Metal Gear Solid بأجزائة الجديدة .. تفضل و القي نظرة على الغنائم !

[Neo Cid]

السلام عليكم و رحمة الله و بركاته ..

بسم الله الرحمن الرحيم ..

أول مرة أبدي بموضوع جاد في منتدى ميتال غير .. و العنوان حتى مو مناسب ..

الموضوع راح يكون خلط لكل أنواع ميتال غير .. من :

Metal Gear Solid : The Twin Snake

إلى

Metal Gear Solid 3 : The Snake Eater

.. و لنبدي ..

==========================================
Metal Gear Solid : The Twin Snake
==========================================

الموقع الرسمي لهذي اللعبة .. هنا وصلة الموقع الرسمي في كونامي

ان شاء الله يشتغل معاكم الموقع تمام .. لأنه الظاهر من كثر الزحمة مو قادر

يفتح كل شي .. اللي أكتبه عن اللعبة بعضكم يعرفه .. اللعبة على جهاز الجيم

كيوب .. لكنها صراحة .. موووذهلة ..

قبل خمس دقايق تقريبا .. حصلت على لقطة ميتال غير على الكيوب و سحبته

بدون تردد .. "METAL GEAR SOLID THE TWIN SNAKES" E3 2003 MOVIE DOWNLOAD START (KonamiJPN)

( لمشاهدة العرض .. استخدم طريقة Save Target as ) ..

العرض بدايته كلام تلقيه نعومي علما اعتقد .. أو ماريل .. وحدة منهم .. وتتكلم

عن الجينات و انتقالها من الآباء إلى الابناء و اهميتها .. و بعدين .. تشكر سنيك ..

و البداية مشابهه لميتال غير الأول .. بس فيه تغيرات . المشهد سيدى ينتقل

للنينجا .. و اللقطة كووووووووووووووووووول .. النينجا بالممر لمن يذبح بالجنود ..

هذا المشهد يمكن ما شفناه على السوني .. و حتى يطلع ليكيود .. و أصوات

شخصيات .. و اوسلوت حتى يطلع .. و السيكو مانتيس .. يتكلم عن هيدو كوجيما

و اتفاقيته مع ننتيندو .. هههههههههه .. والله ضحك .. بس اللقطة لا تطوفكم ..

اوووه .. شكلي طولت بالكلام عنها .. اللقطة حجمها 10.2 ميجا .. و مدته

حوالي 6 دقايق إلا شوي ..

و حتى تقدر تدخل اسمك للدوج تاجز .. و هذا الشي اللي ما كان موجود

بالجزء الأول .. الحين تقدر تدخل اسمك .. و تلقاه بموقع اللعبة بقسم Dog Tags ..

لحق ما تلحق .. الكمية محدودة .. :6

و هذي اللعبة شكلها بتكون السبب الرئيسي في شرائي لجيم كيوب .. و مثل

ما مكتوب بالموقع .. :

The best story of the 20th Century (MGS1) + the best game system of the 21st Century (MGS2)

T w i n S n a k e

==========================================
Metal Gear Solid 3 : The Snake Eater
==========================================

الموقعي الرسمي لهذا الجزء .. اضغط هنا للموقع الرسمي من كونامي

اممممم .. شكلها كونامي وايد متحفظة على هذي اللعبة .. و كعادتها .. تتحفظ

بشكل غريب .. و بصراحة .. الموقع ما فيه وايد أشياء غير الصور اللي شفناها ..

و حتى اللقطة مو موجودة بالموقع .. بس صور .. و كلام غريب متعلق

بسنة 1961 إلى سنة 1964 .. غريب هيدوكوجيما هذا .. بس للأسف هذا المتوفر

حاليا بهذا الموقع .. و حتى الMovies مو شغال .. للأسف .. فلازم تنتظرون

التكملة للموضوع .. و بحاول أعطيكم الأخبار من المواقع الرسمي أول بأول ..

و ان شاء الله يكون الموضوع عجبكم ..

سلام ..

[aoks]

اهلين نيو سيد

انا حطيت اسمي بحق الدوج تاج اليوم الصبح مع اني عارف ما في امل يطلع اسمي باللعبة

صراحة انا متحمس للعبتين كل وحده اكثر من الثانية

والحلو..ان توين سنيك بتنزل بعد 5 شهور ونص امريكية

[Mesharey]

ثانكس نيو ^_^
بضيف صورة لميتل جير الكيوب والثالث ^^
توين سنيك..


