مشكله وابغي حل لها جزاكم الله خير

[شـوق]

بسم الله الرحمن الرحيم
اخواني واخواتي الاعضاء حبيت في مشاركتي هذي اطرح عليكم مشكله واتمنى بإذن الله اني القى معاكم على حل وياريت تكون حلول منطقيه وياريت اللي له تجربه في مثل هالمشكله يقولي رايه ....وهذي هذي المشكله....


انا شاب غير متزوج وامي مصره انها تزوجني من بنت خالتي لانه خالتي متوفيه الله يرحمها وشكلها امي مشفقه على هالبنت وطبعا مثل ما انتو عارفين الاهل دايم يفضلون القريب قبل البعيد ...بس انا والله ما احبها مع اني ما شفتها ولا سمعت صوتها بس ما احس بأي احساس تجاها....ولما خبرت الوالدة وقلت لها اني ما ابغي اتزوجها جلست تبكي ومثل ما انتو عارفين دموع الام غاليه علينا كلنا وما حبيت اجرح مشاعرها زياده ......وانا بهل الفتره كنت احب وحده تعرفت عليها تقريبا من سنه على النت ودخلت قلبي وحبيتها حب الله وحده يعلمه ....وابغي اتزوجها ....فأنا مني عارف للحين من اتزوج ؟؟؟.......علما بأني قلت للبنت اللي اتعرفت اعليها من النت اني خاطب وكذا وما كان عندها أي ردة فعل .....وبعدين كذبت عليها وقلت لها اني فصخت الخطوبه وخلاص ماني مرتبط....بس الله يشهد انه انا مو قصدي اكذب عليها بس لغرض في نفسي محبيت اقولها اني مرتبط......وانا الحين وربي حاير من اتزوج.....اتزوج وحده ما حبيتها ؟؟....ولا اتزوج وحده تعرفت عليها من النت وحبيتها؟؟؟

ياليت تعطوني رايكم وجزاكم الله ألف خير...

شوق

[إماراتية و النعم]

أولا:تسلم اخوي لأنك طرحت علينا مشكلتك و حلوة منك

ثانيا:الحب مشكلة

ثالثا:من المفروض انك تتقرب من بنت خالتك و شوف يمكن تعجبك؟؟؟ فلا تظلمها

رابعا: خبر البنت اللي تحبها بالسالفة و شوف ويش ردة فعلها؟؟؟ يمكن هي عندها حل؟؟؟
خامسا: لا تتسرع بالقرار فكر زين و كل وااايد فول عشان مخك يصفى أوكي.؟؟؟

سادسا: كلم أمك بالموضوع و خبرها إذا كانت أمك متفهمة و إذا لا.....فاستشير حد من أهلك أو من قرايبك
سابعا: لا تاخذ رأيي أنا بس لأنه غيري الحين بيكتبون الحلول و انته شوف راحتك وين؟؟؟


ســـــــــــــــــــــــــــــــــــــوالـــــــــــــــــــــــــــــــــم;-)

[قاهر الظلام191]

؟؟؟؟؟؟؟؟؟؟؟؟؟

[قاهر الظلام191]

تسلم اخوي

انا بعد اايد اختي

اماراتية والنعم

لكن انا الصراحة لو انا مكانك ما بشتكي بس وما بفكر بس انا
بنفجر

من التفكير





?:

?:
?:
?:

[aljree7]

