ^^ ووقتها يقول كاتان لروشيل :
I'm sorry lord Rosiel ... اممممم ... على حسب علمني ان كان من الاولى يناديه Dady بدل Lord لو كان فعلا ابوه ... هذا اول شي ... ثاني شي Rosiel ما اعتقد عنده زوجه ?: هذا على حسب علمي ... و طريقة مخاطبة Rosiel ل Katan كانت كانه لورد يخاطب خادمه ... هو مو خادم صحيح ... بس يحاول و يسعى يرد Rosiel للجنه ^^ يمكن مثل ما قلتي ابوه و مقصر بحقه :6 هههههههههه جد مقصر بحقه و الله ^^ عموما لو كان مذكور انه ولده بالمانجا فهالشي جايز ... ما ختمت المانجا للحين صراحه ... في اشياء كثيره بالمانجا تختلف عن الانيمي هالشي معروف

و أيوه كاتان و لوسيفير كانو من اقوى الشخصيات ... كثير شخصيات بالمانجا ما عطوها حقها بالانيمي :":

sion001 : :6 و انا بس حبيت اشكرج و بقوه ... بنقاشج و مشاركتج أحييتي الموضوع ^^ ... كل اللي كنت اتمناه انج تعطين هالانيمي حقه

دورتلج مقاطع ... و هذا اللي حصلته :

Clips
Music Clip

Anime-Girl : يا هلا انيمي ^^ انشاء الله تشوفينه باقرب وقت كلامج مشجع و اشكرج عليه و يعطيج الف عافيه انيمي ما قصرتي معانا و الله ^^ لولاكم ما كان هالموضوع بيكون موجود و ما كان بيروح للميزه شاكرلج و اقدر جهدج ^^

[sion001]

العفو أخوي على التوضيح :6

بس غريبة أنه أنا أقرأ دايما في المواقع الأجنبية أنه روزيل He يعني بضمير الرجل !!! غريبة !!! رغم أنه هيكله بنت إذا كل ذاك رجال .. و ش بقوا للحريم
و بعدين أجل ليش يلصق في لوسفر ؟؟؟!! ولا هو .... ؟؟؟

و مشكور على اللينكات

بس أقول :! لا تخرب الأنمي علي .. لا تخرب نهايه هيلسينج .. لأني إنشاء الله ودي أشتريه بالصيفية :! ((بس من معلوماتي أنه المسلسل ما خلص لساه !! إحتمال أكون غلطانه !! )))

مادام أنك خبير في هذا الأنمي و أنا ما عندي ذاك الخلفية القوية عنه .. بأسئل سؤال صغير .. هو كاتان إلي يصبح حجمه صغير أشان إلكزيل حولته كذه و لا إيش ؟؟ لأنه قريت في المواقع أنه نفس هذا الصغير (( بيج بوس)) عنده شغل مهم ((من الكلام الفاضي حقهم )) رغم أني لما شفت الصور هو نفسه كاتان و نفس الخرص على أذنه !!!

ثاني شيء أنا ملخبطة فيه كمان !! هل لوسفر هو نفسه كيرا (( يعني يتلبس فيه )) لأنه كل ما دخلت موقع يقلي كلام مختلف .. جرررر ..

بس أحلى شيء في الأنمي أنه لوسفر يلطش الأبله Setsuna.. أكره Setsuna:غضب: .. فرحت كثير لما تموت أخته البلهاء سارا .. نيهاهااهاه .. أعتبر كاتان عامل خير .. ينهى عن المنكر :6 :6 :6

و نأسف على الإطالة :6