آكل الأفاعي :6



على فكرة نيو..عندك الكيوب ؟!
وشوكرن مرتن اخرتن !

[aoks]

ما تلاحظون ان الجنود في توين سنيك صايرين زي ستار وورز

[Neo Cid]

aoks :

العفو أخوي اوكس ..

اشدعوه .. ليش ما فيه ؟ .. لا تطمن .. ان شاء الله فيه .. بس انت اقرى آية

الكرسي 20870 مرة قبل ما يسوون السحب .. و ان شاء الله تشوف اسمك ..

و أنا استغربت من فترة اصدارة .. جدا قريبة .. الظاهر الشغل كان بادي من

زمان عليها . المهم .. الله يعطيهم العافية .. :0)


Mesharey :

العفو يا مشاري .. ولو ..

مشكور على الصور .. و حاليا الوالد يقول : إذا اثنين بالبيت راح يلعبون بالجهاز

راح أشتريه .. للحين .. احنا 3 .. واحد كبير فوق العشرين .. احذفه من القائمة ..

و صرنا اثنين .. أخوي الصغير مصر .. و أنا شبة متردد .. لكني الحين اقتنعت ..

و الوالد أمس شاف برنامج Compunet على القناة الأولى و عجبة الجهاز ..

و شكلنا اقنعناه ..

و شووكرن على الردود ..

[Mesharey]

الرسالة الأصلية كتبت بواسطة aoks
ما تلاحظون ان الجنود في توين سنيك صايرين زي ستار وورز

هذي حركات سريعة عشان يكون الجرافيكس زين ..ولا هو اي شي :6

نيو.. عقبالنا

[Neo Cid]

الرسالة الأصلية كتبت بواسطة aoks
ما تلاحظون ان الجنود في توين سنيك صايرين زي ستار وورز

هذول بس الجنود اللي برة القاعدة ..

بس لو تشوف الجنود اللي داخل القاعدة نفسهم .. حتى الجندي اللي يدخل

الحمام و يقول : I hate Alaska موجود .. شفته باللقطة .. خخخخخخخخخ :6

[We6fe]

شكرن جزيلن :6

خوش موزوووووع

فيري نايس

[شالاشاسكا]

موضوعك حلو اخوي

بس في وين اتصير Dog tag

[We6fe]

حاليا بهذا الموقع .. و حتى الMovies مو شغال .. للأسف .. فلازم تنتظرون

نزل العرض من موضوع قلتي .. انا قعدت يومين انزل فيه ^^

والوحوش اشكالهم مو ستار ووورز .. يشبهون سيفون فلتر شويه ..

[Neo Cid]

Mesharey :

الكل ان شاء الله ..


We6fe :

العفو أخوي وطفي ..

هزا من زوأك .. :6

و العرض أنا منزلة من أمس .. بس هذا العرض غير رسمي .. فيه بداية مقطوعة ..

أنا منتظر الرسمي من كونامي نفسها ..


شالاشاسكا :

العفو ..

تلقاه بموقع ميتال غير سوليد : توين سنيك .. موجود على اليسار مكتوب

دوج تاجز .. روح عليه و اختار. . بعدين يطلعلك كلام أختر كلام فيه Apply ..

و بعدين اكتب التفاصيل و سلم ..

[Snake-87]

تسلم والله بعد جبدي
يعني ميتل جير على الكيوب بس إعادة حج الجزء الأول؟؟؟?:
يعني لازم أشتري الكيوب
أنا أنظر للمستقبل
بجمع للجهاز من الحين:0)

[We6fe]

الرسالة الأصلية كتبت بواسطة soper sonic
تسلم والله بعد جبدي
يعني ميتل جير على الكيوب بس إعادة حج الجزء الأول؟؟؟?:
يعني لازم أشتري الكيوب
أنا أنظر للمستقبل
بجمع للجهاز من الحين:0)

اي نعم عالكيوب واعاده للجزء الاول ..لاكن بجرافيكس اقوى ..

وبعدين الشركه المطوره له هي سيليكون نايتس^^

وانا توني من نص ساعه سجلت .. واسمي :

Bader Ibrahim :0)

وزودت عمري سنه عشان يقبلوني خخخخخ ..

1986

وباي

[Neo Cid]

ما راح يقبلونك .. الطول ما يناسب . :6

[:: Snake ::]

هلا والله سيد هلا...
تسلملي على الموضوع الحلو والمرتب والشامل و...و...و...الخ
واخيرا شفنا مواضيعك في منتدانا....
ثانكس اقين اند كيب اب ذا قود ورك..;-)