السلام عليكم
انشالله اقدر افيدك بردي هذا ولو انه قريب وايد من رد اتي اماراتية..
انا شخصيا عطيت هذا الحل لصديقي الي عنه نفس المشكلة بالضبط بس صلة القرابة تختلف...
قبل كل شي اتصلي صلاة الاستخارة وتدعي ربك يفرجها ويختار لك الي فيه الخير..والخيرة في ما اختاره الله.
ثانيا اتحاول تعرف عن البنت دينها, اخلاقها, جمالها ولو حتى تقدر اتشوفها (بوجود محرم ) يكون افضل
كيف تعرف عن البنت؟
طبعا مو عن طريق امك..انا ما اقصد ان امك بتغشك لكن قصدي ان امك اتحبه فلازم 100% بتمدح فيه وتخليها فل اوبشن..لكن عن طريق خواتك اذا عندك او اي حد من الاهل توثق فيه
اذا عجبتك البنت وانشالله بتعجبك انت في هالحالة بترضي ثلاث اطراف: نفسك,امك والبنية الي مالها حد. وبتعيش وياها وامك احلى عيشة لان امك تحبه وهي خالتها
بتسألني شو عن البنت الي احبه عن طريق النت؟؟
فهمت من كلامك ان البنت مو ممهتمة فيك ذاك الزود لاكن بتم بنت خالك احسن لك اذا توفرت فيها الصفات الي تباها ..
جرب ما بتخسر شي
اتمنى اني افيدك بردي هذا..واتمنى اشوف الرد منك وتوصل لي اخر اخبارك مع هالمشكلة
للتواصل عبر الماسنجر the_m0o0n@hotmail.com

[hitman]

انا من رايي خذ بنت خالتك وتوكل على الله وتذكر ان اكبر نسبة فشل
بالعلاقات عبر الانترنت والحب يالغالي ما يجي قبل الزواج الحب بعد الزواج

[عبد الله سلطان]

بسم الله الرحمن الرحيم .
السلام عليكم أخى صاحب المشكله .
أخى العزيز أو أبنى العزيز أختار أيهم أقرب لك من هذا الكلام قصدى أخى أو ابنى
بنسبه لمشكلتك يا أخى أنت مسلم وتعرف الله كثيرا وتعرف وتخاف من دمعة العين اذا انزلت من أمك وتخاف عليها نعم هذا واضح من كلامك عنها
وأما عن البنت اللى على النت التى تعرفت عليها تعرف جيدا ان هذاحرام
بمجرد الكلام معاها عبر الماسنجر وبصفه حب وما شابه ذالك يعتبر من الزنى والعياذ بالله .والحب على النت لايقوى ااواصر المحبه كما تقول
وهو عندم أهتمامها فى الموضوع عندما ذكرته لها وهذا دليل عدم تجاوب
من الناحيتها وهذا ينفى الحب من جانبها ويبقى فقط وهو انت الذى يحب لاهيه . فأعتزم على الله وتوكل عليه واذهب الى بنت خالتك اولا مع محرم
واعرف شكلها واوصافها واذا تم القبول بنسبه لشكل ومعرفت أخلاقها وطبعا انت تعرف دينها وتوكل عليه سبحانه ولا تخيب رجاء والديك بأذن لله
سيكون زواجا ميمونا ان شاء الله وبتوفيق مقدما .وأترك عنك من تتعرف عليهم عن طريق النت .فمن يتكلم معاك يتكلم مع 20 واحد مثلك ولا تأمن
بغير من يحفظه الله بين جدران بيتها ,وهذه نصيحه من أب عمره ستون سنه , والسلام عليكم ورحمة الله وبركاته .

[شـوق]

اخواني واخواتي اشكر ردودكم وياليت اقدر احصل اكثر من هالردود جزاكم الله خير....


شوق

[moKatel]

السلام عليكم

لدي حل لك .

1- أطرح مشكلتك علي الرحمن الرحيم في الثلث الأخير من الليل وابكي و تضرع و ادعي و انتظر الحل .

2- استخر ربك في هذا الأمر ( و عسي أن تكرهوا شيئا و هو خير لكم )

3- تب إلي الله من معاصيك

4- و اعلم أن الله قدر كل شيء و كتبه قبل خلق السموات و الأرض بخمسين ألف سنة فلا تقلق إنه العزيز الحكيم و قل الحمد لله أن الله هو الذي قدر الأقدار لانه أحكم الحاكمين .

5- لعل ما أنت فيه من بعض ما كسبت فراجع نفسك و انظر أين التقصير و اجبره و اسمع ( قل يا عبادي الذين أسرفوا علي أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم )

6- و أخيرا بعدما تفعل ما قلت لك إذهب لعالم و قص عليه مشكلتك
و عسي أن تكرهوا شيئا ويجعل الله فيه خيرا كثيرا .

و أسأل الله أن يهدينا و إياكم

والسلام

[Hardcore~Gamer]

اختار بين 2

ا ترضي امك,,,,,, او ترضي وحده ما تدري عن تربيتها !

[moar741]

استخر ربك ومن ثم اقدم على ما تراه مناسباً ولا تتردد ( فعسى أن تكرهوا شيئاً ويجعل الله فيه خيراً كثيرا)

[ولد العرب]

السلام عليكم.....

ابصراحه ياخوي....موضوعك وايد شدني....وقلت لازم اشارك على الأقل برأيي وحتى ولو مافادك....

أخوي أنت تعرفت على وحده من النت.....وكلمتها.....وحبيتها......بس ياريت تقول لي شو الشي اللي حلاك تحبها؟؟؟؟؟تأكدت من أخلاقها؟؟؟سألت عنها؟؟؟ عرفت البيئه اللي متربيه فيها هذي البنت؟؟؟؟....ياريت ياخوي تقول لي شو الشي اللي خلاك تحبها....وياليت يكون سبب مقنع....لان الكلام على الماسنجر والبلاوي هذي صدقني مستحيل يكون مقياس للحب....
وثاني شي الماسنجر عمره ما يتيح لك فرصه حقيقه انك تتعرف على اخلاق البنت هذي....يعني بكل بساطه اي بنت تقدر تكلم اي ولد على الماسنحر....وتقول له انها بنت محترمه ومؤدبه ومتعلمه وانها ما تعرفت على شباب قبله وانها وانها وانها....والمشكله ان بعض الشباب الطيبين اللي مثلك يصدقون.....مع انه احتمال الكذب يكون كبير في مثل هذي الحالات......لان الواحد يقدر انه يكذب ويسوي عمره قدوه على الماسنجر..

وبعدين ياخوي.....انت متأكد أنها ما تعرف غيرك؟؟؟؟ولا عرفت قبلك أحد؟؟؟وبعدين انت حبيتها مثل ما تقول....كيف حبيتها يعني وانت ما تعرف عنها شي؟؟؟؟؟والشي المهم انك لما جيت تتعرف عليها هل البنت كانت عارفه انه نيتك الزواج؟؟؟؟؟؟يمكن انت ولد ابن حلال بس فيه فئه كبيره من الشباب كذابين على النت......وعلى فكره صدقني ما في بنت محترمه ترضى تكلم واحد بدون ما تعرف شو نيته...مثل ما قلت لك هي طاحت على واحد ابن حلال ومو لعاب...بس كان فيه احتمال كبير انها تطيح على واحد لعاب ومكار وهمه انه ياخذ من البنت كرامتها ويرميها...بالمعنى الصريح همه انه يشبع غريزته..........صح ولا كلامي غلطان......
وابصراحه انا ماراح اظلم البنت هذي....يمكن البنت هذي ثقافة عائلتها تسمح لها انها تتعرف على شباب عن طريق الانترنت...ويمكن اهلها يدرون عنها.....فعلشان جذي انا ما راح اقول انها بنت مو محترمه .....ويمكن هي فعلا مع الوقت حبتك وتاكدت من نيتك.................

اما بنت خالتك....فهي فعلا يتيمه ومسكينه....وانت فعلا ما تقربت لها علشان تحكم عليها....وبعدين صدقني انا سمعت شريط لاحد المحاضرين والله ما اذكر اسمه اسم الشريط((وهم الحب))صدقني لما تسمعه راح تعرف انه حب ماقبل الزواج كله كلام فاضي.....وما منه فايده.....
بعدين انا اباسالك سؤال....ابائنا واجدادنا فديتهم انا ...هل تتوقع انهم تزوجوا عن حب؟؟؟؟وكل واحد حب له وحده وقابلها وكلمها وبعدين تزوجها ؟؟؟
طبعا لا.....صدقني ياخوي اهم شي انك تتاكد من أخلاق البنت...ومع الاسام والعشره صدقني يتولد الحب....وحتى لو ماكان فيه حب لاسمح الله راح تكون فيه معزه ناتجه عن طول العشره او عن الأخلاق......

وبعدين ياخي الرسول صلى الله عليه وسلم قاال((انا وكافل اليتيم في الجنه كهاتان))طبعا انت مو كافل بالمعنى الصحيح....ولكنك سترت على يتيمه.....وباذن الله الله يثيبك......

ولاتنسى النقطه الاهم في كلامي كله هذا.....ان الحب مو قبل الزواج....الشي المهم اللي يجب انك تعرفه قبل الزواج هو الاخلاق والمنبت الحسن......صدقني ياخوي ابائنا واجدادنا ماتزوجوا بعضهم عن حب....ولا قصص غرام ولا عشق ولا هم يحزنون.....ومثل ما قلت لك....لو كانت البنت منبتها حسن صدقني الله راح يؤلف بين قلوبكم مثل نا الف بين قلوب كل ابائنا واجدادنا..........

ومثل ما قلت لك انت ما تعرف عن البنت الاولى اي شي....وانا اعتبر معلوماتك عنها تساوي صفر...لانها هي تكلمك على الماسجر وبامكانها انها تكذب على كيفها لانها يمكن حاطه في بالها انها علاقه عابره مع شاب وبس....وصدقني مع الايام لو عرفت البنت الاولى راح تكتشف اكاذيب ياكثرها......

واسمحلي اني طولت عليك..........
اخوك ولد العرب ولد الإمارات

[Hardcore~Gamer]

احب اضيف على كلامي :

صدقني خذ بنت خالتك احسلك ,, رضى للوالدين ورضى الوالدين يتبعه رضا الله

وكل زواجه اساسها غلط يعني مصيرها الطلاق

انت الحين تقدر تقول لامك انا متعرف على وحده ؟؟ طبعا لا لانك عارف انك على غلط ,,

والزواج الي اساساه غلط ,, ما يدوم مهما كثرة الايام فيه

,,

لا تنسى ان هالبنت الي حبيتها ما تدري انت شلون ربوها اهلها ,, وش اصلها؟؟ كيف اخلاقها ؟؟ هل لها علاقه مع شاب اخر ؟؟ هل فعلت شيء لا سمح الله محرم ,,؟؟ وطبعا اذا كانت مسوي شيء محرم قبل الزواج اكيد بتخدعك وتسوي بعد زواجك ,, انا ما ودي اسيئ الظن بالبنت لعلها تكون متربيه ,, لكن حبيت امثلك واقرب لك



واقول : حب النت كلام عابث مهما كانت العلاقه

[مقناص الليل]

أولاً:صلى صلات الإستخاره من جهة بنت خالتك.
ثانياً:أنت تظمن البنت اللى على النت إنها ما قد تعرفت على أحد قبلك او غيرها؟؟؟؟؟؟؟؟؟.
ثالثاً:حاول تتعرف على بنت عمك عن طريق شرعي من سؤوا أخواتك عنها عن أخلاقها عن ديناه (لقوله صلى الله عليه وسلم : فإظفر بذات الدين تربت يداك).



أبغاك ما تزعل على كلامي ان كنت ازعجتك بهل الرد بس سامحني وأنا انصحك بالأقارب .


:" :" ;-) ;-) ;-) ;-) ;-)

[شـوق]

مشكورين اخواني على الردود ....بس حبيت اوضح لكم حاجه انا حصلت لي مشاكل كثيره مع بنت خالتي مثلا ابوها يغلي لي المهر واخوها ما يسويلي اي حساب لما اكلمه...يعني ابصراحه انا مومرتاح لبيت خالتي كثير....وحتى الوالد ما مرتاح لهم بس الوالده هي المصره.... :" :" ...ومشكورين على النصائح الغاليه...بس وربي مدري ايش اعمللللللللللللللللللللللللللل؟؟؟